Soçiêtæ

ZE	Quésta pàgina a l'é scrîta in zenéize, segóndo a grafîa ofiçiâ

A soçiêtæ ò socjêtæ (da-o latìn societas "unión, conpagnîa, aleànsa") a l'é in generâle 'n insémme d'indivìdoi ò de pàrte unîe da rapòrti de vària natûa, tra-i quæ se stabilìsce de fórme de cöperaçión, conlaboraçión e divixón di cónpiti, che asegûan a sorvevivénsa e-a riproduçión de l'insémme mæximo e di seu ménbri. In particolâ, o tèrmine o l'ìndica 'n grùppo conplèsso e òrganizòu d'òmmi che sconpartìscian coltûa, nòrme e interaçioìn comùn inte 'n spàçio giögràfico ò soçiâle definîo. A conprénde 'na ræ de relaçioìn e instituçioìn che dan fórma a-a mainêa de conportâse de tùtti, a-i valoî e a-e strutûe pe mêzo de quæ e persónn-e coêxìstan e interagìscian.

'Na doménega de poidisnâ a l'Îzoa da Grande-Jatte (1884-1886). L'êuvia do Georges Seurat a l'é a reprezentaçión da soçiêtæ borghéize e industriâle da fìn do XIX sécolo.

A soçiêtæ a l'é l'ògètto de stùddio da sociologîa, ch'a n'indâga i fenòmeni, e strutûe e-o fonçionaménto. De sòlito e soçiêtæ vêgnan clasificæ in sciâ bâze do seu livéllo de tecnologîa in pre-industriâli (de cacioéi-racheugitoî, de pastoî, òrtìcole ò agrìcole), industriâli e post-industriâli. Into córso da stöia, scìn da Platón e Aristòtele i pensatoî e-i filòzofi àn raxonòu in sciâ natûa da soçiêtæ e àn contriboîo a-a rìcca varietæ de teorîe soçiâli.

Vôxe corelæ

• Sociologia

Âtri progètti

Altri progetti

• Wikimedia Commons

• Wikimedia Commons a contêgne di files in sce soçiêtæ