A misión de TOPEX/Poseid foi estudar varios aspectos dos océanos terrestres, como o seu nivel, altura e correntes mariñas. Levaba a bordo dous altímetros por radar para facer medicións precisas e outros instrumentos. O satélite estabilizábase nos tres eixos e a enerxía era proporcionada por un panel solar capaz de producir ata 2100 vatios de potencia que alimentaban un conxunto de tres baterías cunha capacidade de 50 amperio-hora cada unha. As comunicacións tiñan lugar grazas a unha antena de alta ganancia de 1,2 m de longo. O satélite foi posto fóra de servizo en xaneiro de 2006, pero a súa misión foi continuada por Jason 1.[2][3][4]
TOPEX/Poseidon levaba os seguintes instrumentos a bordo:[2][3][4]
Altímetro de dúas frecuencias (nas bandas C e Ku) para medir a altura do satélite respecto da superficie do mar.
Radiómetro de microondas TOPEX (TMR) para medir a cantidade de vapor de auga na liña de visión do radar para corrixir os atrasos no pulso de radar e mellorar a precisión das medidas de altura.
Altímetro de estado sólido dunha soa frecuencia (SSALT), funcionando a 13,65 GHz (banda Ku) para medir a altura sobre o nivel do mar, a velocidade do vento e a altura das ondas.
Reflector láser para facer seguimento do satélite desde terra e calibrar os altímetros.
Un receptor GPS para determinar a órbita con precisión.
O posicionador por radio e dopler DORIS para seguimento do satélite, medicións do campo gravitatorio e correccións ionosférica para o instrumento SSALT.
