Liberecanaj Pensoj estas duvoluma kompendio de 17 tekstoj fare de diversaj aŭtoroj, eldonita de SAT en 1999. La unua volumo enhavas la sep unuajn tekstojn, dum la dua, la dek lastajn. Escepte de la tekstoj n-ro 11, 15 kaj 16, kiuj tiam ne estis aperintaj broŝurforme, la ceteraj tekstoj estas relanĉo de elĉerpitaj eldonoj. Plimulte de la aŭtoroj estas famaj anarkiistaj aktivuloj el diversaj landoj aŭ literature famaj verkistoj. Aldone enestas la kompendion citaĵoj, tradukoj de poemeroj, kompletigaj mallongaj tekstoj kaj ilustraĵoj. Fine de la dua volumo troviĝas listo de aliaj liberecanaj tekstoj legeblaj en Esperanto kaj la precipaj adresoj, al kiuj sin turni sur la tiukampa Esperanto-agado.
