Pongmiezen

Pongmiezen
Europeeske pongmies
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
skift:	moskeftigen (Passeriformes)
famylje:	pongmiezen (Remizidae)
Olphe-Galliard, 1891

De pongmiezen (Remizidae) binne in famylje fan fûgels út it skift fan 'e moskeftigen (Passeriformes).

Skaaimerken

It binne lytse fûgels mei in fyn, spits snaffeltsje. De lichemslingte fariëarret fan 8 oant 14 sm.

Libbenswize

Harren iten bestiet út ynsekten, sied en fruchten. It binne echte akrobaten, dy’t sels oan de ûnderkant fan tûken omklauterje.

Briedgedrach

It nêst is in bysûnder, fan gers en woartels flechte, pongfoarmich bouwwurkje mei in tunneleftige yngong, dat oan 'e ein fan in tûke fêstmakke is. It lechsel bestiet út 5 oant 10 wite aaikes, dy’t yn 12 dagen útbret wurde. Nei 16 oant 18 dagen fleane de jongen út.

Fersprieding en libbensgebiet

Pongmiezen komme foar yn Noard-Amearika, Jeropa, Aazje en Afrika.

Taksonomy

De famylje telt alve soarten ferdield oer trije skaaien:

• Skaai Anthoscopus (Cabanis, 1850): 6 soarten, de kapokmiezen.
• Skaai Auriparus (Baird, 1864): 1 soarte, de gielkopmies (Auriparus flaviceps).
• Skaai Remiz (Jarocki, 1819): 4 soarten, de echte pongmiezen.

Ofbylden dy't by dit ûnderwerp hearre, binne te finen yn de kategory Remizidae fan Wikimedia Commons.