Garth Williams
| Garth Williams | ||
|---|---|---|
| Persona informo | ||
| Naskiĝo | 16-an de aprilo 1912 en Nov-Jorko | |
| Morto | 8-an de majo 1996 (84-jaraĝa) en Guanajuato | |
| Tombo | Aspen Grove Cemetery (en)   vd | |
| Lingvoj | angla vd | |
| Ŝtataneco | Usono vd | |
| Alma mater | Reĝa Kolegio de Arto vd | |
| Profesio | ||
| Okupo | bildliteraturisto • ilustristo • artisto vd | |
| Verkado | ||
| Verkoj | Stuart Little ❦ Charlotte's Web ❦ Eta Domo en la Prerio vd | |
| En TTT | Oficiala retejo vd | |
| vd | Fonto: Vikidatumoj | |
Garth WILLIAMS aŭ per plena nomo Garth Montgomery Williams (n. la 16-an de aprilo 1912 en Nov-Jorko, m. la 8-an de majo 1996 en Guanajuato [gŭanaĥŭato], esperantigite Gvanaĥŭato, federacia subŝtato de Meksiko) estis usona artisto kiu atingis eminentecon en la nordamerika postmilita epoko kiel ilustristo de porinfanaj libroj. Multaj el la libroj, kiujn li ilustris, fariĝis klasikaĵoj de la usona infana literaturo.[1]
Ekzemple en la libroj Stuart Little kaj Charlotte's Web de la porinfana verkisto Elwyn Brooks White, liaj desegnaĵoj fariĝis neapartigeblaj de kiel infanoj kaj iliaj gepatroj kaj edukistoj pensas pri tiuj rakontoj.
 |
|
Liaj amikemaj, felaj bebaj bestoj vivigis dekduon da infanliboj el la serio "Etaj Oraj Libroj" (Little Golden Books).
Kiam li mortis en majo 1996, la usona gazeto The New York Times skribis, "Li kredis ke libroj donitaj, aŭ legitaj, al infanoj povas havi profundan influon! Tial, li diris, li uzis siajn ilustraĵojn por provi «veki ion gravan ... humuron, respondecon, respekton al aliaj, intereson pri la tuta mondo!»'"[2]
Referencoj
[redakti | redakti fonton]- ↑ Garth Montgomery Williams en la retejo Pinterest
- ↑ artikolo "Garth Williams, book illustrator, dies at (age) 84 (Garth Williams, libroilustristo, mortas 84-jara), en la usona gazeto The New York Times la 10-an de majo 1996 (angle)
