Forsíða
60.972 greinar á íslensku.
Lukku-Láki
_-_Lucky_Luke_-_l'homme_qui_tire_plus_vite_que_son_ombre_-_c%C3%A9ramique_-_01.jpg)
Lukku-Láki er heiti á vinsælum belgískum teiknimyndasögum sem segja frá ævintýrum Lukku-Láka, kúreka sem er fljótari en skugginn að skjóta, í villta vestrinu. Persónan er sköpunarverk belgíska teiknarans Morris (Maurice de Bevere) og birtist fyrsta ævintýrið í teiknimyndablaðinu Sval (franska: Spirou) í október 1946. Frá og með árinu 1955 voru handrit að sögunum um Lukku-Láka samin af franska myndasöguhöfundinum René Goscinny og í samstarfi þeirra Morris og Goscinny náðu bækurnar miklum vinsældum. Eru þær nú meðal mest seldu teiknimyndasagna Evrópu og hafa verið þýddar á hartnær 30 tungumál, þar á meðal ensku, arabísku, þýsku, dönsku, grísku, hebresku, tyrknensku og ítölsku. Á árunum 1977 til 1983 komu fjölmargar Lukku-Láka bækur út á íslensku á vegum Fjölvaútgáfunnar. Íslensk útgáfa Lukku-Láka hófst á ný árið 2016 á vegum Frosks útgáfu og komu út fimm bækur á árunum 2016-2020.
Ekki er að finna neinar vísbendingar í sköpunarsögu Lukku-Láka, sem til dæmis má lesa um í Allt um Lukku-Láka, um að hann hafi verið til eða eigi sér ákveðna fyrirmynd. Hins vegar eiga fjölmargar aðrar persónur í bókunum um Lukku-Láka sér beinar fyrirmyndir, annað hvort teknar beint úr sögu villta vestursins eða þekktar ímyndir úr samtímasögu vesturlanda þegar bækurnar voru gerðar.
Vissir þú...
.jpg)
- … að Todor Zhívkov, leiðtogi Búlgaríu, varð árið 1970 fyrsti leiðtogi austantjaldsríkis sem kom í opinbera heimsókn til Íslands?
- … að Emma Thompson (sjá mynd) er eina manneskjan sem hefur unnið Óskarsverðlaun bæði sem leikari og sem handritshöfundur?
- … að yfirhjúkrunarkonan Jóhanna Knudsen var árið 1941 ráðin af stjórnvöldum til að rannsaka konur og stúlkur sem höfðu haft náin kynni við hermenn í ástandinu?
- … að Gettysborgarávarpið, ein frægasta ræða í sögu Bandaríkjanna, tók aðeins þrjár mínútur í flutningi en var upphaflega flutt beint á eftir vígsluræðu sem tók um tvær klukkustundir?
- … að Fæðing þjóðar, kvikmynd sem sýnir haturssamtökin Ku Klux Klan í hetjulegu ljósi, var fyrsta kvikmyndin sem var sýnd í Hvíta húsinu í Washington?
Fréttir
- 1. maí: Sameinuðu arabísku furstadæmin yfirgefa Samtök olíuútflutningslanda.
- 19. apríl: Þingkosningar fara fram í Búlgaríu. Nýr flokkur fyrrverandi forsetans Rúmens Radev vinnur hreinan meirihluta á þingi.
Yfirstandandi: Borgarastyrjöldin í Jemen • Borgarastyrjöldin í Súdan • Innrás Rússa í Úkraínu / Stríð Rússlands og Úkraínu • Íransstríðið • Stríð Ísraels og Hamas
Nýleg andlát: Ted Turner (6. maí) • Oscar Schmidt (17. apríl) • Moya Brennan (13. apríl)
13. maí
- 2010 - Herforinginn Khattiya Sawasdipol, einn af leiðtogum mótmælenda í Taílandi, var skotinn til bana af leyniskyttu þar sem hann talaði við blaðamann frá The New York Times í Bangkok
- 2011 - Tónlistarhúsið Harpa var formlega tekið í notkun í Reykjavík.
- 2012 - Manchester City vann Englandsmeistaratitilinn í knattspyrnu með sigri á Queens Park Rangers.
- 2014 - Yfir 300 fórust í sprengingu í kolanámu í Soma í Tyrklandi.
- 2017 - Salvador Sobral sigraði Söngvakeppni evrópskra sjónvarpsstöðva 2017 fyrir Portúgal með laginu „Amar pelos dois“.
- 2022 - Mohamed bin Zayed Al Nahyan var kjörinn forseti Sameinuðu arabísku furstadæmanna.
Systurverkefni
|
|
