Ia-update namin ang aming Mga Alituntunin na Dapat Sundin ng Merchant, na magkakabisa sa Nobyembre 12, 2026. Maaari mong tingnan dito ang na-update na Mga Alituntunin na Dapat Sundin ng Merchant.

Ang aming misyon ay bigyan ng inspirasyon ang lahat para buuin ang buhay na gusto nila. Naniniwala kami na kapag nakakahanap ang mga tao ng magagandang produkto mula sa mga pinagkakatiwalaang merchant, maaari nitong bigyan ng kakayahan ang mga tao na gawin ang mga bagay na mahalaga sa kanila.

Bagama't walang kinalaman ang Pinterest sa pagbili, pagbebenta, o paghahatid ng mga produkto, gusto naming magkaroon ng magagandang karanasan ang mga tao sa pamimili ng mga produktong nakikita nila sa Pinterest. Gusto naming magbigay ang mga merchant ng pinakamagandang serbisyo sa customer hangga't maaari, at kasama rito ang malinaw na pagtatakda ng mga dapat asahan pagdating sa kalidad ng produkto, presyo, tagal ng paghahatid, at proseso ng pagsasauli. At siyempre, gusto naming matupad ng mga merchant ang mga inaasahang iyon.

Responsibilidad ng mga merchant na matiyak na sinusunod nila ang lahat ng nauugnay na batas, regulasyon, at patakaran sa industriya kapag ginagamit nila ang aming serbisyo. Responsibilidad din ng mga merchant ang pangangasiwa at pagtugon sa lahat ng pagbili, paghahatid, tanong mula sa serbisyo sa customer, reklamo, problema, at hindi pagkakasundo.

Patuloy naming mina-manage ang mga invite-only na program o mga limitadong test na nagpapahintulot sa ilang merchant na ma-access ang mga feature na posibleng hindi available sa lahat.May karapatan kaming ulitin ang mga test at availability ng feature anumang oras para matiyak ang mga pinakamagandang shopping solution para sa mga Pinner.

May karapatan kaming alisin ang mga Pin ng produkto dahil sa paglabag ng mga alituntunin na ito at itigil ang access sa feed mula sa anumang merchant batay sa hindi magandang mga rating ng third-party o sa mga signal ng platform tulad ng rekord ng mga reklamo.Maaari kaming mag-alis ng anumang bagay para sa anumang dahilan, kabilang ang mga Pin, board, o access mo sa Pinterest.

Dapat matugunan ng mga merchant ang mga sumusunod na pamantayan:

• Ang mga merchant ay hindi dapat mga affiliate na marketer.
• Ang mga merchant ay hindi dapat mga wholesale retailer.
• Ang merchant ay dapat mayroong patakaran na madaling mahanap at malinaw na ipinapakita kung tumatanggap ng mga pagsasauli ang merchant, ang proseso at mga inaasahang oras para sa mga pagsasauli, at impormasyon sa pakikipag-ugnayan.
• Ang mga merchant ay dapat mayroong website na mataas ang kalidad at mga page ng produkto. Hindi namin pinapayagan ang mga website na:
  • Mayroong hindi magandang editorial content, kasama ang mga sirang link o hindi kumpletong mga page
  • Piliting mag-register ang mga user para makita ang mga produkto
  • Hindi ligtas o nakakalinlang
• Ang mga catalog ng merchant ng sasakyan ay pinapayagan lamang sa Canada, France, Germany, Spain, Switzerland, UK, at US
• Ang nagre-resale o mga consignment marketplace ay kwalipikado lang para sa pamamahagi ng mga Ad

Para maging kwalipikado bilang isang produkto na magagamit sa isang Pin o iba pang format sa Pinterest, dapat nitong matugunan ang mga sumusunod na pamantayan:

• Dapat sundin ng mga produkto ang aming mga alituntunin ng komunidad at mga tuntunin ng serbisyo.
• Ang Pinterest ay dapat mayroong bago (sa loob ng pitong araw) at tamang impormasyon tungkol sa presyo at in-stock status ng produkto. Nakukuha ito sa pamamagitan ng araw-araw na pag-sync ng feed o pagpapahintulot sa Pinterest na madalas na mag-scrape ng mga meta-tag sa mga landing page ng produkto.
• Maliban sa mga serbisyo, dapat magpakita ang Pin ng isang partikular na item na available bilhin.

Hindi namin pinapayagan ang mga sumusunod na produkto para maging mga Pin ng produkto:

• Alak
  • Maaaring kasama sa mga Shopping Ad ang mga produktong may alkohol, na may mga paghihigpit. Sa lahat ng sitwasyon, ikaw ang responsable para sa pagsunod sa naaangkop na pederal at lokal na mga batas at mga alituntunin ng regulasyon, kabilang ang paghihigpit sa edad kung saan kinakailangan.
  • Sa kasalukuyan, hindi namin pinapayagan ang mga Shopping Ad para sa alkohol na i-target ang mga sumusunod na market: Algeria, Argentina, Azerbaijan, Bahrain, Belgium, Bulgaria, Colombia, Croatia, Ecuador, Ehipto, Estonia, Finland, Pransya, Georgia, Ghana, India, Indonesia, Iraq, Hapon, Jordan, Kazakhstan, Kuwait, Kyrgyzstan, Latvia, Lithuania, Malaysia, Mongolia, Morocco, Netherlands, Nigeria, Hilagang Macedonia, Norway, Oman, Pakistan, Panama, Paraguay, Peru, Qatar, Saudi Arabia, Serbia, Slovenia,Sri Lanka, Sweden, Taiwan, Thailand, Turkey, United Arab Emirates, Uruguay at Vietnam
• Mga ad ng alak sa Pinterest:
  • Hindi maaaring i-target ang mga menor de edad, o ipakita ang mga menor de edad na umiinom ng mga alak na inumin
  • Hindi maaaring iugnay ang pag-inom ng alak para pahusayin ang pisikal na pagganap, pinagandang katayuan sa lipunan o mas magandang tagumpay sa pakikipagtalik
  • Hindi maaaring manghikayat ng labis na pag-inom, o magpahiwatig ng kapaki-pakinabang ang labis na pag-inom o na ang alak ay mayroong mga panggamot na katangian alinman sa bilang pampasigla o pampakalma
  • Hindi maaaring magpakita ng mga tao na nasa ilalim ng impluwensiya ng alak o iugnay ang pag-inom sa mga aktibidad na mapanganib (tulad ng pagmamaneho, pagpapatakbo ng mabigat na makina), antisocial o labag sa batas
  • Hindi maaaring bigyang-diin ang may mataas na nilalaman na alak bilang positibong kalidad.
• Mga pampinasyal na produkto tulad ng mga credit opportunity (kasama ang mga opsyon sa pagbabayad ng credit na direktang ino-offer ng Merchant para sa mga hindi pampinansyal na produkto), cryptocurrency, atbp.
• Mga produkto sa pagsusugal tulad ng mga lotto
• Mga produkto at serbisyo para sa pangangalagang pangkalusugan kasama ang mga inireresetang gamot, over-the-counter (OTC) na hindi inireresetang gamot, medikal na kagamitan at anumang hindi ligtas na mga produkto para sa pangangalagang pangkalusugan na gumagawa ng mga hindi makatotohanang pangako tulad ng mga pildoras para magbawas ng timbang.
• Mga produktong may dati nang nagmay-ari
  • Maaaring kasama sa Mga Shopping Ad ang mga produktong may dati nang nagmay-ari, sa kondisyon na susunod ang mga ito sa lahat ng naaangkop na regulasyon at mga paghihigpit sa kategorya ng produkto. Nasa ibaba ang mga halimbawa ng pinaghigpitang mga kategorya ng produktong may dati nang nagmay-ari:
    • Mabigat na makina o kagamitan
    • Parts ng automobile
    • Mapanganib na mga produkto at materyal
    • Mga Kosmetiko
    • Mga madaling masira
    • Mga produktong pambaby na hindi damit
    • Mga item para sa personal na pangangalaga
    • Gamit na pangkaligtasan
• Anumang produkto at mga kasanayan ng merchant na kabilang sa aming listahan ng mga ipinagbabawal na produkto at serbisyo na nasa aming mga alituntunin sa pag-a-advertise, kabilang ang:
  • Mga produkto at content na para sa nasa hustong gulang
  • Mga droga at mga produktong may kaugnayan sa droga kabilang ang anumang CBD at Hemp seed oil na mga produkto
  • Mga nanganganib na hayop at buhay na hayop
  • Mga ilegal na produkto
  • Mga produktong imitasyon o peke
  • Produkto sa pampulitikang campaign
  • Mga sensitibo o nakakagambalang produkto
  • Mga produktong tabako
  • Mga hindi katanggap-tanggap na kasanayan sa negosyo
  • Mga armas at pampasabog

Para malaman pa ang tungkol sa Programang Na-verify na Merchant, pakibisita ang aming site ng negosyo.