Stephen Rotluanga
| Stephen Rotluanga | |||
|---|---|---|---|
2001eko urriaren 2a - ← Denzil Reginald D'Souza (en)  Elizbarrutia: Aizawleko elizbarrutia | |||
| Bizitza | |||
| Jaiotza | Aizawl, 1952ko ekainaren 8a (74 urte) | ||
| Herrialdea |  India | ||
| Jarduerak | |||
| Jarduerak | apaiz katolikoa eta apezpiku katolikoa | ||
| Ideologia eta sinesmenak | |||
| Erlijioa | Erromatar Eliza Katolikoa | ||
| Erlijio-ordena | Congregation of the Holy Cross (en) | ||
Stephen Rotluanga (Aizawl, Mizoram, 1952ko ekainaren 8a) indiar elizgizon katolikoa da, Gurutze Santuaren kongregazioko kidea. 2001etik aurrera Aizawleko apezpikua da.[1]
Bizitza
[aldatu | aldatu iturburu kodea]Stephen Rotluanga Aizawlen jaio zen 1952ko ekainaren 8an. Lehen hezkuntzako ikasketak jaioterrian egin ondoren, Gurutze Santuaren Kongregazioan sartu zen eta 1975eko maiatzaren 30ean betiko botoak eman zituen. Filosofia eta Teologia ikasi zituen Jnana Deepa Vidyapeethen, Punen, 1974tik 1981era, eta 1981eko abenduaren 13an apaiztu zen Aizawlen.[2]
Apaiz-ordenazioa jaso ondoren, honako kargu hauek bete zituen: Champhaiko elizako bikarioa (1982tik 1985era); Champhaiko parrokoa eta Zoram Gazte Mugimendu Katolikoko animatzailea. Bitartean, Komunikazioak ikasi zituen Bombayn (1985etik 1994ra); Gazteria, Liturgia eta Pastoraltza Aholkularitza Bangaloren, Gizarte Komunikazioa Kalkutan eta Arte Bisualak eta Ederrak Toronton eta Florentzian (1994tik 1999ra).[2]
2001eko urriaren 2an[1], Joan Paulo II.a aita santuak Aizawleko apezpiku izendatu zuen.[2] Hurrengo urteko otsailaren 2an apezpiku-ordenazioa jaso zuen Charles Asa Schleck artzapezpikuaren eskutik, kontsakratzailekideak Dominic Jala eta Lumen Monteiro izanik.[1] Mizo jatorriko lehen apezpiku katoliko bihurtu zen.[3]
Apezpiku izateaz gain, artista ere bada, eta bere lanak erabiltzen ditu ebanjelizazioan. «Indiako apezpiku marrazkilaria» bezala ezaguna da.[4]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Klemente XIII.a aita santua (1743)
- Henry Benedict Mary Clement Stuart kardinala (1758)
- Leon XII.a aita santua (1794)
- Chiarissimo Falconieri Mellini kardinala (1826)
- Camillo Di Pietro kardinala (1839)
- Mieczyslaw Halka Ledóchowski kardinala (1861)
- Jan Maurycy Pawel Puzyna z Kosielsko apezpikua (1886)
- Józef Bilczewski artzapezpikua (1901)
- Bolesław Twardowski artzapezpikua (1919)
- Eugeniusz Baziak artzapezpikua (1933)
- Joan Paulo II.a aita santua (1958)
- Jozef Tomko kardinala (1979)
- Charles Asa Schleck artzapezpikua (1995)
- Stephen Rotluanga apezpikua[1]
Erreferentziak
[aldatu | aldatu iturburu kodea]- 1 2 3 4 (Ingelesez) «Bishop Stephen Rotluanga, C.S.C.» Catholic Hierarchy (kontsulta data: 2025-11-28).
- 1 2 3 (Italieraz) «Nomina del Vescovo di Aizawl (India)» Bollettino Sala Stampa della Santa Sede 2001-11-07 (kontsulta data: 2025-11-28).
- ↑ (Ingelesez) «Governor Meets And Greets Bishop Of Aizawl On The Occation Of The Upcoming Chrismas And New Year» Raj Bhavan Mizoram 2024-12-13 (kontsulta data: 2025-11-28).
- ↑ (Ingelesez) Akkara, Anto. «Indian bishop uses cartoons to evangelize» The Arlington Catholic Herald 2015-06-17 (kontsulta data: 2025-11-28).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q2345038
