Հարկային դրույքներ

Հարկային դրույքներ, հարկվող միավորի հարկաչափերː Արտահայտում են հարկի գանձման նորմաներըː Սահմանում են պետական օրենսդրական մարմիններըː Լինում են պրոգրեսիվ և ռեգրեսիվ, համամասնական և հաստատունː Պրոգրեսիվ հարկային դրույքները բարձրանում, իսկ ռեգրեսիվները իջնում են եկամտի կամ գույքի արժեքի ավելացմանը համապատասխանː Համամասնական հարկային դրույքները սահմանվում են միասնական տոկոսաչափով, իսկ հաստատունը՝ բացարձակ գումարով, անկախ եկամտի մեծությունիցː

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 307)։

Վիքիպահեստն ունի նյութեր, որոնք վերաբերում են «Հարկային դրույքներ» հոդվածին։