Ndihmë:Referimi

Milazim Sadri Mavraj lindi më 28 shkurt 1966 në Saradran të Istogut dhe ra më 28 prill 1999 në Koshare.

Si të referoj?

Beteja e Koshares u zhvillua nga prilli deri në qershor 1999, në zonën kufitare ndërmjet Kosovës dhe Shqipërisë. Në luftime mori pjesë edhe Brigada 138 “Agim Ramadani”.

Lexo më tepër: Wikipedia:Burime të besueshme dhe Wikipedia:Vërtetueshmëria

Siç u përmend dhe më sipër, mediume të ndryshme mund të shërbejnë si referime. E rëndësishme është që burimet të jenë serioze. Për shembull, një burim jo serioz do ishte blogu personal i një individi të panjohur. Burime të ndryshme kërkojnë hollësi të ndryshme kur përdoren si referime. Lexoni më poshtë për të mësuar mbi mënyrat e ndryshme të referimit sipas mediumit përkatës.

Faqe interneti

Shumica e referimeve shpeshherë vijnë nga faqe të ndryshme interneti. Në këtë pikë zakonisht shumë njerëz janë të prirur të përdorin vetë Wikipedinë si burim duke qenë se zakonisht është pikërisht ajo rezultati i parë që del në Google. Kjo nuk është një mënyrë e drejtë për të vepruar. Wikipedia është një projekt vullnetar që mund të redaktohet nga kushdo në botë dhe artikujt e saj priren të jenë gjithmonë në ndryshim e sipër, në disa raste dhe pre e sulmeve vandale. Për pasojë, Wikipedia nuk lejohet të përdoret si burim në proces referimi. Faqet më të mira për tu përdorur si burime janë faqet zyrtare shtetërore ose ato zyrtare të organizatave a kompanive të shquara. Pasi të jetë përzgjedhur faqja e duhur përdoret stampa {{Cite web}} mes etiketave <ref></ref> dhe plotësohen parametrat e nevojshëm si, adresa, titulli dhe përkthimi nëse nuk është në shqip, data e publikimit të artikullit, data e vendosjes si referencë, etj.

Libra

Librat janë një tjetër burim kryesor informacioni për tekstet e artikujve. Në Wikicitate librat shpeshherë luajnë rol kryesor duke qenë se shumë thënie mund të jenë shkëputur direkt prej tyre. Për të referuar burime nga librat përdoret stampa {{Cite book}} mes etiketave <ref></ref> dhe plotësohen parametrat e nevojshëm si emri dhe mbiemri i autorit, data e botimit, titulli (dhe përkthimi përbri mes kllapave katrore nëse nuk është në shqip), shtëpia botuese, faqja, kodi ISBN, etj.

Video

Kohët e fundit materialet multimediale po bëhen një burim i mirë për tu përdorur në procese referimi. Sikurse dhe me librat, edhe videot kanë rëndësi të veçantë në Wikicitate duke qenë se shumë faqe i dedikohen pikërisht kinematografisë dhe batutave a dialogjeve të veçanta në filma të caktuar. Për të shtuar video si referime përdoret stampa {{Cite video}} mes etiketave <ref></ref> dhe plotësohen parametrat e nevojshëm si, titulli, data e publikimit, gjuha, adresa, vendodhja, data e vendosjes si referencë, etj. Nëse përdoret YouTube duhet pasur parasysh të përdoren video të publikuara nga kanale serioze.

Lajme

Lajmet gjithashtu mund të shërbejnë shpeshherë si burime të mira duke pasur parasysh natyrën e tyre serioze. Këtu përfshihen të gjitha llojet e lajmeve si gazeta, kronika apo dhe lajme në rrjet. Për të gjitha rastet e mësipërme përdoret stampa {{cite news}} mes etiketave <ref></ref> dhe plotësohen parametrat e nevojshëm si, titulli, data publikimit të lajmit, emri i gazetës, televizionit a faqes në rrjet, data e vendosjes si referencë, etj.

Burime nga mediume të tjera të papërmendura më lart

Më sipër janë përmendur vetëm mediumet më të zakonshme në proceset e referimeve. Lloje të ndryshme mediumesh të palistuara më lart mund të përdoren për sa kohë burimi është serioz. Në raste të tilla, kujdesuni të përdorni stampën përkatëse.