Star Wars: Episode V – The Empire Strikes Back
| Rann eus | National Film Registry  |
|---|---|
| Titl | Star Wars: Episode V |
| Assessment | Test Bechdel, reverse Bechdel Test |
| Labour da-heul | The Empire Strikes Back, Star Wars: The Empire Strikes Back, Star Wars: The Empire Strikes Back, The Empire Strikes Back |
| Heuliad | Star Wars, Star Wars original trilogy |
| Danvez pennañ | flying saucer |
| Raklec'hiet gant | Star Wars: Episode IV – A New Hope, The Star Wars Holiday Special |
| Heuliet gant | Star Wars: Episode VI – Return of the Jedi |
| Embannadur | A Birodalom visszavág |
| Bro orin | Stadoù-Unanet |
| Yezh orin ar film pe an abadenn skinwel | saozneg |
| Sevener | Irvin Kershner |
| Senarioour | Leigh Brackett, Lawrence Kasdan, George Lucas |
| Aktour mouezh | Frank Oz, Clive Revill, James Earl Jones, Jason Wingreen, Temuera Morrison |
| Produer dileuriet | Gary Kurtz |
| Rener ar skeudennaouiñ | Peter Suschitzky |
| Frammer filmoù | Paul Hirsch, George Lucas, Marcia Lucas |
| Production designer | Norman Reynolds |
| Penn ar sevel kostumioù | John Mollo |
| Film crew member | Bob Anderson |
| Sonaozer | John Williams |
| Produer | Gary Kurtz |
| Embregerezh produiñ | Lucasfilm |
| Pladenn ar sonerezh | Star Wars/The Empire Strikes Back – The Original Soundtrack from the Motion Picture |
| Lec'h an istor | Hoth, Dagobah, Bespin |
| Lec'h filmañ | Finse |
| Aspect ratio (W:H) | 2.35:1 |
| Liv | liv |
| Notenn ar varnouriezh | 9/10, 82/100, 93%, 8.7/10 |
| Prizioù resevet | Academy Award for Best Sound, Saturn Award for Best Science Fiction Film, Hugo Award for Best Dramatic Presentation |
| Bet kinniget evit | Academy Award for Best Production Design, Academy Award for Best Original Score, Academy Award for Best Sound |
| Hollved faltaziek | hollved Star Wars |
| Diaz embann | video diwar c’houlenn |
| Australian Classification | PG |
| Renkadur ar CNC | holl bublik |
| Renkadur ar CNC (Roumania) | A.G. |
| Renkadur EIRIN film | G |
| Renkadur FSK | FSK 12 |
| Renkadur Kijkwijzer | 12 |
| Renkadur MPAA | PG |
| Lec'hienn ofisiel | http://www.starwars.com/explore/the-movies/episode-v |
| Deskrivet en URL | http://www.movist.com/movist3d/movie.asp?mid=135 |
| Renkadur Medierådet | 12 vloaz pe ouzhpenn |
| Frañchiz media | Star Wars |
| Endro e-lec'h e tispak | fictional ice planet, fictional moon, fictional gas giant |
Star Wars: Episode V – The Empire Strikes Back pe The Empire Strikes Back (Enepstourm an Impalaeriezh) a zo ur film stadunanat doare space opera deuet er maez e 1980, kenskrivet gant George Lucas ha Lawrence Kasdan. Sevenet eo bet gant Irvin Kershner. Adalek ar bloavezh 2000 ez eo adtitlet da Star Wars Episode V: The Empire Strikes Back (Star Wars Rann V : Enepstourm an Impalaeriezh) goude ma vije deuet ar rann I er-maez.
Eil film ar saga Star Wars eo dre e vloavezh dont er-maez, met ar pempvet film hervez linenn gronologel hollved Star Wars an hini eo. Eil rann an teir-oberenn orin eo.
Diverrañ
[kemmañ | kemmañ ar vammenn]Er bloavezh 3 goude Emgann Yavin ez eo kaset gant an Impalaeriezh sontoù dre ar galaksi a-benn kavout roud eus izili an Emglev Rebell. Kuzhet eo ar re-mañ war ar blanedenn skornet Hoth. A-benn ar fin e tigouezh ur sont war Hoth, ha daoust dezhi bezañ distrujet gant Luke Skywalker, Han Solo ha Chewbacca e vez kaset ganti dataennoù d'an impalaeriezh war bezañs ar rebelled war Hoth. E-kerzh an darvoudoù-se e spurmant Luke spered e vestr kozh, ar mestr Jedi Obi-Wan Kenobi a geneil dezhañ mont war ar blanedenn Dagobah evit kenderc'hel gant e stummadur Jedi gant ar mestr Jedi Yoda.
Buan e tilestr an Impalaeriezh war Hoth ha taget gantañ kamp an Emglev Rebell. Tec'hout a ra ar rebelled gant kalz a boan hag a golloù.
Luke a dec'h gant e x-wing davet ar blanedenn Dagobah e-lec'h ma kav ar mestr Jedi Yoda. Deskard Yoda e teui da vezañ.
Diaesoc'h e voe tec'h Han Solo, Chewbacca hag ar Briñsez Leia Organa e-bourzh ar Falcon Millenium. Skoilhet eo hyperpropoulserezh al lestr-egor ha rankout a reont mont da guzhat en ur park asteroidoù a-benn achap d'an Impalaeriezh. Davet ar blanedenn Bespin ez a neuze ar Falcon Milenium a-benn renkañ al lestr. Eno e kavont bod war ur gêr o nijal er c'houmoul renet gant Lando Carlissian, ur mignon kozh da Han Solo.
Kengalvet eo war e lestr-egor Dark Vador gant an Impalaer, e vestr, hag a zo chalet gant Luke hag a vefe mab da Anakin Skywalker. Urzh a zo roet da Dark Vador evit ma ne teufe ket Luke da vezañ ur Jedi. Kinnig a raio Vador klask ober ur Sith outañ, pe e lazhañ ma ne tro ket da Sith.
Gwerzhet eo Han Solo, Chewbacca ha Leia gant Lando d'an Impalaeriezh. Skornet eo Han Solo er c'harbonit ha roet da Boba Fett, ur chaseour-war-briz kaset gant Jabba an Hutt, implijer kozh Han Solo. Deuet kerse dezhañ ez eo dieubet Leia ha Chewbacca gant Lando. Tec'hout a reont gant ar Falcon Milenium. D'ar poent-se e erru Luke war Bespin goude bezañ rakwelet dre an nerzh e oa en arvar e vignoned. A enep da ali Yoda hag Obi-Wan, aon dezho ne vefe ket prest c'hoazh da enebiñ ouzh Vador eo deuet. Buan e rank talañ ouzh Vador en un emgann sabrenn-laser ha nerzh. E-kerzh ar c'hrogad-se e tesko Luke ez eo Vador e dad. Dre ma nac'h treiñ ouzh tu teñval an nerzh ez eo troc'het dezhañ un dorn gant Vador. Gwelloc'h a kav neuze Luke en em teurel er goulonder evit tec'hout dirak Vador. Dont a raio a-benn da vezañ savetaet gant Lando ha Leia e bourzh ar Falcon Milenium. Dilestret e vez Luke ha Leia war ul lestr rebell, ha mont a ra Chewbacca ha Lando war roudoù Han Solo.
Istor sevenadur ar film
[kemmañ | kemmañ ar vammenn]Goude berzh ar rann IV e voe goulennet digant George Lucas ober un eil film gant ar 20th Century Fox. Divizet e voe gant Lucas foñsañ e-unan dre amprestiñ en tiez-bank. Buan e verzhas ne c'helle ket merañ ar foñsañ, ar produerezh hag ar seveniñ. Dibab a reas neuze Irvin Kershner a-benn seveniñ ar film.
Ar braz eus an istor a oa prest dija, rak soñjet e oa bet en a-raok gant Lucas pa oa o prientiñ ar film kentañ.
Tudennoù pennañ
[kemmañ | kemmañ ar vammenn]- Luke Skywalker : ur paotr yaouank desavet war ar blanedenn dezerzhel Tatooine, deskard ar mestr Jedi Obi-Wan Kenobi. Deuet da vezañ haroz ar rebelled goude bezañ distrujet Steredenn ar Marv dre mestroniañ an nerzh.
- Han Solo : ur floder deuet da vezañ mignon da Luke. Piket eo e galon gant ar briñsez Leia. Enrollet eo mui pe vui en desped dezhañ en Emglev Rebell. Priz a zo bet lakaet war e benn gant Jabba an Hutt e implijer kent a c'houlenn ur sammad vras a arc'hant dezhañ.
- Prinsez Leia Organa : unan eus pennoù bras an Emglev Rebell eo-hi. E karg ar c'hamp rebell war Hoth eo. Tommañ a ra he c'halon ouzh Han Solo.
- Obi-Wan Kenobi : ur marc'heg Jedi, a zo bet mentor ha mignon Dark Vador. Goude ma vijee bet chenchet tu gant egile et rank Obi-Wan herzel anezhañ. Goude o emgann ez eo gloazet-bras Vador hag ampechet. Bloavezhioù war-lerc'h ez eo lazhet gant Vador. Kendeuziñ a ra neuze gant an nerzh, ha gellet a ra kaozeal gant Luke dre an nerzh.
- C-3PO : un droid protokol meizet evit an darempredoù etre an dud hag an droided all eo. Komper R2-D2 eo. Perc'hennet eo gant Luke.
- R2-D2 : un droid atromekanikour meizet evit renkañ ha leviatañ listri-egor. Perc'hennet eo gant Luke.
- Chewbacca : eil levier ha mekaniker lestr-egor Han Solo eo. Ur Wookie bras eo. Gantañ e vez goulennet gant Obi-Wan o c'has da Alderaan.
- Dark Vador : ur Sith ha deskard an impalaer eo. Karget eo gant an impalaer da zreseal hag en em zizober eus ar rebelled. Daoust dezhañ bezañ kemeret perzh e emgann Yavin n'en deus ket gellet herzel distruj Steredenn ar Marv. Dizoloiñ a raio ez eo Luke Skywalker an hini kablus.
- Boba Fett : chaseour-war-briz brudetañ ar galaksienn eo. Enrollet eo gant Jabba an Hutt evit adkavout Han Solo.
- Lando Calrissian : mignon a-gozh da Han Solo, perc'henn eo bet war ar Falcon Milenium. C'hoarier bras kartoù, ha dreist-holl trucher bras, e c'hounez en un abadenn e garg a baron-melestrour ur gêr war ar blanedenn Bespin. Barrek-tre ez eo evel melestrour.
