Bignez

Bignez

Iskevrennad eus	meuz, fritter
Anv er yezh orin	Beignet
Bro orin	Frañs
Danvez implijet	powdered sugar, toaz

 

 Eus Wikidata

Bignez zo kouignoù graet gant bas fritet en eoul. Gallout a reont bezañ sukret pe sall. Ul lip-e-bav aes d'ober eo, setu perak e vezont kavet e kalz broioù.

Gant bleud, vioù hag eoul pe amann e vez graet ar bas. Bier a vez lakaet ivez e broioù zo. Ront int peurliesañ, e stumm ur walenn a-wechoù, gant un toull e-kreiz eta, evel an donut amerikan.

Istor

Ijinet e voe ar bignez gant ar Gelted kozh. En Europa kristen e veze fardet bignez da Veurlarjez, an deiz a-raok koraiz.

Bignez sukret

Gant sukr pe gaotigell e vez gwarniset ar bignez boas. E-barzh pe war ar gorre e c'haller lakaat ar gwarnisadur-se. Frouezh (avaloù...), toaz chokolad da ledañ, mel pe a bep seurt diennoù zo doareoù all da fichañ anezho.

Bignez Bro-Dreger zo brudet e Breizh.

Un donut amerikan goloet e c'horre gant sukr roz.

Bignez boas kavet en Europa, gant kaotigell e-barzh.

Bignez sall

Lakaet e vez legumaj (kourjetez, onion...).

Talvoudegezh vezhurel

Hervez taolenn vezhurel "Ajañs Frañs surentez yec'hedel ar boued, an endro hag al labour" e 2013 e talv 100 g a vignez plaen kement ha 400 kcal energiezh degaset gant 6,3 g protein, 22,1 g lipid ha 42,8 g glukid (13,7 g sukr gant ar glukid).

N'eo ket yac'h debriñ bignez, kalz sukr ha kaloriennoù o deus.

Gwelet ivez

• galfrez
• krampouezh
• churros
• donut