Rolando Maran
 Maran në vitin 2015 | |||
| Informacioni personal | |||
|---|---|---|---|
| Emri i plotë | Rolando Maran | ||
| Data e lindjes | 14 korrik 1963 | ||
| Vendi i lindjes | Trento, Itali | ||
| Pozicioni(et) | Mbrojtës | ||
| Informacioni i ekipit | |||
Ekipi aktual | Shqipëria (trajner) | ||
| Karriera si profesionist* | |||
| Vitet | Ekipi | Ndsh | (Gola) |
| 1983–1986 | Benacense Riva | 87 | (7) |
| 1986–1995 | Chievo | 280 | (11) |
| 1995 | Valdagno | 10 | (0) |
| 1995–1996 | Carrarese | 23 | (0) |
| 1996–1997 | Fano | 28 | (2) |
| Gjithsej | 428 | (20) | |
| Karriera menaxheriale | |||
| 2002–2005 | Cittadella | ||
| 2005–2006 | Brescia | ||
| 2006–2007 | Bari | ||
| 2007–2009 | Triestina | ||
| 2009–2011 | Vicenza | ||
| 2011–2012 | Varese | ||
| 2012–2013 | Catania | ||
| 2014 | Catania | ||
| 2014–2018 | Chievo | ||
| 2018–2020 | Cagliari | ||
| 2020 | Genoa | ||
| 2022 | Pisa | ||
| 2023–2024 | Brescia | ||
| 2025 | Brescia | ||
| 2026– | Shqipëria | ||
| * Ndeshjet dhe golat në ligën vendase të klubeve | |||
Rolando Maran (lindur më 14 korrik 1963) është një trajner italian futbolli dhe ish-futbollist, i cili luante si mbrojtës. Prej majit 2026 ai është trajner i kombëtares shqiptare të futbollit.[1]
Gjatë karrierës si futbollist, Maran u aktivizua kryesisht me Chievon, ndërsa si trajner ka drejtuar disa klube italiane në Serie A dhe Serie B, përfshirë Catanian, Chievon, Cagliarin, Genoan, Pisan dhe Brescia-n.[2]
Karriera si futbollist
[Redakto | Redakto nëpërmjet kodit]Maran e nisi karrierën si futbollist te Benacense Riva. Në vitin 1986 kaloi te Chievo, ku qëndroi për nëntë sezone dhe u bë një nga lojtarët më të rëndësishëm të skuadrës. Me klubin veronez ai kontribuoi në ngjitjen nga kategoritë e ulëta deri në Serie B.[2]
Pas largimit nga Chievo, ai luajti edhe me Valdagno, Carrarese dhe Fano, përpara se të tërhiqej nga futbolli i luajtur në vitin 1997.[2]
Karriera si trajner
[Redakto | Redakto nëpërmjet kodit]Fillimet
[Redakto | Redakto nëpërmjet kodit]Pas tërheqjes si futbollist, Maran nisi karrierën si trajner në stafet teknike dhe në sektorët e të rinjve. Përvoja e parë si trajner i ekipit të parë erdhi te Cittadella, klub që e drejtoi nga viti 2002 deri në vitin 2005.[2]
Më pas ai mori drejtimin e Brescia-s në sezonin 2005–2006, përpara se të drejtonte Bari, Triestina, Vicenza dhe Varese në Serie B. Me Varese-n arriti finalen e play-off-it për ngjitjen në Serie A në sezonin 2011–2012.[2]
Catania, Chievo dhe Cagliari
[Redakto | Redakto nëpërmjet kodit]Në vitin 2012 Maran mori drejtimin e Catanias në Serie A. Në sezonin 2012–2013, skuadra siciliane e mbylli kampionatin në vendin e tetë me 56 pikë, rezultati më i mirë i klubit në elitën e futbollit italian.[3]
Në tetor 2014 ai u emërua trajner i Chievos, klub ku kishte luajtur për shumë vite si futbollist. Maran e drejtoi Chievon deri në prill 2018. Në qershor 2018 mori drejtimin e Cagliarit, ku qëndroi deri në mars 2020.[2]
Genoa, Pisa dhe rikthimi te Brescia
[Redakto | Redakto nëpërmjet kodit]Në gusht 2020 Maran u emërua trajner i Genoas, me të cilën firmosi një kontratë dyvjeçare.[4] Në vitin 2022 ai drejtoi Pisan në Serie B.[2]
Më 14 nëntor 2023 Brescia njoftoi emërimin e Maranit si trajner të ekipit të parë, duke shënuar rikthimin e tij në klub pas përvojës së mëparshme në sezonin 2005–2006.[5] Pas një ndërprerjeje të shkurtër, ai u rikthye sërish në stolin e Brescia-s në janar 2025.[2]
Kombëtarja shqiptare
[Redakto | Redakto nëpërmjet kodit]Më 19 maj 2026, Maran u prezantua zyrtarisht si trajner i kombëtares shqiptare të futbollit, duke pasuar brazilianin Sylvinho. Ai firmosi një kontratë njëvjeçare e gjysmë me Federatën Shqiptare të Futbollit. Ndihmës i tij në stolin kuqezi u emërua Christian Maraner.[1]
Në prezantimin zyrtar, presidenti i Federatës Shqiptare të Futbollit, Armand Duka, deklaroi se objektivat e ciklit të ri ishin vendi i parë në Ligën e Kombeve dhe kualifikimi në finalet e UEFA Euro 2028.[1]
Trofe
[Redakto | Redakto nëpërmjet kodit]Si futbollist
[Redakto | Redakto nëpërmjet kodit]- Chievo
Referime
[Redakto | Redakto nëpërmjet kodit]- 1 2 3 "The new coach of the Albanian National Team, Rolando Maran, is introduced!" (në anglisht). Federata Shqiptare e Futbollit. 19 maj 2026. Marrë më 19 maj 2026.
- 1 2 3 4 5 6 7 8 "Rolando Maran - Profilo allenatore" (në italisht). Transfermarkt. Marrë më 19 maj 2026.
- ↑ "Catania dismiss De Canio, reappoint Maran" (në anglisht). UEFA. 16 janar 2014. Marrë më 19 maj 2026.
- ↑ "Genoa, Rolando Maran è il nuovo allenatore" (në italisht). ANSA. 26 gusht 2020. Marrë më 19 maj 2026.
- ↑ "Rolando Maran è il nuovo allenatore del Brescia" (në italisht). Brescia Calcio. 14 nëntor 2023. Marrë më 19 maj 2026.
