Regina King

Regina King
L'actriz, directora y productora cinematografica estausunidense Regina King, en una imachen de 2018.
Información cheneral
Nombre real	Regina Rene King
Calendata naiximiento:	15 de chinero de 1971
Puesto naiximiento:	Los Angeles (California, Estaus Unius)
Ocupación:	Actriz Directora cinematografica Productora cinematografica
Alma Máter	Universidat d'o Sud de California
Pai:	Thomas Henry King Jr.
Mai:	Gloria Jean Cane
Conchuche:	Ian Alexander Sr. ​(1997-2007, esvurcio)
Fillos:	1
Premios Oscar
Premio Oscar a la Millor Actriz Segundaria: -2019: por If Beale Street Could Talk
Globos d'Oro
Premio Globo d'Oro a la Millor Actriz Segundaria:: -2019: por If Beale Street Could Talk Premio Globo d'Oro a la Millor Actriz Segundaria en Serie de Televisión, Miniserie u Telefilm: -2016: Nominada por American Crime Premio Globo d'Oro a la Millor Actriz en Miniserie de Televisión u Telefilm: -2019: Nominada por Seven Seconds Premio Globo d'Oro a lo Millor Director: -2021: Nominada por One Night in Miami...

Regina Rene King, naixida de Los Angeles (California, Estaus Unius) o 15 de chinero de 1971, ye una actriz, directora cinematografica y productora cinematografica estausunidense, activa en o cine estausunidense dende meyaus d'os anyos 1980 y con cuantos premios y nominacions recibius demientres a suya carrera cinematografica.

D'entre la suya filmografía como actriz, pueden mencionar-se bellas cintas a on i ha treballau, como Boyz n the Hood (1991, John Singleton), Jerry Maguire (1996, Cameron Crowe), Enemy of the State (1998, Tony Scott), Down to Earth (2001, Chris Weitz y Paul Weitz), Legally Blonde 2: Red, White & Blonde (2003, Charles Herman-Wurmfeld), Miss Congeniality 2: Armed and Fabulous (2005, John Pasquin), Our Family Wedding (2010, Rick Famuyiwa), Flag Day (2021, Sean Penn), u Caught Stealing (2025, Darren Aronofsky).

Premios

Premios Oscar

En l'anyo 2019, demientres a 91^ena edición d'os Premios Oscar, Regina King ganó un Premio Oscar a la Millor Actriz Segundaria por a suya interpretación d'o personache de "Sharon Rivers" en a cinta If Beale Street Could Talk, dirichida por Barry Jenkins.

Premios Globos d'Oro

En 2016, demientres a 73^ena edición d'os Premios Globos d'Oro, recibió una nominación a lo Premio Globo d'Oro a la Millor Actriz Segundaria en Serie de Televisión, Miniserie u Telefilm por o suyo papel como "Aliyah Shadeed" en a serie de televisión American Crime.

En a categoría d'o Premio Globo d'Oro a la Millor Actriz en Miniserie de Televisión u Telefilm ha recibiu una atra nominación, ista vegada en l'anyo 2019, demientres a 76^ena edición d'os Globos, por a suya actuación como "Latrice Butler" en a serie de televisión Seven Seconds.

En ixe mesmo anyo de 2019 y mesma 76^ena edición ganó lo que dica l'inte ye lo suyo solo premio ganau en una categoría d'os Premios Globos d'Oro, o Premio Globo d'Oro a la Millor Actriz Segundaria, por o papel de "Sharon Rivers" en If Beale Street Could Talk, una cinta que heba dirichiu por Barry Jenkins y por a cual tamién ganó un Oscar en a categoría equivalent de ditos premios.

Tamién ha estau nominada en a categoría d'o Premio Globo d'Oro a lo Millor Director, en l'anyo 2021, demientres a suya 78^ena edición, por a suya dirección d'a cinta One Night in Miami..., protagonizada por Kingsley Ben-Adir, Eli Goree, Aldis Hodge y Leslie Odom Jr..

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Regina King.

Vinclos externos

• Se veigan as imáchens de Commons sobre Regina King.
• (en) Regina King en Internet Movie Database.

• Datos: Q234544
• Multimedia: Regina King / Q234544