安然

安然公司（英文：Enron Corporation；安隆或恩隆；紐交所：ENRNQ）係一間位於美國德州休斯敦嘅能源公司。喺2001年宣告破產之前，安然公司大約有21,000名僱員，係世界上最大嘅電力、天然氣同電訊公司之一，喺2000年披露嘅營業額有成1,010億美元。

安然公司連續六年俾《財富》雜誌評為「美國最具創新精神公司」，不過令安然公司出名嘅，就係呢間擁有上千億資產嘅公司喺2002年短短幾個禮拜內破產，爆出持續多年、經過精心策劃甚至制度化、系統化嘅財務造假醜聞。安然歐洲分公司喺2001年11月30號申請破產，美國本部亦喺兩日之後申請破產保護。

自從安然醜聞案之後，安然已經成為企業欺詐同墮落嘅代名詞。