John Lewis (cyhoeddwr)

John Lewis
Bu farw	2 Tachwedd 2026
Dinasyddiaeth	Cymru
Galwedigaeth	cyhoeddwr, golygydd llenyddol
Llinach	Teulu Lewis, Gwasg Gomer

Roedd John Lewis (1931/1932 – 2 Tachwedd 2026) yn Reolwr Gyfarwyddwr Gwasg Gomer.

Bywgraffiad

Roedd yn fab i Edward Lewis a gymrodd yr awenau yng Ngwasg Gomer oddi wrth ei dad ef, John David Lewis.

Astudiodd John y Gyfraith yn Llundain, gan ddychwelyd i Landysul yn 1959 i redeg Gwasg Gomer gyda’i gefnder Huw Lewis yn dilyn marwolaeth eu tadau Edward a Rhys Lewis. Fel ei dad o’i flaen, canolbwyntiodd ar yr ochr gyhoeddi ac ar weinyddiaeth y cwmni’n gyffredinol a Huw, fel ei dad yntau, yn bennaf ar yr ochr argraffu.

Ymddeolodd ar ddiwedd y 1990au a daeth ei fab yntau, Jonathan Lewis, yn Rheolwr Gyfarwyddwr y cwmni.

Cyhoeddodd ei hunangofiant Creu Argraff yn 2012. Bu farw yn 94 mlwydd oed.