2026年伊朗冲突

2026年2月28号，以色列搭仔美国发导弹派飞机轰炸伊朗德黑兰、伊斯法罕、库姆、卡拉季、克尔曼沙赫咾啥个城市，以色列代号是“咆哮雄狮行动”（希伯来语：מִבְצַע שְׁאָגַת הָאֲרִי，罗马化：Mivtsá She'agát Ha'arí），美国国防部代号是“史诗狂怒行动”（英语：Operation Epic Fury），拿伊朗最高领袖阿里·哈梅内伊、国防委员会秘书阿里·沙姆哈尼等人炸死，还拿伊朗所女子学堂炸脱。伊朗立时三刻反击，开无人机发导弹轰炸以色列搭仔中东地区个美军基地，行动代号是“诚实承诺4号”（英语：Operation True Promise 4）。也门胡塞武装也宣布恢复对红海丄个美军海军打导弹。以色列畀伊朗打得唻宣布全国进入紧急状态，进行信息管制；伊朗也拿互联网连接关脱。

袭击发生仔么，巴林、伊拉克、以色列、科威特、卡塔尔、叙利亚、阿联酋侪拿自家个领空关脱。