Zim (softwarea)

Zim
Irudi gehiago
Jatorria
Sorrera-urtea	2005
Azken bertsioa	0.77.2
Ezaugarriak
Hizkuntza	ingelesa, errusiera eta eleaniztuna
Programazio-lengoaia	Python
Sistema eragilea	Linux, Microsoft Windows eta MacOS X
GUI tresnak	GTK
Egile-eskubideak	copyrightduna
Lizentzia	GNU General Public License, 2.0 bertsioa edo ondorengoa
Euskaraz
Euskaraz	Bai
zim-wiki.org
Iturburu-kodea	https://github.com/jaap-karssenberg/zim-desktop-wiki

Zim edo Zim wiki lokalean gordetako wiki-orrien bilduma gordetzeko diseinatutako testu editorea da. Orri bakoitzak eduki dezake formatu sinpleko testuaz gain: beste orriekiko estekak, Interneteko estekak, lokaleko dokumentuekiko estekak eta irudiak.

Bere funtzio nagusia testuak bildu eta etiketa, lotura, antolaketa eta beste trenen bidez informazio hori errez berreskuratzea eta informazio berria sortzeko aukerak emate Ezagutza Pertsonalaren Kudeaketa (PKM) tekniken bidez.

Oinarrizko tresnaz gain pluginen bidez erantsi daitezke ekuazio editorea, taulak, zuzentzaile ortografikoa...

Wiki-orriak .txt testu lauko fitxategietan eta karpetetan gordetzen dira wiki formatuan.

Zim aplikazioa Python lengoaian idatzita dago eta GTK+ libreriak erabiltzen ditu. GNU General Public License (GPL) software libreko lizentzia du.

Ezaugarriak

Horra ezaugarri interesgarri batzuk:

• Testua wiki testu editore arinean formaturik gabeko testu lau bezala gordetzen da, .txt luzapenarekin, baina editatzeko eta ikusteko formatu aberatsaren ezaugarri batzuk ditu: letra lodiekin, letra etzana, nabarmendua, azpimarratua, tituluak, ezabatze marra horizontala, buletak, numerazioa, estekak, taulak...
• Eduki multimedia: irudiak, fitxategi erantsiak, egutegia...
• Beste orriekiko estekak.
• Bilaketa sistema eraginkorra du: termino edo hitz kate bat wiki orri guztietan istant batean topatzen du.
• Aplikazioa orriak automatikoki gordetzen ditu karaktere bakoitzean.
• Etiketatze sistema du.
• Zereginen zerrenda kalifikatua, ataza garrantzitsuenak-eta nabarmentzeko.
• Esportatzen ahal da hainbat formatutara: HTML, diapositiba aurkezpen, Markdown, RST, LaTeX formatura...

Pluginak

Zimen ezaugarriei funtzionalitate gehiago erantsi diezaioke pluginen bidez:

• Ekuazio editorea (LaTex eta dvipng bidez),
• Plotak (GNU R edo Gnuplot bidez),
• Zuzenketa ortografikoa (euskaraz),
• Zereginen kudeaketa,
• Taula editorea,
• Egunkaria,
• Interneteko nabigatzailearen bidez inprimatzeko aukera,
• eta beste hainbat.

Eskuragarritasuna

Zim instala daiteke hainbat Linux banaketatan, macOS sistema eragilean eta Windowsen.

Androiderako bertsiorik ez du une honetan.

Euskaraz

Zim euskarazko interfazearekin erabil daiteke Linux sistema eragilea darabilten hainbat banaketarekin. Windows sistemarekin oraingoz ez.

Ikus, gainera

• Joplin (softwarea)

Kanpo estekak

• Alex Gabilondo: "Zim wikia. Oharrak hartu eta egitekoen zerrendak".
• Webgune ofiziala: https://www.zim-wiki.org/

• Datuak: Q203374
• Multimedia: Zim (software) / Q203374