Näve (tipu de bärcu)

SV	Questa pagina a l'è scrita in savuneize, a-a manea de l'Essiu d'a Ciann-a

A näve (dita näve armä a näve ascì, full-rigged ship o fully rigged ship in ingleize) a l'è 'n tipu de bärcu a veĵe a tréi èrbi a veĵe quaddre, ciü u coprèssu. Scibén che a-a giurnä d'ancö u numme "näve" u l'è dövióu pe tütte e qualitè de bärchi, da-u Çinqueçentu finn-a de l'Öttuçentu u fäva de riferimentu sulu che a quelli fèti cuscì, che alantùa l'ean i ciü grossi pe purtä^[1]^[2].

Descriçiùn

A näve a gh'äva tréi èrbi a veĵe quaddre e, cumme u bricche, in sce l'èrbu ciü a puppa a purtäva 'na randa. De media a näve a mezüäva 55 metri de lunghessa, cu'a stassa netta ch'a l'ea de media insce-i 650 tunêi, pe rivä finn-a a-i 1.300^[1].

Dapö u l'è rivóu de näve a ciü èrbi, finn-a a çinque, mentre 'na sö variante, da-a furma ciü zlungä perché a vegnisse ciü veluçe, a l'ea fra i cuscì diti clipper, bärchi che curivan tütti i anni int'ê canpaĝn̂e d'a lann-a e d'u tè da-a Cinn-a e da l'Australia pe l'Inghiltèra^[1].

Int'a tabèlla chì sutta u gh'è u cian d'e veĵe che se pöan truvä in sce 'na näve.

Cian d'e veĵe de 'na näve
	A: coprèssu	1: cuntrafrò 2: primmu frò
	B: bastùn de frò	3: segundu frò 4: trinchetinn-a
	C: èrbu de trinchettu	5: veĵa de trinchettu 6: veĵa de paruchettu fissu 7: veĵa de paruchettu vulante 8: velacciu 9: cuntra 10: - 11: -
	D: èrbu de meistra	12: veĵa de meistra 13: gaggia fissa 14: gaggia vulante 15: velacciu 16: cuntra 17: - 18: - 27 (1): strallu de meistra o carbunea 27 (2): strallu de gaggia 27 (3): strallu de velacciu
	E: èrbu de mezann-a	19: randa 20: veĵa de mezann-a 21: gaggia de mezann-a fissa 22: gaggia de mezann-a vulante 23: velacciu de mezann-a 24: cuntra 25: - 26: - 27 (4): strallu de mezann-a 27 (5): strallu de gaggia 27 (6): strallu de velacciu

Variante

A Principessa Mafalda, näve a pä
Cartulinn-a de 'na näve ingleize a quattru èrbi a veĵe quaddre
A Potosi, näve a quattru èrbi a pä
A Preussen, näve a çinque èrbi a veĵe quaddre
U bärcu bestia Mercator

De näve u l'existe ciü variante, che sun diferenti p'ou nümeru de èrbi e u genere de veĵe che portan:

Näve a pä: ciü che i tréi èrbi a veĵe quaddre a puppa da mezann-a u gh'è u pä, u quartu èrbu ch'u munta de randa àurica.
Näve a quattru èrbi a veĵe quaddre: inte stu cäxu u pä u gh'ha e veĵe quaddre, cumme i ätri tréi.
Näve a quattru èrbi a pä: a gh'ha i èrbi de trinchettu, de meistra, de mezann-a e u primmu pä che sun armè a veĵe quaddre, mentre u segundu pä u gh'ha de veĵe àuriche.
Näve a çinque èrbi a veĵe quaddre: tantu u primmu che u segundu pä gh'han de veĵe quaddre, cuscì cumme i ätri tréi èrbi.
Bärcu bestia: u l'è 'na vìa de mezu fra a näve e a guletta, scicumme d'i tréi èrbi sulu che u primmu u l'è a veĵe quaddre, mentre de meistra e de mezann-a u porta d'e veĵe àuriche.

Notte

1 2 3 (IT) Piero Pastorino (scritu de) e Ivo Antipodo (dizeĝn̂i de), Tipologie di velieri, in sce storiapatriasavona.it. URL consultòu o 31 màrso 2026.
↑ (IT) Nave - Vocabolario on line, in sce treccani.it. URL consultòu o 31 màrso 2026.

Bibliugrafìa

(LIJ, IT) Filippo Noberasco, Piccolo vocabolario marinaresco italiano-savonese, Sann-a, Tipografia Savonese, 1934.

Ätri prugètti

Wikimedia Commons a contêgne di files in sce näve

Contròllo de outoritæ	GND (DE) 7743296-4

[:0-1] 1 2 3 (IT) Piero Pastorino (scritu de) e Ivo Antipodo (dizeĝn̂i de), Tipologie di velieri, in sce storiapatriasavona.it. URL consultòu o 31 màrso 2026.

[2] (IT) Nave - Vocabolario on line, in sce treccani.it. URL consultòu o 31 màrso 2026.

[1]

[2]