Faktaboks

Ísafjörður

Etymologi: isfjord
Uttale: i:sa-fjørdur
Grunnlagd: 1866
Innbyggjartal: 2680 (2024)
Lufthamn: Ísafjarðarflugvöllur (IFJ)

Ísafjörður er ein by på Islands nordvestkyst, ved fjorden Ísafjarðardjúp. Byen ligg på ei øy i den tronge fjordarmen Skutulsfjörður, omgitt av 600–700 meter høge fjell.

Ísafjörður er det viktigaste senteret for fiske og handel i Vestfjordane, med store fryserianlegg, maskinindustri og skipsverft. Byen er også trafikknutepunkt med særleg god hamn, flyplass og heilårsveg til Reykjavík. Ísafjörður fekk byrettar i 1866.

I Ísafjörður blir kvart år arrangert musikkfestivalen Aldrei fór ég suður og det europeiske meisterskapet i gjørmefotball.

Ísafjörður kommune

Kommunen Ísafjarðarbær har 3800 innbyggarar i 2024, eit areal på 2379 kvadratkilometer og omfattar kyststrekningen frå Arnarfjörður i sør til Hornstrandir i nord. Lengst nord i kommunen finn ein audegarden Drangar. Ein del av isbreen Drangajökull ligg også i kommunen. Fossen Dynjandi inst i Arnarfjörður er ein av mange naturattraksjonar i den vidstrekte kommunen.

Dei viktigaste busetnadene forutan kommunesenteret er Flateyri, Þingeyri, Suðureyri og Hnífsdalur.

Les meir i Store norske leksikon

Eksterne lenker

Kommunens heimeside

Ísafjörður

Av Bjarki Sigursveinsson.

Lisens: CC BY SA 2.0

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må vere logga inn for å kommentere.

Fagansvarleg for Islands geografi

Lars Mæhlum

Cand.mag.