Dungeon Crawl Stone Soup
Dungeon Crawl Stone Soup jest bezplatna kompjuterna igra v žanru roguelike s odkrytym izvornym kodom[trěba iztočnik] i razrabotyvajemy komjuniti naslědnik igry 1997 goda Linley's Dungeon Crawl, početkovo razrabotannoj Linley Henzell'omЛайнли Хензелом. Tuta igra byla oprědělena kako "osnovny roguelike" John'om Harris'omДжоном Харисом.
V 2008 godu Dungeon Crawl Stone Soup dobyla prvo město srěd roguelike-igr v nominaciji "Roguelike goda" po versiji ASCII Dreams po rezultatam anketovanja 371 igrokov[trěba iztočnik]. Pozdněje ona dobyla vtoro město v 2009 godu (poslě DoomRL)[trěba iztočnik] i 2010 godu (poslě ToME 4)[trěba iztočnik], a takože tretje město v 2011 godu (poslě ToME 4 i Dungeons of Dredmor)[trěba iztočnik]. Tuta igra razprostranjaje se pod licenzijeju GNU GPL-2.0-or-later[trěba iztočnik]. "Kamenna supa" jest odsylka k evropejskoj narodnoj skazkě, v ktoroj gladni neznajemci ubědžajut žiteljev grada poděliti se nevelikoju kolikostju svojej jedy, da by sdělati bljudo, ktoro spodobaje se vsim.
V tutom momentu poslědnja stabilna versija DCSS jest 0.34[trěba iztočnik].
Gejmplej
[praviti | praviti izvorny kod]Dungeon Crawl Stone Soup jest igra v žanru roguelike, kde igrač stvarjaje personaža i provodi jego črěz podzemje, ktoro sodrživaje v sobě velmi mnogo etažev, čudišč i prědmětov. Cělj igry — dobyti kulju Zot i vrnuti se na povrhnost. Daby proniknuti v Carstvo Zot, kde i nahodi se kulja Zot, igrač dolžny najdti prinajmenje tri runy Zot iz petnadseti. Runy lěžet v koncu različnyh větv podzemja, kako napriklad Pavučje Gnězdo, Grobišče, i Slizneve Jamy.
Tut takože jest kratke mody igry, nazyvajeme "sprinty". Najboljša čest krajevida, vragov i artefaktov naprěd generuje se, za izključenjem nektoryh slučajno sgenerovanyh vragov i kioskov. Te mody zabezpečajut nove puti prohodženja igry, ktore normalno ne vpisyvajut se v glavny režim, bud to amulet nevidimosti iz početka ili sěkyra s bezkonečnoju škodoju.
U tutoj igry jest jasna filozofija — davati igraču interesne strategične i taktične izbory, zabezpěčiti možnost prěigryvati blagodare slučajno generujučim se podzemjam, byti jasnoj i prijemnoj daže tim, kto ne znaje jej vnutrne mehaniky, a takože imati komfortny interfejs, ktory pri želanji može avtomatično izpolnjati rutinne dějanija kako avtoizslědovanje ili pošuk prědmětov. Pri tutom razrabotniki silit se izběgati situacij, kogda igraču prihodi se bezmysljeno povtarjati nudne dějanija ili kogda izbor v igrě toliko kaže se takovym, ale na dělu jedin variant vsegda lěpše drugyh.
Množinstvo uravnjev generujut se slučajnym obrazom dlja maksimalnoj raznorodnosti, v tot čas kak uravnji, sodržajuči cěljěve prědměty, izbirajut se slučajnym obrazom iz nekolikyh ručno razrabotanyh modelov komnat, ktore obyčno sodržat slučajne elementy i stvarjene na jezyku programovanja Lua. Slučajno sgenerovane uravnji mogut sodržati take že slučajno izbrane razrabotane ručno fragmenty, znajeme kako "vaults", a takože portaly v specialne male uravnji, napriklad Osuarij ili Laboratoriji Čarodějev.
Početkovo personaži oprěděljajut se svojeju rasoju i prědhistorijeju. Razvivanje personaža osnovano na prěživanje, dobyvajemom za pobědu nad čudoviščami. Tuto prěživanje takože povyšaje i uravenj uměnij, odpovědajučih za oružje bližnjego i daljnjego bojev, čary i tako dalě. Igrač sam oprěděljaje, kake uměnja on bude razvivati.
Izbor rasy oprěděljaje prědrazpoloženosti personaža k každomu iz uměnjij, ktore pokazyvajut, koliko prěživanja potrěbno dlja povyšenja uravnja uměnja, a takože dodajut specifične dlja rasy sposobnosti. V versiji 0.34 dostupne 27 različnyh ras.
Izbor prědhistoriji oprěděljaje početkove uměnja i orudovanje. Počinajuči s versiji 0.34, sut 26 variantov prědhistorij: od vojevnika i občego čaroděja do lovca i alhimika. V protivnosti izboru rasy, izbor prědhistoriji vlivaje jedino na početok igry — igrač ne lišeny možnosti razvivati kake-libo uměnja ili koristati kake-libo orudovanje.
V igrě takože jest prědstavjen panteon iz 26 bogov (po stanju na versiji 0.34). Igrač može izbrati sobě boga, poslě togo kako najde potrěbny oltar. Něktore prědhistoriji počinajut igru uže s poklonjenjem konkretnomu bogu, vključajuči Adepta Pepela, Berserkera i Rycara Haosa. Izbor božstva značno vlivaje na igrovoj proces. Blagomilost bogov dobyvaje se raznymi sposobami, napriklad, izslědovanje podzemja, ubijstva čudovišč ili něčto drugo. V zaměn bogi darujut svojemu poslědovatelju podarky ili pasivne ili aktivne sposobnosti, ktore po-raznomu adaptovane k mnogočislnym stiljam igry v bližnjem ili daljnjem boju. Igrač nakože može odkazati se od svojego boga v korist drugogo, ale tuto obyčno vyzyvaje gněv božestva. V rezultatu ono bude něktory čas prěslědovati igrača, prizyvajuči močnyh čudovišč i nakladati zle efekty, kako napriklad zamedljenje, ili prosto nanoseči igraču veliku škodu.
Historija
[praviti | praviti izvorny kod]Linley's Dungeon Crawl
[praviti | praviti izvorny kod]Linley's Dungeon Crawl (ili prosto Dungeon Crawl ili Crawl) jest kompjuterna igra v žanru roguelike, početkovo razrabotana Linli Henzelom v 1995 godu i vprvo vypuščena dlja obširnoj publiky 2 oktobra 1997 goda. Igra imala neobyčnu licenziju, osnovanu na licenzijah Bison i NetHack. Stone Soup svezali se so vsemi prědhodnymi vkladateljami i prělicenzovali novu igru pod GPL-2.0-or-later.
Originalny gejmplej
[praviti | praviti izvorny kod]Crawl počinaje se s izbora jednoj iz bolje čim dvadeseti ras: několiko raznyh tipov elfov, dvarfov, ogrov, tengu, člověka, merfolka, kentavra i drugyh fantastičnyh stvorov. Izbor rasy oprěděljaje bazove harakteristiky, daljnejě razvivanje uměnij i fizične parametry kako bystrost dviženja, sprotivjenja i osoblive sposobnosti.
S izključenjem rasovyh ograničenij, igrač izbiraje klas personaža iz bolje čim dvadeseti variantov. Klasy vključajut tradicijne rolji vojenika, čaroděja i razbojnika, a takože specializovane rolje, srěd ktoryh monahi, berserkery, ubijci, križenosci i stihijne zaklinatelji. Putnik jest netipičny variant, on vsegda imaje slučajnu sbirku uměnij. Zajedno klas i rasa oprěděljajut osnovno orudovanje i obučenje uměnjam, hoti personaži mogut poprobovati dobyti ktoro-libo vnutrigrovo uměnje.
Sistema uměnij v Crawl obsegaje množinstvo sposobnostej, vključajuči možnost svobodno dvigati se v bronji ili tiho, dějati efektivne napady raznymi kategorijami oružja, osvajati zaklinanja iz raznyh čarovnyh škol, koristati magične artefakty i moliti se božestvam. Obučenje proizhodi putem povtorjenja dějanij, svezanyh s uměnjami, koristajuči prěživanje iz zapasa, popolnjajemogo po měrě poběd nad čudoviščami.
Džon Haris u sebe v "@Play" utvrdžal, že sistema nabyvanja prěživanja "sručno izběgaje mnogyh problemov sistemy razvivanja, osnovanoj na uměnjah", generalno hvalil neobhodnost prodviženja po igrě dlja daljnjejšego ulěpšenja uměnij personaža. V tom že članku Džon Haris stvrdil, že "tuta sistema jest najlěpša sistema uměnij, kogda-libo strěčavšej se v roguelike-igrah; ona može pretendovati na zvanje jednoj iz najlěpših vo vsakoj CRPG".
Religija v Crawl jest centralna igrova mehanika. Raznorodny panteon bogov ne ostavi igrača bez izbora. Tut sut mnogo nevtralnyh bogov, trojka dobryh bogov, protivdějajučih zlu i zlym bogam, a takože i haotičnym bogam. Vsi oni mogut dati svojim poslědovateljam svoji sposobnosti i dary, ktore sut mnogo pomočne dlja raznyh stilov igry.
Cělj igry v Crawl — naidti Kulju Zot, skrytuju gluboko v podzemje. Dlja tutoj cělji potrěbno posětiti različne větvy podzemja, ktore jest v Oročjih Rudnikah i Brlogu Zvěrev, i nabyti minimalno tri rune Zot, da by odkryti dostup k Carstvu Zot. Vo vsakoj igrě možno nabyti petnadset run, čto jest dodatno doseženje.
Versiji
[praviti | praviti izvorny kod]Poslědnja versija, ktoru razrabotal osobno Linli Henzel, jest 3.3.0. Nastupne versiji razrabotyvali se generalno Lipfordom i Rossom premo do finalnoj versiji 4.0.0 beta 26. Versija 400b26e070t jest popularna blagodare vključenju v nju patči 2003-2004 godov (Daršan Šaligram) i obnovjenju do tajlovoj grafiky (M. Itakura, Denzi, Alex Korol, Nullpodoh).
Tuta igra byla portovana na NintendoDS kako DSCrawl.[trěba iztočnik]
Stone Soup
[praviti | praviti izvorny kod]Razrabotanje Dungeon Crawl Stone Soup počelo se v 2006 godu Daršanom Šaligramom (greensnark) i Erikom Pajperom kako proba vozobnoviti razrabotanje Crawl, ktoro medlo šlo v gody poslě togo, kako Linli Henzel ušel iz razrabotanja igry. Dlja igry bylo vypuščeno několiko patčej, osoblivo, jedin od Šaligrama, znajemy kako "patč putovanja", ktory pozajmal realizaciju algoritma Dejkstry iz NetHack dlja zabezpečenja možnosti avtomatičnogo izslědovanja v igrě. Te patči byli skompilovane v projekt Stone Soup i vypuščen publično na SourceForge.
Odkogda, Stone Soup dobyl množinstvo razširjenij dlja pomošči v igrě, napriklad, dozvaljajuči šukati každy kogda-libo najdeny prědmět s koristanjem vnutrigrovyh komand. Kromě togo, Stone Soup vnesla red ulěpčenij v koristateljny interfejs, takyh kako kooperacija s myšju i opcionalny grafičny interfejs.
Da by izbegti izbytočnoj funkcionalnosti, DCSS izjela elementy igrovogo procesa, ktore oprědělili se izbytočnymi, vključajuči několiko ras, prědhistorij, čarovne školy i, ne tako davno, sistemu krmjenja. Družina razrabotnikov takože izglasila ohotnost shranititutčasno trvanje igry, zatom po měrě dodavanja novyh lokacij v podzemje stare skračali se il daže odstranjene, da by kompensovati tuto.
Operacijne sistemy
[praviti | praviti izvorny kod]DCSS dostupna na Windows, macOS, Linux i Android. Igra takože možna na serverah, znajemyh kako "webtiles" premo v brauzěru ili črez podključenje po SSH. Servera hranet onlajn-statistiku vsih igr, počinajuči od rasy, prědhistoriji i inventara, končajuči kolikostju ubityh čudovišč i kolikostju sdělanyh dějanij po uměnjam.
