Strix aluco
| Strix aluco | |
|---|---|
.jpg) | |
| Denominacions populars | |
crabero / craber, crapero, buayatero, chuta parda | |
| Estau de conservación | |
| Clasificación cientifica | |
| Animalia | |
Filo: |
Chordata |
| Aves | |
| Strigiformes | |
| Strigidae | |
| Strix | |
| S. aluco | |
| Descripción | |
| Distribución cheografica | |
 | |
O crabero[1][2][nota 1] (nombre cientifico Strix aluco (Linnaeus, 1758)[3]) ye una especie d'au d'a orden d'os Strigiformes y familia Strigidae que se troba comunament en as selvas de tota Europa. Ye un au rapinyadera nocturna. Ye capable de cazar con exito de nueit a resultas d'as suyas adaptacions de visión y audición y la suya capacidat pa volar en silencio. Gosa cazar deixando-se cayer de rapiconté dende una percha y pillando a la suya presa, que s'engulle entera. Caza sobretot radedors.
Nombres
[editar | modificar o codigo]O nombre mas estendillau en Aragón pa ista especie ye crabero[1][2], rechistrau en Ribagorza, Sobrarbe y en as localidaz d'Agüero, Ansó, Benás, Bisagorri, Botaya, Broto, Castilló de Sos, Capella, as Corz, Grist, Nerín, Plan, La Poblla de Roda, Rodellar, Salas Altas, Sarllé, Saúnc, Torres, Vilanova y a val de Vio. A variant crapero[1][2] se rechistra en Pandicosa, Tramacastiella de Tena y Torla, cabrero[2][4] en Cinco Villas y en localidaz como Aragüés de lo Puerto, Lanuza y Sallent de Galligo, clabero[2] en Buera, Buerba y Fanlo, craber[1][2] en Calvera y Chistén y cabrer[2] en Ribagorza. Atras formas relacionadas son carapero[2], rechistrada en Pandicosa, crabiter[2], rechistrada en Fonz y carnero[2], en Estadilla.
Formas diminutivas d'as anteriors son craberet[2], rechistrada en Santa Llestra, crabered[2], rechistrada en Sobrarbe y Monzón y claberer[2], rechistrada en a redolada d'a sierra de Guara y Radiquero. Atros nombres son buayatero[1][2], rechistrau en Araguás d'o Solano y chuta parda[1].
Notas
[editar | modificar o codigo]- ↑ Con as variants craber y crapero.
Referencias
[editar | modificar o codigo]- 1 2 3 4 5 6 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 4 5 6 7 8 9 10 11 12 13 14 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.
- ↑ (en) RSPB Handbook of British Birds (2014). ISBN 978-1-4729-0647-2.
- ↑ (es) Javier Blasco Sumeta: Guía de Aves de las Cinco Villas; Ed. ADEFO (Asociación para el desarrollo y fomento de las Cinco Villas), Exeya d'os Caballers, 2009. ISBN 978-84-8321-971-3, p.36
Vinclos externos
[editar | modificar o codigo]
Se veigan as imáchens de Commons sobre Strix aluco.
| Control d'autoridaz |
|
|---|
Datos: Q25756- Multimedia: Strix aluco / Q25756
Especies: Strix aluco
