Róbert Lewandòwsczi

Róbert Lewandòwsczi (pòl. Robert Lewandowski, ùr. 21 zélnika 1988 rokù w Warszawie) – pòlsczi pùczkôrz, wëstãpùje na pòzycji napôdôcza w hiszpańsczim klubie FC Barcelona i w pòlsczi reprezentacji, w chtërny je kapitanã. Nôleżnik Klubù Znamienitégò Reprezentanta. Ùczãstnik Mésterstwów Eùropë 2012 i 2016.

Spòrtowô kariera

Swòjã karierã zaczinôł w Varsovii, Delce Warszawa i w rezerwach Ledżi. W 2006 rokù trafił do Znicza Pruszków, w chtërnym zdobëł kòrónã nôlepszégò strzélca trzecy i drudżi lidżi. W 2008 przeniósł sã do Lecha Pòznónia, w farwach chtërnégò zdobéł mésterstwò, pùchar i superpùchar Pòlsczi, a téż titel króla strzélców Ekstraklasë. W 2010 òstôł zawòdnikã Borussii Dortmund, z chtërną dwa razë ségał pò mésterstwò Miemiec, a téż jeden rôz pò krajòwi pùchar i superpùchar, do przëszedł do téż do finału Lidżi Méstrów.

W sezónie 2013/2014 pò rôz pierszi w swòji karierze òstôł królã strzélców Bundeslidżi, zdobëwający 20 brómek. Przed rozpòczãcem sezónù 2014/2015 przeniósł sã do Bayernu Mnichòwò, gdze w kòżdim z sztërëch pierszich sezónów zdobëwôł mésterstwò Miemiec, a téż przekroczëł barierã 150 gòli w Bundeslidze, òsągający nen wënik rëchli niżle jaczikòlwiek jinszi zagrańczny balôrz. W sezónie 2015/2016 pò rôz drëdżi sëgnãł pò kòrónã króla strzélców Bundeslidżi, strzelający 30 gòli. Pò rôz trzecy sëgnął pò kòrónã króla strzélców Bundeslidżi w sezónie 2017/2018, strzélający 29 gòli. Z dorobkiem 151 gòli jest òn nôskùteczniejszim zagrańcznym balôrzã w historii Bayernu Mnichòwò.

22 zélnika 2015, òbczas ligòwégò meczù Bayern Mnichòwò z VfL Wòlfsbùrg, Lewandòwsczi strzelił piãc gòli òb dzewiãc minut. Bëło to nôrëchli strzelóné 5 brómek w historii sztërëch nôsëlniészich lig Eùropë òd czasów prowadzeniô zapisów.

W 2016 òstôł wëbrôny Spòrtówcã Rokù 2015 w plebiscyce Spòrtowègò Pòdzérku a zajął czwiôrti plac w plebiscyce Złoti Bali za 2015 rok. Dzénnik The Guardian ùmiescył gò równak w gronie 5 nôlepszich balôrzy na swiece. W 2015 federacjô IFFHS ùznôła gò nôskùteczniészim strzelcã midzënôrodnëch rozgriwek. Sédmokrotny dobiwca plebiscytu cządnika „Piłka Nożna” (kasz. Bala) w kategòrii Piłkôrz Rokù. W latach 2011–2017 òtrzimôł tã nôdgrodã sédem razy z rzãdu, co czëni gò samòbëtnym rekòrdzistą pòd tim wzglãdã.

W reprezentacji Pòlsczi zadebiutowôł 10 zélnika 2008 w meczu eliminacji mésterstwów swiata z San Marino (2:0), strzelający jednoczasno swòjègò pierszègò gòla.

Sukcesë

Znicz Pruszków

Mésterstwò III lidżi: 2006/2007

Lech Pòznóń

Mésterstwò Pòlsczi (1): 2009/2010
Pùchar Pòlsczi (1): 2008/2009
Sùperpùchar Pòlsczi (1): 2009

Bòrussia Dortmùnd

Mésterstwò Niemiec (2): 2010/2011, 2011/2012
Pùchar Niemiec (1): 2011/2012
Sùperpùchar Niemiec (1): 2013

Bayern Mnichòwò

Mésterstwò Miemiec (8): 2014/2015, 2015/2016, 2016/2017, 2017/2018, 2018/2019, 2019/2020, 2020/2021, 2021/2022
Pùchar Miemiec (3): 2015/2016, 2018/2019, 2019/2020
Sùperpùchar Miemiec (5): 2016, 2017, 2018, 2020, 2021
Liga Mésterów (1): 2019/2020

Reprezentacjô Pòlsczi

Rozegrół 129 mecze strzelający w nich 75 gòle, co czëni gò nôlepszim strzèlcã reprezentacji w historii. 9 gòdnika 2014 òstôł kapitanã reprezentacji Pòlsczi. Wëstąpił z nią na Mésterstwach Eùropë w 2012, 2016 i 2021.

Ekspercë mają gò za jednégò òd nôlepszich pòlsczich balôrzów w historii, a téż jednégò òd nôlepszich westrzédnych napôdôczów i balôrzów swòjégò pòkòleniô na swiece.

Dzejanié pòza fùtbòlã

Pòzaspòrtòwé dzejanié

Róbert Lewandòwsczi je téż pòdjimcą. Balôrz aktiwno robi w reklamòwi, jinwesticëjny, dewelòpersczi czë mieszkaniòwi branżë. Je téż udzélnikã spółczi Protos Venture Capital, bez chtërną jinwestuje w start-upë, e-commerce ë jinternetowé serwisë. Mô włôstną agencjã Stor9_, szpecjalizującą sã w marketingòwi kòmùnikacji, chtërna zajimô sã warkòwim wizerënkã balôrza ë jegò białczi, ùłatwiający zarządzanié jich dzejaniama ò biznesòwim charakterze. Je téż udzélnikã serwisu sporticos.com, lokalnyrolnik.pl, weeding.pl ë zacht jinszëch. Wspierô téż zacht spòlëznëch ë charitatiwnëch jinicjatiwów. Razã z białką bierze ùdzél w akcji Szlachetnô Paczk, a téż pòmôgô w zbiórkach Wiôldżi Òrkestrë Swiąteczny Pòmòcë.

Òd 2014 je ambasadórã dobri wòli UNICEF.

Priwatné żëcé

Wëchòwëwôł sã w szpòrtowi rodzëznie. Òjc Krzësztof (ùm. 2005) uprôwiôł judo i grôł w balã do nodżi w III-ligòwëm Hùtniku Warszawa. Mëma Iwòna bëła sécôrką pierszòligòwégò AZS Warszawa. Pò smiercë chłopa òbjãła pò nim funkcjã czérownika szpòrtowi hali w pòdwarszawsczim Lesznie, a ti pełniła funkcjã wiceprzédnika môlowégò klubù Partyzant, w chtërnym pierszé piłkarsczé kroczi stawiôł Róbert. Terô je szkólną fizycznégò wëchòwaniô.

Mô starszą sostrã, Milenã. W czerwińcu 2015 òstôł òjcã chrzestnym ji sëna Leona. Je katolëkã. 22 czerwińca 2013 w kòscele w Serocku òżenił sã z Anną Stachurską, zawòdniczką karate i szpecjalistką do spraw żywieniô. 4 maja 2017 na swiat przëszła ich córka, Klara, a 6 maja 2020 Laura.

Òbaczë téż

Jakùb Błaszczikòwsczi

Jakùb Kaszëba

Róbert Lewandòwsczi

Bùtnowé lënczi

Commons: Róbert Lewandòwsczi – Zbiérk òdjimków na Wikimedia Commons