Saepes contra cuniculos

Saepes contra cuniculos^[1] (Anglice Rabbit-Proof Fence), vel Saepes nationalis (Anglice State Barrriere Fence) est saepes longissima per totam Australiam in provincia Australia Occidentali a litore boreali maris Timorensis usque ad litus australe Oceani Australis (ut haec Oceani Mundi pars in Australia nominatur) extenta. Partem continentis occidentalem, quam agricolae maiore cum diligentia colunt, a regionibus mediis siccioribus, quae cuniculis abundant, defendat. Longitudinem 1833 chm habet. Saepes palos habet interdum ligneos, interdum chalybeios, fila metallica tenentes.

Tres saepes

Sensu stricto prima linea saepium, longior vetustior, hoc nomen habet. Primis annis saecuki XX confecta est. Sed mox cuniculi multi et in parte interiore inventi sunt; tum saepes altera (nunc "saepes 2") ad occidentem a saepe prima aedificata est, anno 1907, et postea saepe tertia breviore cum litore Oceano Indico coniuncta est.

Cuniculi in Australia

Cuniculi in Australia a colonis Europaeis introducti erant et magnam calamitatem oecologicam attulerunt, donec post annum 1950 eos viribus Myxomatosis cuniculorum et postea Caliciviridis exstirpare temptaverunt, cum effectu dubio.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

Nexus externi

Situs geographici et historici: • OpenStreetMap

Saepes in situ provinciae Australiae Occidentalis

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[1]