視覺效果

  提示：呢篇文講嘅唔係特殊效果。

依幅圖中嘅係用 CG 技術造嘅火焰形態

視覺效果，又叫視覺特效，英文簡稱 VFX，係指利用電腦圖像技術或者第啲後期處理手法，喺影像入便加料，添置本來冇嘅視覺元素，又或者係改變或強化已有嘅元素，用嚟增強作品嘅藝術效果。視覺效果廣泛應用於電影同視像遊戲嘅製作之中，尤其係用嚟製造現實難以拍攝嘅畫面效果，譬如係爆炸、火焰、煙霧同埋魔法嘅光效呀噉。

主要分類

數碼雨效果；呢種效果喺 cyberpunk 作品中會用到。

睇埋：彩現

視覺效果可以分做幾個主要領域，包括電影嘅視視覺效果同埋視像遊戲嘅視覺效果等等。唔同領域用嘅技術都有少少出入。喺電影同電視劇嘅製作之中，視覺效果可以用極高畫質嚟做，噉係因為呢啲作品會用到預先彩現，將特效畫面事前用電腦運算彩現咗先，再同作品嘅片段合成；呢種做法用嘅彩現時間長，唔適合視像遊戲要求嗰種即時互動。視像遊戲嘅視覺效果通常要即時生成同顯示，所以對最佳化要求高。

電影

拍戲成日會用視覺效果，製作現實拍攝做唔到嘅影像。

視像遊戲

睇埋：遊戲製作同立體模型

製作方法

製作視覺效果會用到各種專業架生。

視覺效果人員通常要搵靈感先，會去 Pinterest 等嘅網站參考其他作品，思考顏色同光影，搵返啲材料做心情板。

視覺設計諗掂之後，佢就會用專業嘅圖像軟件，例如 Blender 等，去實作。呢啲軟件會用到立體建模、粒子系統同物理模擬等嘅功能，製作出想要嘅影像，然後就可以匯出俾 Unreal 或者 Unity 等嘅引擎使用。

睇埋

• 電腦圖像
• 物理引擎
• 物理模擬
• 奇幻咒語

文獻

歐美文獻：

• Jeffrey A. Okun & Susan Zwerman, The VES Handbook of Visual Effects: Industry Standard VFX Practices and Procedures, Publisher: Focal Press, 2010.
• T. Porter and T. Duff, "Compositing Digital Images", Proceedings of SIGGRAPH '84, 18 (1984).

外拎

• （香港繁體）動畫及視覺特效高級文憑，職業訓練局