Chilliwack

Chilliwack
Land	Kanada
Awunner	83.788
	2016
Fläch	261,65 km²
Héicht	10 m
Koordinaten	49°10'16"N, 121°57'9"W
Websäit	https://www.chilliwack.com/

Chilliwack ass eng Stad am Süde vun der kanadescher Provënz Brittesch-Kolumbien an de Lower Mainlands am Fraser Valley Regional District.

Geographie

Chilliwack läit ongeféier 100 Kilometer ëstlech vu Vancouver. D'nërdlech Grenz vun der Stad gëtt vum Fraser River gebilt. Am Süde läit de Vedder River an d'Grenz mam US-Bundesstaat Washington.

Wirtschaft

Zousätzlech zum Tourismus besteet d'Wirtschaft vu Chilliwack aus de follgende Secteuren:

• Landwirtschaft
• Liewensmëttelveraarbechtungsindustrie
• Fabrikatiounsindustrie
• Déngschtleeschtungen

Bildung

Et ginn am Ganzen 31 ëffentlech Schoulen zu Chilliwack, dorënner eng kathoulesch Schoul. Déi zwou gréisst Secondairesschoule sinn d'Sardis Secondary School an d'Chilliwack Secondary School, fir d'Klassen zéng bis zwielef. Do dernieft gëtt et fënnef Secondairesschoule fir d'Klasse siwe bis néng.

Verkéier

Chilliwack läit um Trans-Canada Highway (Highway 1) deen duerch d'Stad leeft.

Dat lokaalt Fluchfeld läit um südëstleche Bord vu Chilliwack; et huet just eng Asphaltpist, déi 1.215 Meter laang ass.

Sport

De Prospera Centre zu Chilliwack

Den Äishockeyclub Chilliwack Bruins huet vun 2006 bis 2011 an der Western Hockey League gespillt. D'Heemspiller vum Team goufen am Prospera Centre gespillt, deen eng Kapazitéit vu 5.700 Spectateuren huet.

Um Spaweck

Commons: Chilliwack – Biller, Videoen an Audiodateien