Sastara Ukraina
Sastara Ukraina marujuak pado kasadoan karya tulih nan dihasian dalam bahaso Ukraina ataupun karya nan ditulih dek panulih asa Ukraina dalam bahaso lain. Sastara ko mampunyoi paran pantiang dalam pambatuakan identitaih nasional Ukraina jo mamcaminan sijarah sosial, politik, jo budayo nagara tu.[1]
Sastara Ukraina sabagian gadang bakambang di bawah dominasi asiang ateh wilayah Ukraina, tautamo dek Pasemakmuran Polandia–Lituania, Polandia, Kakaisaran Rusia, Karajaan Rumania, Kakaisaran Austria-Hungaria, jo Kasultanan Utsmaniyah.
Sastara Ukraina dapek ditalusua baliak ka maso Rus' Kiev, katiko kronik Rus’ jo puisi epik ditulih dalam bahaso Slavia Gareja Kuno jo Slavia Gareja. Carito rakyaik lisan mancua pado maso iko pulo. Bahaso Slavia Gareja Kuno sabagian gadang digunoan dalam dokumen tatuloh, tapi bahaso losan umum di wilayah nan dikuasoi dek Slavia Timur Kuno, nan kamudian bakambang manjadi bahaso Ukraina, Rusia, jo Belarus. Budaya Ukraina bakambang pasek di bawah kuaso Kosak Ukraina, maskipun nagara urang-urang tu akhianyo tabagi manjadi bagian timur jo barat nan dikuasoi dek babagai nagara tetangga. Sajak abaik ka-19, karya sastra Ukraina mulai ditulih dalam bantuak bahaso sahari-hari. Puisi, novel, drama, jo karya lainnyo ditabikkan. Sairiang jo pakambangan tu, garakan nasionalisme jo kamardekaan Ukraina mulai tumbuah. Namun, Kakaisaran Rusia jo kamudian Uni Soviet acok manakan jo mambatehi panggunoan bahaso Ukraina, metode ekspresi, sarato tema-tema sastara.
Arati
[suntiang | suntiang sumber]Manuruik arati standar nan diwarihi dari maso Romantisisme, sastara Ukraina acok dibatehi sacaro eksklusif pado karya-karya sastara nan ditulih dalam bahaso Ukraina vernakular, nan mulai mapan dalam bantuak tulisan pado abaik ka-19. Pandangan ko ditantang dek panulih takah Dmytro Chyzhevsky dan George Grabowicz, nan manyatoan bahwasannyo ciek tradsisi satara dapek manggunoan bahaso nan babedo pado babagai tahap pakambangannyo. Manuruik pandangan ko, karya sastara nan ditulih dalam bahaso sastara nan dominan di wilayah Ukraina sabalum muncuanyo bahaso Ukraina sabagai bahaso sastara–misalnyo kisah Slavia Timur Kuno The Tale of Igor's Campaign, puisi babahaso Polandia karya Ivan Velychkovskyi, atau prosa babahaso Rusia dek Hrebinka, Kvitka, dan Shevchenko–marupokan bagian pantiang dari sastara Ukraina.[2]
Dalam pangaratian bahaso, sastara Ukraina moderen dapek dibagi manjadi panulih babahaso Ukraina jo panulih babahaso Rusia nan tingga di Ukraina sarato manulih tantang tema-tema Ukraina.[3] Namun, karya nan ditulih dalam Surzhyk, atau dalam bahaso Ukraina dek panulih asiang, dapek juo dianggap sabagai sastara Ukraina. Karya nan ditulih dalam bahaso Tatar Krimea atau bahaso asiang dek urang Ukraina juo masuak.[4]
Sastara Ukraina maso dulunyo alah disobokan baliak jo diposisian ulang malalui jajak-jajak sijarah. Sastara Rusia maalami proses nan sarupo.[5][6] Dalam sijarahnyo, hubuangan antaro Ukraina jo Rusia basifat dinamis. Hal iko karano kaduonyo indak sapanuahnyo tapisah di maso lampau, jo dapek babagai kriteria klasifikasi nan mambuek panantuan manjadi sulik.[7] Sajak kamardekaan Ukraina, tadapek kacandaruangan manuju Ukrainisasi jo derusifikasi dalam panabikan, jo proporsi karya babahaso Ukraina taruih maningkek.[8][9]
Rujuakan
[suntiang | suntiang sumber]- ↑ "Ukrainian literature", Encyclopaedia Britannica. Diakses 23 Agustus 2025.
- ↑ George G. Grabowicz (1981). Toward a History of Ukrainian Literature. Harvard Ukrainian Research Institute. pp. 99-100. ISBN 0674896769.
- ↑ 奈倉 2023b, hlm. 109-110.
- ↑ 田中 2022, hlm. 64.
- ↑ 貝澤 2023, hlm. 31-32.
- ↑ 伊東 2004, hlm. 68.
- ↑ 中村 2018, hlm. 207-210.
- ↑ 田中 2022, hlm. 63.
- ↑ 池澤 2023b, hlm. 112-113.
Bibliografi
[suntiang | suntiang sumber]- A History of Ukrainian Literature (From the 11th to the End of the 19th Century): With an Overview of the Twentieth Century (Annals of the Ukrainian Academy ... and Sciences in the U.S., Inc, Vol 17–19) by Dmitrij Tschizewskij, George S. N. Luckyj, Dolly Ferguson, and Doreen Gorsline
- Ukrainian Literature Through the Ages by Yevhen Shabliovsky, Abraham Mistetsky, and Andrew Marko (Paperback – 1 January 2001)
- Toward a history of Ukrainian literature. Grabowicz, George G. / distrib. by Harvard University Press for the Harvard Ukrainian Research Institute / 1981 (104: SLA U 50 : 50s Bungehuis-Spuistraat 210, 2e etage)
- A history of Ukrainian literature, from the 11th to the end of the 19th century. Cyzevs'kyj, Dmytro / Ukrainian Academic Press / 1975 (UBM: H 77–63, Singel 425, UB magazijn)
- Ukrainian literature. Kasinec, Edward / Harvard University / 1977 (UBM: Br. f\0 L m 9)
- Ukrainian literature in the twentieth century: a reader's guide. Luckyj, George S.N. / Univ. of Toronto press / 1992 (UBM: H 96-1818)
- Ukrainian Literature in English, 1980–1989 by Marta Tarnawsky[pranala nonaktif permanen]
