Majalisar Ɗinkin Duniya
.jpg)
_03.jpg)
Majalisar dinkin Duniya :Tsari ne wanda ƙasashen duniya suka amince da shi domin magance rikice-rikice da yake dake faruwa bayan yaƙin duniya na Biyu (2). An kafa ta ne a shekara ta alif dubu daya da dari tara da arba'in da biyar wato 1945 domin samar da kwanciyar hankali a cikin duniya baki daya.
Kuma ta kunshi kusan dukkanin ƙasashen duniya, banda ƙasashe biyu; palestinu da Saint-siege. Muhimmin, Jawabin da Majalisar dinkin duniya ta bayyana game da Hakkokin 'Yan-adam a shekara ta alif dubu ɗaya da dari tara da arba'in da takwas (11948).[1]
Tarihin Majalisar Ɗinkin Duniya:
[gyara sashe | gyara masomin]Koda yake kafin kafuwar Majalisar ta dinkin Duniya akwai wasu kungiyoyi da aka kafa domin hadin kai da cigaban kasashen duniya, irin su ƙungiyar ma'aikatan sadarwa ta kasa da kasa a shekara ta alif dubu daya da dari takwas da sittin da biyar 1865, da kuma kungiyar ma'aikatan gidajen wasilu a shekara ta alif dubu daya da dari takwas da casa'in da hudu 1874. Wa'yanda daga bisani suka rikide zuwa hukumomin Majalisar ta dinkin Duniya bayan da aka kafa ta.
Taron farko da aka gudanar a karkashin lemar Majalisar dinkin Duniya itace wanda aka gudanar a birnin Hague. Wannan taro dai shine yakai ga kafa kotun duniya dake birnin na Hague a kasar Holland a shekara ta alif dubu daya da biyu (1902)
A shekara ta alif dubu daya da dari tara arba'in da biyar (1945) ne kasashen duniya hamsin (50) suka gudanar da taro a Jihar San Francisco na Amurika domin kaddamar da dokoki ko jadawalin aiyukan ta Majalisar dinkin Duniya. Manyan ƙasashen duniya da suka rattaba hannu a wannan yarjejeniyar dai sun hada da Amurka da China da Tarayyar Rasha da Birtaniya da kuma Faransa, wa'yannan kasashen ne kuma daga bisani suka zama wakilai na dindindin na masu karfin fada aji.
A ranar ashirin da hudu (24) ga watan Oktoban shekara ta alif dubu daya da dari tara da arba'in da biyar (1945) ne dai wa'yannan kasashe suka rattaba hannu a daftarin karshe da ya kafa Majalisar ta dinkin Duniya, abinda ma yasa a duk ranar ashirin da hudu (24)ga watan na oktoba Majalisar ke bikin zagayowar ranar da aka kafa ta. Kuma a bana Majalisar ta cika shekaru sittin da hudu(64) da kafuwa. Kuma tun bayan kafuwan ta tayi shugabanni da dama kuma na baya bayan nan sune Butrus Butrus Ghali daga Masar da Kofi Annan na Ghana da kuma maici yanzu Ban Ki-Moon daga ƙasar Koriya ta Kudu. [2]
Hotuna:
[gyara sashe | gyara masomin]
Hedkwatar Majalisar a birnin New York
António Guterres, Sakataren Majalisar tun shekarar 2017
.svg)
Manazarta
[gyara sashe | gyara masomin]- ↑ https://www-bbc-com.cdn.ampproject.org/v/s/www.bbc.com/hausa/articles/cpq2ld7z1rwo.amp?amp_gsa=1&_js_v=a9&usqp=mq331AQIUAKwASCAAgM%3D#amp_tf=From%20%251%24s&aoh=17545019504471&referrer=https%3A%2F%2Fwww.google.com&share=https%3A%2F%2Fwww.bbc.com%2Fhausa%2Farticles%2Fcpq2ld7z1rwo
- ↑ http://www.dw-world.de/dw/article/0,,5096509,00.html<[permanent dead link]
