Edukira joan

Marutei Tsurunen

Wikipedia, Entziklopedia askea
Marutei Tsurunen
member of the House of Councillors (en) Itzuli

2002ko otsailaren 8a - 2013ko uztailaren 28a
← Kyosen Ōhashi
Barrutia: national proportional representation block (en) Itzuli
Bizitza
Jaiotzako izen-deiturakMartti Turunen
JaiotzaLieksa, 1940ko apirilaren 30a (86 urte)
HerrialdeaImage Finlandia
Image Japonia
Hezkuntza
Hizkuntzakfinlandiera
ingelesa
japoniera
Jarduerak
Jarduerakpolitikaria, itzultzailea eta idazlea
Jasotako sariak
Ideologia eta sinesmenak
Erlijioaluteranismoa
Alderdi politikoaImage Japoniako Alderdi Demokratikoa
Twitter: TsurunenMarutei Edit the value on Wikidata

Marutei Tsurunen (japonieraz: ツルネン・マルテイ edo 弦念 丸呈?, Hepburn: Tsurunen Marutei) Finlandian jaiotako japoniar politikaria da. Europar jatorriko lehen diputatu bihurtu zen Kokkain. Japoniako Alderdi Demokratikoko kidea da eta alderdi horretako Nazioarteko Saileko zuzendari nagusi izandakoa. 2001etik 2013ra aritu zen Kontseilarien Biltzarrean[1].

Bizitza

[aldatu | aldatu iturburu kodea]

Tsurunen, edo Martti Turunen, Lieksako Höntönvaara herrian jaio zen, Finlandian, eta Jaakonvaaran hazi zen[2]. Jarraipenaren Gerra amaitzean, Tsurunen, orduan lau urte zituena, eta bere familia eraso sobietar batetik bizirik atera ziren herritar gutxien artean zeuden[3].

1967an, 27 urte zituela, Tsurunen Japoniara joan zen misiolari luterotar gisa, bere lehen emazte finlandiarrarekin batera, baina geroago dibortziatu zen[4]. Japoniar bihurtzea erabaki zuen eta 1979an japoniar herritartasuna lortu zuen[5].

Ibilbide politikoa

[aldatu | aldatu iturburu kodea]

1992an aurkeztu zen lehen aldiz Yugawaramachiko udalbatzarako eta eserleku bat lortu zuen, 1.051 botorekin laugarren postuan geratuz[6].

1995ean Goi Ganberarako hautagai izan zen alderdien babesik gabe, Kanagawa prefektura ordezkatuz. 339.484 boto jaso zituen eta laugarren geratu zen, 371.889 boto lortu zituen hautagai sozialistaren aurrean eserlekua galduz. 1998an berriro saiatu zen, 502.712 boto jaso zituen, eta 8.000 bakarrik falta zitzaizkion eserlekua lortzeko. «Mesedez, bozkatu niri eta begi urdineko lehen herritar japoniarra goiko ganberara bidali» eta «Alda dezagun Japonia botere ekonomiko izatetik hiritarren aldeko nazio izatera, non zahartzaroaz eta kutsaduraz kezkatu beharrik ez duzun» esan zien hautesleei. Organo legegileentzako sexu kuotak ere proposatu zituen[7]. 2000n, Japoniako Alderdi Demokratikoaren hautagai gisa aurkeztu zen behe ​​ganberako eserleku baterako, eta 2001ean berriz goi ganberako eserleku baterako, baina arrakastarik gabe. 2001ean, 159.920 boto lortu zituen, eta 14.036 falta zitzaizkion eserlekua lortzeko[8]. Hala ere, 2002an Kyosen Ohashik, dimisioa eman zuen eta Tsurunenek eserlekua irabazi zuen[9][10].

2007an berrautatua izan zen 242.742 botorekin, baina 2013ko hauteskundeetan eserlekua galdu zuen 82.858 boto soilik lortu ostean[1].

Familia

[aldatu | aldatu iturburu kodea]

Tsurunen Sachiko Tanakarekin ezkonduta dago. Bi seme-alaba ditu harekin, eta hiru lehen emazte finlandiarrarekin[11].

Hedabideetan

[aldatu | aldatu iturburu kodea]

2006an, Markus Kajok elkarrizketatu zuen Nousevan auringon Kajo telesail dokumentaleko hirugarren atalerako[12].

2015ean, Tsurunenek bere autobiografia kaleratu zuen: Sinisilmäinen samurai[11].

Erreferentziak

[aldatu | aldatu iturburu kodea]
  1. 1 2 (Ingelesez) Arudou, Debito. «Ol' blue eyes isn't back: Tsurunen's tale offers lessons in microcosm for DPJ» The Japan Times 2013-08-05 (kontsulta data: 2024-11-26).
  2. ↑ (Finlandieraz) Viljakainen, Miika. «Martti Turunen lähti lähetys­työhön Japaniin 52 vuotta sitten – pian eteen tuli kipeä päätös, joka muutti elämän nimeä myöten» Ilta-Sanomat 2019-10-21 (kontsulta data: 2024-11-26).
  3. ↑ (Ingelesez) Brooke, James. «Yugawaramachi Journal; Japan's New Insider Speaks Up for the Outsiders» The New York Times 2002-03-08 (kontsulta data: 2024-11-26).
  4. ↑ (Ingelesez) «Tsurunen Marutei» JapanZone (kontsulta data: 2024-11-26).
  5. ↑ (Ingelesez) Strom, Stephanie. «Foreign, Yet Japanese, and Aiming for Parliament» The New York Times 1998-07-12 (kontsulta data: 2024-11-26).
  6. ↑ (Ingelesez) Nakata, Hiroto. «Tsurunen disappointed by fourth loss at polls» The Japan Times 2001-07-31 jatorrizkotik artxibatua (artxibatze data: 2004-03-04) (kontsulta data: 2024-11-26).
  7. ↑ (Ingelesez) Crowell, Todd; Murakami, Mutsuko. «Are voters ready for a change?» Asia Week 1998-07-10 jatorrizkotik artxibatua (artxibatze data: 2006-05-16) (kontsulta data: 2024-11-26).
  8. ↑ (Ingelesez) «First Westerner headed for Diet» The Japan Times 2002-01-30 jatorrizkotik artxibatua (artxibatze data: 2005-04-10) (kontsulta data: 2024-11-26).
  9. ↑ (Ingelesez) Saito, Jun. «Nice finish for Tsurunen» The Asahi Shimbun 2002-01-30 jatorrizkotik artxibatua (artxibatze data: 2002-10-08) (kontsulta data: 2024-11-26).
  10. ↑ (Ingelesez) Laszlo, Tony. «Former Finn goes to the Diet» Japan Times 2002-03-08 jatorrizkotik artxibatua (artxibatze data: 2002-05-26) (kontsulta data: 2024-11-26).
  11. 1 2 (Finlandieraz) Lempinen, Marko. «Pielisjärveltä lähtenyt ”sinisilmäinen samurai” sai ansiomitalin Japanin keisarilta – Marutei Tsurunen ei osaa vieläkään selittää, miksi jätti Suomen» Ilta-Sanomat 2021-08-07 (kontsulta data: 2024-11-26).
  12. ↑ (Finlandieraz) «Markus Kajo nousevan auringon maassa» Yle 2011-05-10 (kontsulta data: 2023-02-01).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Marutei_Tsurunen&oldid=10215818"(e)tik eskuratuta