Illas Chatham

Illas Chatham
Nome orixinal     Chatham Islands (en)
Instancia de grupo de illas  Composto por The Sisters (en) Star Keys (en) South East Island (Rangatira) (en) Pitt Island (Rangiauria) Motuhara (Bertier or the Forty Fours) (en) Mangere Island (en) Little Mangere Island (en) Chatham  Epónimo HMS Chatham
Localización  Situado en Territorio das Illas Chatham  Bañado por océano Pacífico  Capital Waitangi  OpenStreetMap  Coordenadas 44°00′S 176°30′O
Cifras e dimensións  Poboación    730  Superficie    966 km²  Altitude    116 m  Fuso horario UTC+12:45 (pt) (horario estándar) UTC+13:45 (pt) (horario de verán)
Fontes e ligazóns OpenStreetMap 2647558 VIAF 125619138 Freebase /m/017yx6  Descrito pola fonte Dicionario Enciclopédico Brockhaus e Efron  Tema: Q24515565 Encyclopædia Britannica  Tema: 1911 Encyclopædia Britannica/Chatham Islands (en) The Nuttall Encyclopædia Dicionario Enciclopédico Granat  Tema: Q104416133
Wikidata C:Commons

O arquipélago das illas Chatham ("Rekohu" na lingua moriori), abrangue 10 illas nun radio de 40 km. Pertencen a Nova Zelandia.

Xeografía

O arquipélago atópase situado 800 km ao leste da cidade neozelandesa de Christchurch. As illas pertencen oficialmente a Nova Zelandia desde 1842. A superficie total das illas é de 996 km², case toda localízase nas dúas illas maiores, Chatham e Pitt. Estas illas principais son as únicas habitadas, e as illas menores teñen, en gran parte, reservas que posúen un acceso restrinxido ou prohibido.

As illas son:

• Chatham
• Pitt
• Pequena Mangere
• Star Kei
• Forty-Four
• Mangere
• Illa Suroeste
• As irmás

A maioría destas terras están cubertas por felgos e pastos, aínda que hai algunhas áreas de bosques. O terreo é accidentado, máis na illa Pitt, onde se localiza o punto máis alto a 290 m.

A illa principal desta cadea ten numerosos lagos e lagoas, sendo a maior, a lagoa Te Whanga. Outros lagos da illa Chatham son o Huro e o Rangitahi, e entre os regatos están o Te Awainanga e o Tuku.

Historia

Os primeiros habitantes destas illas pertencían a tribos inmigrantes da Polinesia, que se estableceron arredor do ano 1000 ddC., e deste illamento xurdiu o pobo moriori. A orixe exacta desta xente permanece como tema de varias discusións. Algúns postulan que viñeron directamente das illas da Polinesia localizadas máis ao norte, mais na actualidade a crenza xeneralizada é que os morioris teñen a súa orixe en Nova Zelandia. Este debate ten un matiz político, xa que os actuais habitantes maorís, descendentes daqueles que invadiron e conquistaron o arquipélago en 1832, reclaman un acceso aos dereitos ancestrais maorís. Un extenso informe deses reclamos, Rekohu, foi publicado polo Tribunal Waitangi.

A poboación moriori das illas chega a 2000 habitantes. Viven como cazadores e recolectores, obtendo o seu alimento do mar e da flora nativa. Esta sociedade viviu pacificamente, con pequenas organizacións, mais mantenendo unha poboación estábel mediante a castración dunha certa porcentaxe dos nenos varóns.

O nome da illa Chatham provén do barco HMS "Chatham", cuxo capitán William R. Broughton desembarcou o 29 de novembro de 1791 e reclamou posesión para a Gran Bretaña. Os cazadores de focas e de baleas fixeron axiña destas illas un centro das súas actividades. A pesca continúa contribuíndo significativamente na economía, aínda que as industrias relacionadas coas focas e baleas cesaron as súas actividades arredor do 1861.