Ruth Sanger
| Ruth Sanger | |
|---|---|
 | |
| Bizitza | |
| Jaiotza | Southport, 1918ko ekainaren 6a |
| Herrialdea |  Australia |
| Bizilekua | Southport |
| Heriotza | Wandsworth, 2001eko ekainaren 4a (82 urte) |
| Familia | |
| Ezkontidea(k) | R.R. Race (en)  |
| Hezkuntza | |
| Heziketa | Londresko Unibertsitatea 1948) doktoretza Sydneyko Unibertsitatea 1939) |
| Hizkuntzak | ingelesa |
| Jarduerak | |
| Jarduerak | genetista eta hematologoa |
| Enplegatzailea(k) | Medical Research Council (en) |
| Jasotako sariak | ikusi
|
| Kidetza | Royal Society |
Ruth Ann Sanger (Southport, Australia, 1918ko ekainaren 6a - Putney, Erresuma Batua, 2001eko ekainaren 4a) australiar hematologo eta serologoa izan zen.[1] Gizakien globulu gorrien antigenoei buruzko lanagatik eta gizakien X kromosomaren mapaketa genetikoa egiteagatik da ezaguna. 1973tik 1983ra, Lister Medikuntza Prebentiboko Institutuko Ikerketa Medikoko Kontseiluko Odol Taldeen Unitateko zuzendaria izan zen.[2]
Robert Russell Racerekin lan egin zuen 1940ko hamarkadatik eta 1956an ezkondu ziren. Artikulu zientifiko askoren egilekidea izan zen 1948tik aurrera, eta odol taldeetan liderra den Blood Groups in Man lanaren sei edizio idatzi zituen, 1950 eta 1975 artean argitaratu zirenak.[2][3][4] Liburuak "Race and Sanger" izenburupean ezagutzen ziren, eta 1950 eta 1975 artean argitaratu ziren.[3]
Bizitza
[aldatu | aldatu iturburu kodea]Sanger 1918ko ekainaren 6an jaio zen Southport-en (Queensland, Australia).[5] Aita Armidale Schooleko zuzendaria zen Hegoaldeko Gales Berrian. Abbotsleigh School-en ikasi zuen eta geroago Sidneyko Unibertsitatean, non 1938an graduatu zen.[6][2] Australiako Gurutze Gorriko Odol Transfusioko Zerbitzuan hematologo bezala lan egin ondoren,[7] Ingalaterrara joan zen Racerekin lan egitera 1946an, eta Londresko Unibertsitatean doktoratu zen 1948an.[4]
Ibilbidea
[aldatu | aldatu iturburu kodea]Australiara itzuli zen doktoretza jaso ondoren, baina gero Erresuma Batura joan zen behin betiko 1950ean. Blood Groups in Man liburuaren lehen edizioa 1950eko abuztuan argitaratu zen, bere doktorego tesian egindako odol-taldeen analisi sistematikoan oinarrituta.[2]
Race-ren lehen emakumea 1955ean hil ondoren, berarekin ezkondu zen 1956ko apirilean. Race ordezkatu zuen Londresko Lister Institutuko Medikuntza Ikerkuntzako Kontseiluko Odol Taldeen Unitateko zuzendari gisa. 1983an erretiratu zen.[8]
Race 1984an hil zen eta Sanger Putneyn (Ingalaterra) 2001ean. Ez zuten seme-alabarik izan.[9]
Argitalpenak
[aldatu | aldatu iturburu kodea]- Sanger, Ruth A. (1946-10). "The Incomplete Antibody: a Quantitative Aspect". Nature. 158 (4014): 487–487. doi:10.1038/158487a0. ISSN 1476-4687.
- Race, R. R.; Mourant, A. E.; Lawler, Sylvia D.; Sanger, Ruth (1948-06-01). "THE Rh CHROMOSOME FREQUENCIES IN ENGLAND". Blood. 3 (6): 689–695. doi:10.1182/blood.V3.6.689.689. ISSN 0006-4971.
- Sanger, Ruth (1955-12). "An Association Between the P And Jay Systems of Blood Groups". Nature. 176 (4494): 1163–1164. doi:10.1038/1761163a0. ISSN 1476-4687.
Sariak eta aintzatespenak
[aldatu | aldatu iturburu kodea]- Karl Landsteiner Memorial Saria, AEB (1957), R. R. Race-rekin batera.[9][2]
- Philip Levine saria, AEB (1970), R. R. Race-rekin batera.[10]
- Gairdner Fundazioaren Nazioarteko Saria (1972, Kanada), R. R. Race-rekin batera.[11][2]
- Oliver Memorial Saria Britainiar Gurutze Gorriaren eskutik (1973).[12][2]
- Medikuntzako ohorezko doktore titulua jaso zuen Helsinkiko Unibertsitatean (1990).[9]
- Royal Society-ko (FRS) kidea (1972).[13][4][2]
Royal Society-rako bere izendapenak honako hau dio:[1]
Immunogenetista eta Londresko Unibertsitateko Lister Medikuntza Prebentiboko Institutuko Ikerketa Medikoko Kontseiluko Odol Taldeen Unitateko Zientzialarien Taldeko kidea. Gizakien globulu gorrien antigenoei eta gizakien X kromosomaren mapaketa genetikoa egiteagatik nabarmendua.
Erreferentziak
[aldatu | aldatu iturburu kodea]- 1 2 (Ingelesez) «Election of Ruth Sanger as Fellow of the Royal Society» Wellcome Collection (kontsulta data: 2026-01-24).
- 1 2 3 4 5 6 7 8 (Gaztelaniaz) Stadler, Marta Macho. (2025-06-12). «Ruth Ann Sanger, pionera en la genética de los grupos sanguíneos» Mujeres con ciencia (kontsulta data: 2026-01-25).
- 1 2 (Ingelesez) «Papers of Robert Race (1907-1984) and Ruth Sanger (1918-2001)» Wellcome Collection (kontsulta data: 2026-01-24).
- 1 2 3 (Ingelesez) Ruth Sanger, 82, Expert on Blood Grouping (Published 2001). 2001-07-04 (kontsulta data: 2026-01-24).
- ↑ Hughes-Jones, Nevin; Tippett, Patricia. (2003). "Ruth Ann Sanger. 6 June 1918 – 4 June 2001". Biographical Memoirs of Fellows of the Royal Society. 49: 461–473.
- ↑ (Ingelesez) «Sanger, Ruth Anne» AWR (kontsulta data: 2026-01-24).
- ↑ Haines, Catharine M. C.. (2001). International women in science : a biographical dictionary to 1950. Santa Barbara, Calif. : ABC-CLIO ISBN 978-1-57607-090-1. (kontsulta data: 2026-01-25).
- ↑ Mollison, P. L. (2004). "Race, Robert Russell (1907–1984)". Oxford Dictionary of National Biography, Oxford University Press..
- 1 2 3 (Ingelesez) «Sanger, Ruth Anne» AWR (kontsulta data: 2026-01-25).
- ↑ (Ingelesez) «1970 Philip Levine Award of the American Society of Clinical Pathologists, jointly awarded to Robert Race and Ruth Sanger» Wellcome Collection (kontsulta data: 2026-01-25).
- ↑ (Ingelesez) «Gairdner Foundation Award jointly awarded to Robert Race and Ruth Sanger» Wellcome Collection (kontsulta data: 2026-01-25).
- ↑ (Ingelesez) Centre for Transformative Innovation, Swinburne University of Technology. «Sanger, Ruth Ann - Person - Encyclopedia of Australian Science and Innovation» www.eoas.info (kontsulta data: 2026-01-25).
- ↑ "SANGER, Dr Ruth Ann, (Mrs R. R. Race)". Who Was Who, A & C Black, 1920–2008, Oxford University Press..
Kanpo estekak
[aldatu | aldatu iturburu kodea]
Datuak: Q7383204
Multimedia: Ruth Sanger / Q7383204
