Mezfranka dialektaro

Mezfranka dialektaro
dialekto
okcident-mez-germania dialekto • malnovfranka lingvo
Parolata en	Germanio (Nordrejn-Vestfalio, Rejnlando-Palatinato)  Nederlando  Belgio  Francio  Luksemburgio  Rumanio
Skribo	latina
Lingvistika klasifiko
hindeŭropa lingvaro ĝermanaj lingvoj okcidentĝermanaj lingvoj altgermana mezgermana dialektaro mezfranka dialektaro
Reguligita de
Lingvaj kodoj
Lingvaj kodoj
ISO 639-2	-
SIL	-
Glottolog	midd1319
Angla nomo	Central Franconian
Franca nomo	moyen francique

La mezfranka dialektaro (altgermane Mittelfränkisch) estas grupo de dialektoj de la germana lingvo en okcidenta centra Eŭropo. La nomo rilatas al la antikva ĝermana etno frankoj kaj tute ne al la distriktaro Meza Frankonio de Bavario.

Divido

• la ripuara dialektaro, parolata en sudokcidenta Nordrejn-Vestfalio (inter alie en la urboj Kolonjo kaj Bonno), krome ĉe la nordokcidenta rando de Rejnlando-Palatinato, en la norda duono de orienta Belgio, kaj en la plej suda parteto de Nederlando (ĉirkaŭ la urbo Mastriĥto, kie ankaŭ parolatas la limburga),
• la mozelfranka dialektaro, parolata en grandaj partoj de Rejnlando-Palatinato, en la ĉirkaŭaĵo de la urbo Siegen en orienta Nordrejn-Vestfalio, kaj en parto de nordokcidenta Sarlando,
  • la lorena germana, parolata en la departemento Mozelo de Francio,
  • la luksemburga, parolata en la Grandduklando Luksemburgo, en la ĉirkaŭaĵo de la urbo Arlon de Belgio kaj en la limaj partoj de Francio, kaj
• la transilvania saksa, do la dialekto de la germana malplimulto de transilvaniaj saksoj en la regiono Transilvanio de nuna Rumanio.