საქართველოს პარლმენტში ახალი ფრაქცია – "ერთობა სამართლიანობისთვის" შეიქმნა, რომელიც დამფუძნებლების განმარტებით, საპარლამენტო  უმრავლესობისა და უმცირესობისგან დამოუკიდებლად იარსებებს.

”ქართული დასის” ლიდერი ჯონდო ბაღათურია და დამოუკიდებელი დეპუტატი პეტრე მამრაძე  დაკავებული ფოტორეპორტიორების საქმესთან დაკავშირებით უფლებადამცველი ორგანიზაციების და მედიის წარმომადგენლებს შეხვდნენ.

საქართველოს პარლამენტის თავმჯდომარე დავით ბაქრაძე ფრანკოფონიის საპარლამენტო ასამბლეის პრეზიდენტმა,  მიმდინარე წლის 7 ივლისს, პარიზში კულტურათაშორის დიალოგისთვის, ფრანკოფონიის ოფიცრის ხარისხის ორდენით დააჯილდოვა.

პარლამენტის ბიუროს სხდომაზე "სამოქალაქო კოდექსში" შეტანილ ცვლილებებთან დაკავშირებით ბიუროს წევრები დაზუსტებულ განმარტებით ბარათს გაეცნენ. აღნიშნულ საკითხთან დაკავშირებით პარლამენტის თავმჯდომარემ, დავით ბაქრაძემ პოლიტიკური კომენტარი გააკეთა და ქართული მართლმადიდებელი ეკლესიის სტატუსსა და სახელმწიფოსა და სხვა რელიგიური გაერთიანებების ურთიერთობებზე ისაუბრა.

რელიგიური ორგანიზაციების სტატუსთან დაკავშირებით მიღებულ კანონთან და წმინდა სინოდის გადაწყვეტილებასთან დაკავშირებით ქრისტიან-დემოკრატიული მოძრაობის პოზიცია გააცნო მედიის წარმომადგენლებს დღეს გამართულ ბრიფინგზე საპარლამენტო უმცირესობის ლიდერმა, გიორგი თარგამაძემ.

სასტუმრო "რედისონ ბლუ ივერიაში" გაიმართა კონფერენცია "2010 წლის ქალთა რეპროდუქციული ჯანმრთელობის კვლევა საქართველოში". კონფერენციაზე საქართველოს მთავრობის, ეროვნული და საერთაშორისო ორგანიზაციების წარმომადგენლებისთვის, ექსპერტებისთვის წარმოდგენილი იყო რეპროდუქციული ჯანმრთელობის კვლევის წინასწარი ანგარიში, რომლის საფუძველზეც შემუშავებული იქნა რეკომენდაციები ამ სფეროში განსახორციელებელი ღონისძიებების შესახებ. 

მაღალმთიან აჭარაში, კურორტ ბეშუმში ზაფხულის სეზონისთვის მზადყოფნა შეამოწმეს აჭარის ა.რ მთავრობის თავმჯდომარემ, ლევან ვარშალომიძემ და პარლამენტის თავმჯდომარის მოადგილემ, ანზორ ბოლქვაძემ.

საქართველოს პარლამენტის ევროპასთან ინტეგრაციის კომიტეტის თავმჯდომარე დავით დარჩიაშვილი ბრიტანეთის ელჩს საქართველოში, მის აღმატებულება ჯუდით გოფს შეხვდა. საუბარი შეეხო ქართულ–ევროპულ ურთიერთობებს, საქართველოს მოლაპარაკებებისა და კონსულტაციების მიმდინარეობას ევროპის კავშირთან.

ტერიტორიული მთლიანობის აღდგენის საკითხთა დროებითი კომისიის სხდომაზე პროექტ "ოკუპაციის" ფარგლებში გადაღებული მე-9 დოკუმენტური ფილმის ფრაგმენტები აჩვენეს. დოკუმენტური ფილმი "სამგზის ოკუპაცია" ლატვია, ლიტვასა და ესტონეთში განხორციელებულ საბჭოთა ოკუპაციის შესახებ მომზადდა, რომელიც პრეზიდენტის ფონდის დაფინანსებით პირველი არხის დოკუმენტური ფილმების სტუდიამ გადაიღო.

საქართველოს პარლამენტის დელეგაცია, პარლამენტის თავმჯდომარის მოადგილის გიგი წერეთლის ხელმძღვანელობით, იმყოფება ბელგრადში, სერბეთში, სადაც 6-10 ივლისის ეუთო-ს საპარლამენტო ასამბლეის მუშაობაში მონაწილეობს. დელეგაციის შემადგენლობაში შედიან აკაკი მინაშვილი, გიორგი კანდელაკი და დიმიტრი ლორთქიფანიძე.

საქართველოს პარლამენტის თავმჯდომარე დავით ბაქრაძე ხორვატიის რესპუბლიკის პრეზიდენტს, ივო იოსიპოვიჩს შეხვდა. შეხვედრაზე საუბარი შეეხო საქართველოში მიმდინარე დემოკრატიულ და ეკონომიკურ რეფორმებს.

საქართველოს პარლამენტის თავმჯდომარის მოადგილე გიგი წერეთელი ჟენევაში გაეროს გენერალური მდივნის მოადგილეს, გაეროს ევროპის ეკონომიკური კომისიის (UNECE) ხელმძღვანელს, ბატონ იან კუბიჩს შეხვდა. ბ-ნი კუბიჩი არის ყოფილი სლოვაკეთის საგარეო საქმეთა მინისტრი, ეუთოს გენერალური მდივანი, ევროსაბჭოს მინისტრთა კომიტეტის თავმჯდომარე, ევროკავშირის სპეციალური წარმომადგენელი ცენტრალურ აზიაში.

საქართველოს პარლამენტის თავმჯდომარე დავით ბაქრაძე ქალაქ ზაგრებში, ხორვატიის რესპუბლიკის პარლამენტის თავმჯდომარეს ლუკა ბებიჩს შეხვდა. საქართველოსა და ხორვატიის რესპუბლიკას შორის არსებული ურთიერთობები და მომავალი თანამშრომლობის გაღრმავების საკითხები განიხილებოდა ორმხრივ შეხვედრაზე. გადაწყდა, რომ საპარლამენტთაშორისო ურთიერთობები, გარდა მეგობართა ჯგუფებისა, საკომიტეტო დონეზეც გააქტიურდება.  ორი ქვეყნის პარლამენტის თავმჯდომარემ შეხვედრის შემდეგ, ქართველი და ხორვატი ჟურნალისტებისთვის ერთობლივი ბრიფინგი გამართეს.

პარლამენტის ვიცე-სპიკერმა, ფრაქცია "ქრისტიან–დემოკრატების" წევრმა,  ლევან ვეფხვაძემ პარლამენტის მიერ გუშინ ”სამოქალაქო კოდექსში" რელიგიური გაერთიანებების შესახებ შეტანილ ცვლილებებთან დაკავშირებით ბრიფინგი გამართა.

საქართველოში მიმდინარე დემოკრატიული  რეფორმები, წლების განმავლობაში ამ მიმართულებით დაგროვილი გამოცდილება იყო პარლამენტში დღეს გამართული შეხვედრის ძირითადი სასაუბრო თემა.

დღეს ბიურომ  პარლამენტის რიგგარეშე სხდომის დღის წესრიგი განსაზღვრა.  პარლამენტის სხდომაზე განიხილავენ კანონპროექტებს: "ადვოკატთა შესახებ" საქართველოს კანონში ცვლილების შეტანის თაობაზე"; "ბუნებრივი რესურსებით სარგებლობისთვის მოსაკრებლების შესახებ" საქართველოს კანონში ცვლილებებისა და დამატებების შეტანის თაობაზე"  და "საქართველოს სამოქალაქო კოდექსში ცვლილების შეტანის თაობაზე". ამ უკანასკნელის განხილვას ინიციატორები  ლაშა თორდია, ჩიორა თაქთაქიშვილი და ნუგზარ წიკლაური დაჩქარებული წესით ითხოვენ.

იურიდიულ საკითხთა კომიტეტის სხდომა, რომელზეც "საქართველოს სამოქალაქო კოდექსში ცვლილებების შეტანის თაობაზე" კანონპროექტი II მოსმენით იხილებოდა, პარლამენტის ოპოზიციონერმა დეპუტატებმა ლევან ვეფხვაძემ და ჯონდო ბაღათურიამ დატოვა.

ჯანმრთელობის დაცვის სფეროში მიმდინარე რეფორმები იყო ჯანმრთელობის დაცვისა და სოციალურ საკითხთა კომიტეტის თავმჯდომარის ოთარ თოიძისა და ამერიკის შეერთებული შტატების ნებრასკის შტატის საკანონმდებლო ორგანოს სენატორ ჯერემი ნორდქვისტის შეხვედრის მთავარი თემა.

საქართველოს პარლამენტის თავმჯდომარის მოადგილე გიორგი წერეთელი ჟენევაში საფრანგეთის მთავრობისა და გაეროს  მიერ ორგანიზებულ გაეროს ევროპის ეკონომიკური კომისიის (UNEC) კონფერენციაში მონაწილეობს, რომელიც გაეროს ოფისში 3-5 ივლისს იმართება.