Sydney Pollack
Sydney Pollack (1 de xunetu de 1934, Lafayette – 26 de mayu de 2008, Pacific Palisades y Los Angeles), foi un direutor de cine, productor y actor norteamericanu ganador del premiu Óscar.
Biografía
[editar | editar la fonte]Anicios
[editar | editar la fonte]Nació en Lafayette (Indiana), nuna familia xudía d'inmigrantes rusos, d'onde se treslladó a Nueva York pa siguir la so carrera teatral. De 1954 a 1960 estudió y enseñó interpretación y intervieno en dellos montaxes de Broadway. De 1960 a 1965 dirixó más de 80 espectáculos de televisión y ganó varios premios Emmy.
Llueu de dirixir programes dramáticos pa la televisión, entamó la so carrera nel cine con The Slender Thread, en 1966.
Carrera
[editar | editar la fonte]Depués d'un irregular entamu como direutor de cine, foi nomáu al Óscar en 1969 por They Shoot Horses, Don't They?, tamién premiada nos festivales de Cannes, Bruxeles y Belgráu. Realizó varies películes protagonizaes por Robert Redford, ente elles Jeremiah Johnson (1972), cola qu'algamó un gran ésitu de crítica que se repetiría nel filme The Way We Were (1973).
Na década de los 80 rescampló por Absence of Malice (1981), con Paul Newman, y Tootsie (1982), con Dustin Hoffman, película que consiguió 10 nominaciones al Óscar. En 1985 ganó esti premiu pola direición d'Out of Africa, protagonizada por Robert Redford y Meryl Streep. Otres películes de la so filmografía son The Yakuza (1974), The Electric Horseman (1979), Havana (1990), The Firm (1993), Sabrina (1995) y Random Hearts (1999). Como actor intervieno en abondoses producciones, como la propia Tootsie, Husbands and Wives (1992, de Woody Allen) o Eyes Wide Shut (1999, de Stanley Kubrick).
Muerte
[editar | editar la fonte]El cineasta finó'l 26 de mayu de 2008 na so casa de Los Angeles por mor d'un cáncer diagnosticáu 10 meses primero.
Filmografía (esbilla)
[editar | editar la fonte]- Michael Clayton (Michael Clayton) (2007) productor executivu y actor
- The Interpreter (2005) direutor, productor executivu y actor
- Sketches of Frank Gehry (2005) direutor
- Cold Mountain (2003) productor
- The Quiet American (2002) productor executivu
- Iris (2001) productor executivu
- The Talented Mr. Ripley (1999) productor executivu
- Eyes Wide Shut (1999) actor
- Random Hearts (1999) direutor
- Sliding Doors (1998) productor
- Sabrina (1995) direutor/productor
- Sense and Sensibility (1995) productor executivu
- The Firm (1993) direutor/productor
- Husbands and Wives (1992) actor
- Havana (1990) direutor/co-productor
- The Fabulous Baker Boys (1989) productor executivu
- Out of Africa (1985) direutor/productor
- Tootsie (1982) direutor/productor/actor
- Absence of Malice (1981) direutor/productor
- The Electric Horseman (1979) direutor/actor
- Bobby Deerfield (1977) direutor/productor
- The Yakuza (1975) direutor/productor
- Three Days of the Condor (1975) direutor
- The Way We Were (1973) direutor
- Jeremiah Johnson (1972) direutor
- They Shoot Horses, Don't They? (1969) direutor/guionista/productor
- Castle Keep (1968) direutor
- The Swimmer (1968) co-direutor
- The Scalphunters' (1968) direutor
- This Property Is Condemned (1966) direutor
- The Slender Thread (1965) direutor
Premios
[editar | editar la fonte]| Añu | Estaya | Película | Resultáu |
|---|---|---|---|
| 2007 | Óscar a la meyor película | Michael Clayton | Nominación |
| 2007 | Óscar a la meyor direición | Tony Gilroy | Nominación |
| 1985 | Óscar a la meyor película | Out of Africa | Ganador |
| 1982 | Óscar a la meyor película | Tootsie | Nominación |
| 1982 | Óscar a la meyor direición | Tootsie | Nominación |
| 1969 | Óscar a la meyor direición | They Shoot Horses, Don't They? | Nominación |
Referencies
[editar | editar la fonte]- ↑ URL de la referencia: https://www.sfgate.com/news/article/Prolific-director-known-for-A-list-casts-3212609.php. Data de consulta: 24 avientu 2021.
- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: LIBRIS. Libris-URI: mkz13v750sjp4mf. Data d'espublización: 20 agostu 2008. Data de consulta: 24 agostu 2018. Editorial: National Library of Sweden.
- ↑ Identificador GND: 118898744. Afirmao en: Catalog of the German National Library. Data de consulta: 15 abril 2024. Llingua de la obra o nome: alemán.
- ↑ URL de la referencia: http://www.nytimes.com/2008/05/26/movies/26cnd-pollack.html?_r=1&hp&oref=slogin.
- ↑ URL de la referencia: https://www.tradebit.com/filedetail.php/540981-rocketbob. Data de consulta: 8 abril 2023.
- ↑ Afirmao en: autoridaes BNF. Identificador BnF: 12080013f. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ URL de la referencia: https://www.oscars.org/oscars/ceremonies/1986.
- ↑ URL de la referencia: https://www.oscars.org/oscars/ceremonies/1983.
- ↑ URL de la referencia: https://www.oscars.org/oscars/ceremonies/2008.
- ↑ URL de la referencia: https://www.europeanfilmacademy.org/2009.107.0.html. Direición web d'archivu: https://web.archive.org/web/20190503213233/https://www.europeanfilmacademy.org/2009.107.0.html. Data de consulta: 3 xineru 2020.
- ↑ URL de la referencia: https://www.oscars.org/oscars/ceremonies/2009.
Enllaces esternos
[editar | editar la fonte]| Control d'autoridaes |
|
|---|
Datos: Q51522
Multimedia: Sydney Pollack
