मणी कुमार छेत्री
| लिंग | पुरूष  |
|---|---|
| दिलेले नाव | Mani |
| जन्म तारीख | 1920 |
| जन्मस्थान | टिस्टा नदी |
| व्यवसाय | cardiologist |
| शिक्षण घेतलेली संस्था | कोलकाता विद्यापीठ, St. Paul's Cathedral Mission College |
| पुरस्कार | वैद्यकशास्त्रातील पद्मश्री पुरस्कारविजेते |
मणी कुमार छेत्री (२३ मे, १९२० - ५ एप्रिल, २०२६) हे एक भारतीय 'हृदयरोगतज्ज्ञ' होते. त्यांनी पश्चिम बंगाल राज्य आरोग्य सेवांचे संचालक आणि 'IPGMER अँड SSKM हॉस्पिटल', कोलकाता चे संचालक म्हणून काम पाहिले होते.[१] ते 'नॅशनल अकॅडमी ऑफ मेडिकल सायन्सेस' चे निवडून आलेले फेलो होते.[२] भारत सरकारने १९७४ मध्ये त्यांना भारताचा चौथा सर्वोच्च नागरी पुरस्कार पद्मश्री देऊन सन्मानित केले होते.[३]
जीवन आणि कारकीर्द
[संपादन]
मणी कुमार छेत्री यांचा जन्म २३ मे, १९२० रोजी[४] तत्कालिन बंगाल प्रेसिडेन्सी मधील दार्जिलिंग येथील तीस्ता नदीच्या काठी असलेल्या सर्वात जुन्या चहाच्या मळ्यांपैकी एक असलेल्या तीस्ता व्हॅली टी.ई. मध्ये झाला.[५] त्यांचा जन्म पी. एल. सिंग छेत्री आणि एच. एम. छेत्री या भारतीय गोरखा कुटुंबात झाला.[१][६] त्यांचे प्राथमिक शिक्षण दार्जिलिंग म्युनिसिपल प्रायमरी स्कूल आणि टर्नबुल हायस्कूलमध्ये झाले आणि त्यांनी १९३६ मध्ये गव्हर्नमेंट हायस्कूल, दार्जिलिंग येथून मॅट्रिक पूर्ण केले.[१] कोलकाता येथील सेंट पॉल्स कॅथेड्रल मिशन कॉलेजमधून आपली इंटरमिजिएट परीक्षा उत्तीर्ण झाल्यानंतर, त्यांनी मेडिकल कॉलेज आणि हॉस्पिटल, कोलकाता येथून वैद्यकीय पदवी (MBBS) मिळवली. त्यानंतर १९५६ मध्ये सरकारी शिष्यवृत्तीवर लंडनमधून त्यांनी FRCP ही पदवी संपादन केली.[१] १९६० मध्ये ते IPGMER अँड SSKM हॉस्पिटलमध्ये हृदयरोग विभागाचे संचालक आणि प्राध्यापक म्हणून रुजू झाले.[१] १९७६ मध्ये त्यांची पश्चिम बंगाल आरोग्य सेवांचे संचालक म्हणून नियुक्ती करण्यात आली[५] आणि त्यांनी तत्कालीन मुख्यमंत्री ज्योती बसू यांचे वैयक्तिक डॉक्टर म्हणूनही काम पाहिले.[७] १९९७ मध्ये जेव्हा ढाकुरिया येथे अॅडव्हान्स्ड मेडिकल रिसर्च इन्स्टिट्यूट (AMRI) सुरू झाले, तेव्हा छेत्री यांना व्यवस्थापकीय संचालक बनवण्यात आले, परंतु त्यांनी IPGMER आणि SSKM हॉस्पिटलशी सल्लागार म्हणून आपले नाते कायम ठेवले.[१] भारत सरकारने १९७४ मध्ये त्यांना पद्मश्री हा नागरी सन्मान देऊन गौरवले.[३] ५ एप्रिल २०२६ रोजी वयाच्या १०५ व्या वर्षी कोलकाता येथील त्यांच्या निवासस्थानी छेत्री यांचे निधन झाले.[८] १५ दिवसांपूर्वी पडल्यामुळे त्यांच्या डोक्याला दुखापत झाली होती.[९]
संदर्भ
[संपादन]- 1 2 3 4 5 6 "Personality of the Month". Darjeeling Times. 27 December 2007. 4 January 2017 रोजी मूळ पान पासून संग्रहित. 7 June 2015 रोजी पाहिले.
- ↑ "List of Fellows - NAMS" (PDF). National Academy of Medical Sciences. 2016. 19 March 2016 रोजी पाहिले.
- 1 2 "Padma Shri" (PDF). Padma Shri. 2015. 15 October 2015 रोजी मूळ पान (PDF) पासून संग्रहित. 11 November 2014 रोजी पाहिले.
- ↑ "Moni Kumar Chetri after Bidhanchandra Roy in West Bengal's Health Services". ABP Ananda (Bengali भाषेत). Today in Focus. 2020-05-31.CS1 maint: others (link)
- 1 2 "GJM cries foul in arrest of Padmashree Doctor in AMRI case". I Sikkim. 31 January 2012. 9 June 2015 रोजी पाहिले.
- ↑ "Notable Indian Gorkhas". World Gorkha Foundation Trust. 2015. 2 July 2017 रोजी मूळ पान पासून संग्रहित. 9 June 2015 रोजी पाहिले.
- ↑ "All India Gorkha League (AIGL) condemns the arrest of Dr. Mani Kumar Chettri". Mungpoo News. 29 January 2012. 9 June 2015 रोजी पाहिले.
- ↑ "प्रबीण चिकित्सक मणी छेत्री प्रयातो, बयोस होयेछिलो १०६ बोछोर! छिलेन ज्योती बसूर शुश्रूषार दायित्वे". Anandabazar. 5 April 2026. 5 April 2026 रोजी पाहिले.
- ↑ "Mani Kumar Chetri: बारधक्यजनित ओसुस्थताय भुगछिलेन, प्रयातो ख्यातनामा चिकित्सक मणी छेत्री". ABP. 5 April 2026. 5 April 2026 रोजी पाहिले.
