Nerea Riesco

Nerea Riesco
Bizitza
Jaiotza	Bilbo, 1974ko martxoaren 31 (52 urte)
Herrialdea	Bizkaia, Euskal Herria
Bizilekua	Valladolid Sevilla
Hezkuntza
Heziketa	Sevillako Unibertsitatea
Hizkuntzak	gaztelania
Jarduerak
Jarduerak	idazlea eta kazetaria
Lan nabarmenak	ikusi El país de las mariposas (en) Ars Magica (Nerea Riesco)
Jasotako sariak	ikusi [[]]  (2004) : El país de las mariposas (en)
nereariesco.com

Nerea Riesco (Bilbo, Bizkaia, 1974ko martxoaren 31 -) kazetari eta idazle bizkaitarra da. Komunikazioan doktorea (Ph.D cum laude), Malaga, Sevilla, Huelva eta Cadizeko Unibertsitateetako Komunikazioari buruzko Unibertsitate arteko Doktoretza programan.

Bizitza

Bilbon jaio arren, Valladoliden hazi zen. Hantxe igaro zituen haurtzaroa eta nerabezaroa. Bere ikasketak Jesusen Alabak Ikastetxean egin zituen. 18 urterekin Sevillara joan zen bizitzera eta bertan hainbat komunikabidetan kolaboratzen hasi zen, batez ere irratian, non soinu produkzio, lokuzio eta errealizazio teknikoko funtzioak egiten zituen. Lan horiek Kazetaritzako ikasketekin uztartu zituen. Karrera horretan Sevillako Unibertsitatean lizentziatu zen, eta doktore-tesirako irakaskuntza- eta ikerketa-lan aktiboa egiten jarraitu zuen. Fakultatean, Kazetaritza ikasten ari zela, bera bezala literaturaren munduan eta bere sormen prozesuan interesa zuten gazte talde batekin harremanetan jarri zen.

Sevillan bizi da eta Andaluzian idatzi du El Pais eta Diario de Sevilla egunkari eta Clara aldizkariarentzat.

Ibilbidea

2004 urtetik, Wahatu-al- andalus gaztelania-arabiera elebidun irrati-saioan lan egiten du.

2004an Sevillako Ateneo Joven IX. Eleberri Saria jaso zuen El país de las mariposas (2004) lanarekin.

Bere karrerak bigarren nobelarekin jarraitu zuen, Ars Magica, 2007, nobela historikoa, nobela beltza eta magia nahasten dituena.

El elefante de marfil eleberria 2010eko otsailaren 12an merkaturatu zen. Maitasuna, abentura eta intriga uztartzen dituen istorioa, XVIII. mende amaierako Sevilla gogora ekartzen duen markoan, eta irakurleari iradokitzen dio erabaki handiak bihotzarekin hartzen direnak direla.

2011ko azaroaren 1ean argitaratu zuen Desnuda y en lo oscuro poema-liburu erotiko ilustratua.

2014an, Tempus eleberria argitaratu zuen, historia, abentura, zientzia eta suspentsoa nahasiz.

2015ean, Las puertas del paraíso eleberria plazaratu zuen. Gizon eta emakume baten istorio liluragarria da, intolerantziak eta konkista-nahiak markatutako garai batean, kredo eta mugen gainetik elkar maitatu zutenena.

2018ko martxoaren 20an Los lunes en el Ritz eleberria kaleratu zuen, istorio zirraragarria, non maitasunak, adiskidetasunak, sakrifizioak, engainuak eta mendekuak munduko hotel handienetako bat duten atze-oihal.

2022ko apirilaren 7an La ciudad bajo la luna argitaratu zuen, suspensezko eleberri bat lau denbora eta lau espaziotan: 29ko Iberoamerikar Erakusketaren Sevilla, lege lehorraren New York, XX. mende hasierako Habana eta Gerra Handiaren Frantzia. Eleberria 2023ko Kritikaren Andaluzia sarietarako hautagaia izan zen, eta Fernando Marías I. Saria irabazi zuen.

2022ko azaroaren 24an Harry Potterren Mitologia argitaratu zuen, J.K. Rowling-ek historiatik, mitoetatik eta kondairetatik destilatu zuen, baita literaturako autore klasikoen lanetatik ere, mago gaztearen obra ospetsua inspiratzeko eta aberasteko.

Nerea Riescok hainbat hedabidetan kolaboratzen du. Literatur sorkuntza tailerrak ere ematen ditu.

Argitaratutako lanak

Eleberriak

• La ciudad bajo la luna I. Fernando Marías Saria (Algaida Editores, 2022) 544 orrialde. ISBN: 8491897100
• Los lunes en el Ritz (Bartzelona, Espasa (Grupo Planeta, 2018) 496 orr.. ISBN: 9788467051704.
• Las puertas del paraíso (Bartzelona, Penguin Random House Mondadori S.A., 2015) 571 orr. ISBN 978-84-253-4764-1.
• Tempus (Bartzelona, Minotauro, 2010) 496 or. ISBN 978-84-450-0206-3
• El elefante de marfil (Bartzelona, Random House Mondadori S.A., 2010) 544 or. ISBN 978-84-253-4305-6.
• Ars Magica (Bartzelona, Random House Mondadori, 2007), 446 orrialde ISBN 978-84-253-4109-O.
• El país de las mariposas Sevillako Ateneo Joven Eleberri Saria (Sevilla, Algaida editoreak, 2004), 400 orrialde ISBN 84-8433-875-4.

Kontakizun

• Todas son iguales (Sevilla, Ediciones En Huida, 2013) 208 orr. ISBN 978-84-941027-2-1.
• Ladrona de almas (Sevilla, Puentes de Papel, 2002) ISBN 84-932815-2-2.

Haurrentzako liburuak

• Todo lo que sé sobre los dragones (Cáprica, 2018) 320 or. ISBN: 8494781367.
• El secreto del desván (Un cuento para aprender a jugar al ajedrez)(Kordoba, Toro Mítico, 2009) 69 orr. ISBN 978-84-96947-67-2

Dibulgazio liburuak

• Harry Potterren mitologia (Algaida, 2022) 302 orrialde. ISBN: 9788491897767.
• Coaching bestseller bat idazteko (Alba Editorial, 2020) 304 orrialde. ISBN: 8494781367.

Poema-sortak

• Desnuda y en lo oscuro (Sevilla, Ediciones En Huida, 2010) 67 orr. ISBN 978-84-614-4572-1

Antologiak

• Macondo boca arriba. Antología de la narrativa andaluza actual Mexiko Hiria, Mexikoko Unibertsitatea, 2006). ISBN 968-36-3756-6. ISBN 970-32-3948-X.
• Con una piel de menos (Sevilla, Taller de Creación Literaria, 2007) ISBN 978-84-611-5231-5
• Al margen de la página (Sevilla, Taller de Creación Literaria, 2006)
• Te diré y te contaré o la magia de lo imperfecto (Sevilla, Padilla , 2005) 201 páginas. ISBN 84-8434-332-4

Sariak eta aintzatespenak

• 2004an Sevillako Ateneo Joven IX. Eleberri Saria El país de las mariposas (2004) lanarekin.

• 2023ko Kritikaren Andaluzia sarietarako hautagaia La ciudad bajo la luna elenberriarekin eta Fernando Marías I. Saria .

Kanpo estekak

• (Gaztelaniaz) Webgune ofiziala
• (Gaztelaniaz) Foroa

• Datuak: Q9049556