Främling
| «Främling» Song av Carola Häggkvist | ||
 | ||
| Land | Sverige | |
| Språk | Svensk | |
| Utgjeve | 1983 | |
| Sjanger | Pop, slager | |
| Lengd | 03:01 | |
| Selskap | Mariann Records | |
| Komponist | Lasse Holm | |
| Tekstforfattar | Monica Forsberg | |
| Låtskrivar(ar) | Lasse Holm, Monica Forsberg | |
|---|---|---|
«Främling» (norsk omsetjing 'framand') er ein svensk slager-popsong frå 1983 som er komponert av Lasse Holm, med tekst av Monica Forsberg. Songen blei framført av Carola Häggkvist i svenske Melodifestivalen 1983, der han vann ein klår siger. Songen blei dimed det svenske bidraget til Eurovision Song Contest 1983 i München, der han enda på ein tredjeplass. Singelen «Främling» blei seinare gjeven ut i heile Europa, og blei gjennombrotslåten for Carola. Det påfølgjande albumet hennar selde i ein million eksemplar i Skandinavia.[1]
Bakgrunn
[endre | endre wikiteksten]«Främling» var ein av ti deltakerlåtar i den svenske Melodifestivalen i Malmö 27. februar 1983, og han blei framført av 16 år gamle Carola Häggkvist. I tevlinga fekk ho toppoeng av samtlege juryar, noko som aldri hadde skjedd før i historia til Melodifestivalen. Undervegs i avrøystinga heldt Carola på Bibelen og utbraut: «Eg takkar Gud!» då sigeren var eit faktum.[2]
Med sigeren i Melodifestivalen blei «Främling» det svenske bidraget i den internasjonale finalen i München 23. april same året. I Eurovision Song Contest var Sverige det fjerde bidraget på scena av 20 bidrag. Trass i at mikrofonen til Carola ikkje fungerte heilt i starten, overbeviste ho jurygruppene og enda på ein tredjeplass. Til saman fekk songen 126 poeng – inkludert 12 poeng frå Noreg og Tyskland.[3]
Svenskane hadde på førehand store forventningar til «Främling»; den internasjonale finalen blei følgd av 6,1 millionar svenske tv-sjåarar, tilsvarande 84 prosent av befolkninga i landet. Dette er framleis rekord i Sverige.[4]
Gjennombrotet til Carola
[endre | endre wikiteksten]For Carola blei «Främling» det store musikalske gjennombrotet hennar. Songen blei ein stor suksess i Skandinavia, og han toppa VG-lista i Norge. Dette var den fyrste svenskspråklege låten til å toppe VG-lista sidan «Tag emot en utsträckt hand» av Ann-Louise Hanson i 1972.[1][5]
Det påfølgjande albumet Främling selde i 1 million eksemplar i Skandinavia, og er framleis det mest selde albumet i Sverige gjennom tidane.[1] Også i Noreg selde albumet bra og låg på VG-lista i over eit halvt år.[6]
Listeplasseringar
[endre | endre wikiteksten]| Liste (1983) | Høgaste plassering |
Versjon |
|---|---|---|
 Belgia, Flandern (Ultratop)[7] |
7 | «Love Isn't Love» |
 Nederland (Singles Top 100)[8] |
4 | «Je ogen hebben geen geheimen» |
 Noreg (VG-lista)[9] |
1 | «Främling» |
 Sverige (Sverigetopplistan)[10] |
5 | «Främling» |
 Tyskland (Deutsche offizielle charts)[11] |
68 | «Love Isn't Love» |
Andre versjonar
[endre | endre wikiteksten]Carola spelte inn låten på fleire språk:
- Svensk – «Främling»
- Engelsk – «Love Isn't Love»
- Tysk – «Fremder»
- Nederlandsk – «Je ogen hebben geen geheimen»
Kjelder
[endre | endre wikiteksten]- 1 2 3 Sætre, Eivind M. (22. august 2014). «Carola – Främling». GV-musikk.no (på bokmål). Arkivert frå originalen 2018-06-07. Henta 2018-06-07.
{{cite news}}: Invalid|url-status=død(hjelp) - ↑ «Melodifestivalen 1983». svt.se (på svensk). Sveriges Television AB, Stockholm. Henta 2018-06-07.
- ↑ «Eurovision Song Contest 1983». eurovison.tv. 2018. Arkivert frå originalen 2018-06-12. Henta 2018-06-07.
{{cite news}}: Invalid|url-status=død(hjelp) - ↑ Gylleneskor.se. Carola vi älskar dig – Heja Sverige!. Henta 29. februar 2008. Arkivert versjon.
- ↑ Hung, Steffen. «norwegiancharts.com - Norwegian charts portal». www.norwegiancharts.com. Henta 2018-06-07.
- ↑ Hung, Steffen. «Främling (album) – på VG-lista». www.norwegiancharts.com. Henta 2018-06-07.
- ↑ «Carola - Love Isn't Love». ultratop.be. Henta 2018-06-07.
- ↑ Hung, Steffen. «Carola - Je ogen hebben geen geheimen». hitparade.ch. Henta 2018-06-07.
- ↑ Hung, Steffen. «norwegiancharts.com - Carola Häggkvist - Främling». norwegiancharts.com. Henta 2018-06-07.
- ↑ Hung, Steffen. «swedishcharts.com - Carola Häggkvist - Främling». swedishcharts.com. Henta 2018-06-07.
- ↑ «Love Isn't Love – Offizielle Deutsche Charts». www.offiziellecharts.de (på tysk). Henta 2018-06-07.
- Denne artikkelen bygger på «Främling» frå Wikipedia på bokmål, den 15. desember 2023.
