Varmint

Ur garabinenn Ruger No. 1 doare varmint, dezhi ur c'hanol ponner, un daoubez hag ul lunedenn c'halloudus. Un daolenn vannouriezh zo peget ouzh he fust.

An termen varmint (diwar ar ger saoznek stadunanat evit "noazus", "astuz") a ra dave da armoù-skoaz savet evit bezañ efedus a-enep al loened drastus, ha dreist-holl bronneged bihan : razhed, lapined ha lern da skouer, ha koioted ha moreganed e Norzhamerika. Abalamour d'al loened-mañ bezañ prim o tec'hout, ha gouest da santout un dañjer a-bell, ar c'harabinennoù varmint o deus perzhioù ispisial. Armoù-tan int peurliesañ, met armoù dre aer gwasket varmint a gaver ivez.

Perzhioù

• Abalamour d'al loened chaseet bezañ bihan e vez kambret an armoù varmint evit kalibroù bihan ivez, war-dro .22 meutad (5,56 mm) : .17 HMR, .22 Long Rifle, .22 WMR, .22 Hornet pe .223 Remington da skouer.
• Ur c'hanol ponner distag diouzh fust an arm, ha na dommo ket ken buan pa vo ezhomm da dennañ meur a wech diouzh renk.
• Un daoubez.
• Ul lunedenn c'halloudus, pa rank ar chaseourien chom pell diouzh loened disfizius hag aonik.
• Ar braz eus an armoù varmint zo karabinennoù-morailh. Armoù dre aer gwasket a c'hall bezañ implijet en endroioù kêrel, evit abegoù surentez ha/pe lezenn.

Ar CZ 457 hag an Tikka T1 zo skouerioù karabinennoù europat a-vremañ dezhe stummoù varmint.

Daveennoù

  Stag eo ar bajenn-mañ ouzh Porched an Armoù-tan