Limero ISBN

Limero eternåcionå standård d' on live

Egzimpe di limero ISBN po on live e walon (Cwate paskeyes d' asteure)

Li limero ISBN u limero eternåcionå standård d' on live (e-n inglès, ISBN, International Standard Book Number), c' est on limero k' est voltî metou so les lives pa l' eplaideu.

I dene del veyåvté a l' ouve, ca gn a ki ç' live la k' årè ç' limero la sol Daegne etire.

Askepiaedje des limeros ISBN

Les limeros ISBN polèt esse riçûs (po rén u tot payant) d' èn adjint afiyî al soce des ISBN.

Tchaeke edicion d' on live a on limero ISBN. Metans po l' Istwere del Waloneye, come veyowe pås Walons:

• 978-2-914855-78-5 pol prumire edicion e 2012
• 978-2-36747-097-9 pol deujhinme edicion e 2022

Istwere

I provént d' on sistinme inglès ås nouv chifes, diswalpé e 1966.

L' uzaedje come sistinme eternåcionå a-st ataké e 1970 avou on limero ås 10 chifes.

Dispu l' prumî d' djanvî 2007, c' est des limeros ås 13 chifes. Les troes prumîs, ça shonne esse todi 978-.

• 
  vî limero ås 10 chifes
• 
  èn ôte, d' on payis d' Azeye
• 
  limero ås 13 chifes, pårtis come e Djapon
• 
  come e l' Almagne
• 
  èn ôte, do Bangla Dech

Egzimpes

Limero ås 10 chifes :

• 2-87386-409-5 (Motî toponimike Jespers, 2005)
• 2-930347-36-8 (Li batreye des cwate vints, 2006)

Limeros ås 13 chifes :

• 978-2-914855-60-0 (Motî Yoran Embanner walon, 2009)
• 978-2-960138-30-6 (On Sånî a pårt, 2013)
• 978-2-931032-06-0 (Cwate paskeyes d' asteure, 2026)

Sinifiance des chifes

Li manire d' arindjî les chifes dipind d' tchaeke payis, sorlon li nombe di lives ki rexhe did la.

Les lives eplaidîs e l' Walonreye (ey eto e l' France, kécfeye) ont sovint les cwate prumîs chifes insi : 978-2-. Tos les lives e walon avou on limero ISBN ont ç' limerotaedje la, apus ki Gabriyel eyet Gabriyel ki s' limero ISBN provént des Bas Payis (978-90-818670-0-9).

Les shijh chifes d' après, c' est po l' eplaideu. Metans: 960138 pol Rantoele, 914855 po les eplaidreyes Yoran, 931032 pol Muzêye do Pårlaedje e l' Årdene, 930505 pol SLLW.

Les deus chifes d' après si shuvèt po les lives d' on minme eplaideu, k' a dmandé ene rîlêye di limeros d' avance. Metans pol Rantoele:

• 978-2-960138-30-6 (On Sånî a pårt, 2013)
• 978-2-960138-31-3 (pitit livret so les tuzaedjes do professeur Titôrvå)
• 978-2-960138-32-0 (Rantoele-gazete l° 117)
• 978-2-960138-33-7 (Rantoele-gazete l° 118)

Li dierin chife, c' est ene clé d' aveurixhaedje.

Lives e walon et limero ISBN

Sacwants eplaideus di lives e walon ni metèt pont d' limero ISBN, minme dins les anêyes 2020. C' est purade li cas po les lives eplaidîs direk pa l' oteur. Kékes egzimpes:

• Motî Gilliard (2007)
• Contes a rlaye (2023)
• Contes et paskeyes å payis des Magneus d' a ey avår la (2026)

Hårdêye divintrinne

Pådjes avou des hårdêyes otomatikes ISBN