D àlemànnischa Wikipedia ìsch a Enzyklopedi ìn da Dialekta vum àlemànnischa Sprochrüüm, àlso vu dr ditscha Schwiz, vum Elsàss, vu Lìechtestei, vu Owerbàda, vum Schwowalànd un vu Vorarlberg.
D Enzyklopedi wàchst durch d frèiwìlliga Hìlf vu àlla, wo ebbis ìn ìhrem Dialekt wann bitràga. Àlla Itràga känna vu alla Bsuacher gschrìwa un gändert wara. Àlla sìn harzlig iglàda mìtz'màcha. Brìnga Èier Wìssa ii un halfa a so mìt, s Àlemànnischa z pflega, ufz'warta un z'erhàlta. D erschta Schrìtt sìn gànz eifàch!
Wer mìr vu dr Àlemànnischa Wikipedia sìn un wàs mìr wann, fìndsch ìn unserm Profil.
Jungwacht Blauring Schweiz isch dr Name vome Dachverband, wo i de düütschschprachige Schwiiz Chinder- und Jugendarbet understützt und förderet. Dezue ghöred öpe 420 Schare, wo d Arbet mit de Chind und Jugendliche vor Ort organisiered und durefüered.
Entstande isch de Verband us de zwei ehemols rechtlich selbständige römisch-katholische Chinder- und Jugendverbänd Jungwacht und Blauring. D Jungwacht isch tradizionell für Buebe und dr Blauring für Maitli zueständig. Sit de 70-er Johr, im Zämehang mit ere vermehrte Zämearbet vo bedne Verbänd, gits au gmischti Schare oder einzelni gmischti Gruppene innerhalb vo Blauring- und Jungwachtschare. Gmischti Schare nänned sich Jubla (Jungwacht + Blauring). Beidi Verbänd händ sich im Zuug vo dr Ökumene au gegenüber andere Konfessione göffnet.
Di ehemolige Verbänd Jungwacht und Blauring händ d Verbandsziitschrift ideejubla use geh. Sit 2012 erschinnt da Informazionsblatt för Jubla-Mitglider ab Stufe Leiter under em Name Hosesack 3-mol jöhrlich.
... dàss d Elsasser Wiistroß zu da ältscha Touristastroßa ìm Frànkrìch gheert?
... dass em Leerer Eduard Schönenberger näbet de Schuel d Pflääg und d Förderig vo de Mundaart, «öiserer äigetlicher Mueterspraach», ganz wichtig gsy isch?
... dass de Rekord bi de Freqänze und em Güeterverchehr uf de Wetzike-Meile-Bahn im Jahr 1920 mit 532'345 Reisende und 11'014 Tone Güeter gsii isch?
... dass d Buure im Appäzellerland und dä umliggende Bergkanton ihri Hünd immer no unter äm Gsichtspunkt vo dä Bruchstüchtigkeit und weniger noch rassäbedingter Schönheit züchtäd?
... dàss m’r s’ Sàkràmant vu dr Krànkasaalwung vor dr Liürgiireform vum Zwaita Vàtikàànischa Konziil numma in articulo mortis hàt därfa schpanda?
... dass dr Pius Jauch scho Liader uf Italienisch, Deitsch und Schwäbisch gschrieba hòt?
1529: Uf em Rychtsdag z Speyer drätte sechs Firschte un 14 Rychsstedt as Verdrätter vu dr proteschtantische Minderhait uf gege d Verhängig vu dr Rychsacht gege dr Martin Luther un gege d Ächtig vu syne Schrifte, was Protestation zu Speyer gnännt wird.
1937: Im Spanische Burgerchrieg dekretiert dr Francisco Franco d Verainigung vu dr revolutionere Organisatione Falange un JONS mit dr carlistische Comunión Tradicionalista zue dr Falange Española Tradicionalista y de las JONS. Des giltet as d Geburtsstund vum Franquismus.
1943: Dr Schwyzer Chemiker Albert Hofmann teschtet s vu ihm entdeckt LSD (Bild) zum erschte Mol bewusst im Sälbschtversuech.
1961: D vu dr USA unterstitzt Invasion in dr Söubucht (span. Bahía de Cochinos) z Kuba hert no nume zwee Däg uf in ere vollständige Niderlag vu dr exil-kubanische Druppe.
2005: Der dytsch Kardinal Joseph Ratzinger wird im Alter vu 78 Johr vum Konklave zum Papscht gwehlt. Är git sich dr Name Benedikt XVI.
