Yus Datuak Parpatiah
Yusbir | |
|---|---|
 Yus Datuak Parpatiah pado tahun 2015 | |
| Lahia | 7 April 1939 Sungai Batang, Agam, Hindia Balando |
| Maningga | 28 Maret 2026 (umua 86) |
| Namo lain | Yus Datuak Parpatiah |
| Karojo | Budayawan Pangusaho |
| Taun aktif | 80-an–2026 |
Yusbir "Yus" Datuak Parpatiah (lahia 7 April 1939 – maningga 28 Maret 2026 pado umua 86 taun) adolah surang budayawan Minangkabau. Yus takenal dalam upayo palestarian budaya Minangkabau lewat karyanyo dalam bantuak kaset pado dekade 80-an hinggo 90-an. Kini ko, karyanyo alah diedaan dalam format video nan tasadio dalam bantuak VCD.[1][2]
Kahidupan awal
[suntiang | suntiang sumber]Yus lahia pado 7 April 1939 jo namo Yusbir dari pasangan Abdul Jalil jo Syafiyah di Nagari Sungai Batang, Agam, Sumatera Barat.[3] Maso keteknyo dihabihan di kampuang laman, jo manamaikan SD pado 1955 jo SMP pado 1958. Iyo malanjuikan pandidikan SMA di Tanjuang Balai Asahan, jo tamaik pado tahun 1961. Yus marantau ka babagai daerah hinggo akhianyo sampai di Jakarta pado tahun 1976. Yus kamudian manjadi panungkek jo gala Datuak Rajo Mangkuto mulai tahun 1965. Sasudah manikah, baliau diangkek manjadi pangulu suku Caniago jo gala Datuak Parpatiah pado tahun 1970.[1]
Karier
[suntiang | suntiang sumber]Yusbir awalnyo manjadi panulih drama sabagai pangisi wakatu luang. Baliau maajak karyawan konveksi punyonyo untuak balatiah drama basamo. Kariyawan ikolah nan nanti manjadi cikal bakal kalompok seni Grup Balerong. Kawannyo asal Jambi, Haji Jhon, maajak untuak marakam drama tu. Di wakatu itu, dunia rakaman di Sumatera Barat masih banyak diisi dek pop Minang.
Globe Record di Jakarta manjadi dapua rakaman patamo nan marakam drama tu jo bayaran sagadang Rp1 juta pado Januari 1980. Awal tahun 2000-an, baliau labiah banyak marakam monolog. Rakamannyo mambahas babagai masalah jo solusi dari katantuan adaik.[4] Bahaso nan sederhana tapi sarat akan makna, manjadian rakaman tu banyak disukoi dek urang-urang di Sumatera Barat.[1]
Kamatian
[suntiang | suntiang sumber]Yus maningga pado tanggal 28 Maret 2026 pukua 16.30 WIB di kadiamannyo di Nagari Sungai Batang, Agam, Sumatera Barat.[5] Babarapo hari sabalum maningga, Yus sempat dibaok ka rumah sakik Yarsi Bukiktinggi untuak mandapekan parawatan.
Karya
[suntiang | suntiang sumber]Karya-karya dari Datuak Parpatiah antaro lain, "Di Simpang Duo", "Maniti Buiah" dan "Kasiah Tak Sampai" nan babantuak drama. "Rapek Mancik" jo "Bakaruak Arang" nan barupo karya komedi. "Pitaruah Ayah", "Baringin Bonsai", "Diskusi Adat", "Panitahan Baralek", "Kepribadian Minang" sarato "Pitaruah Pangulu" nan babantuak pituah adaik jo duo film nan diproduksi TVRI.
Mulai 1980 hinggo dekade 90-an, karya-karya tu baeda dalam bantuak kaset. Puluahan hinggo ratusan ribu kaset karya Yus manyeba ka babagai palosok Ranah Minang sarato komunitas urang Minang di Indonesia dan babagai nagara.[3]
Rujuakan
[suntiang | suntiang sumber]- 1 2 3 Hendra Makmur (2015-10-01). "Yus Datuak Parpatiah Berguru pada Alam,Berkarya tanpa Beban". mediaindonesia.com (dalam bahasa Indonesia). Diakses tanggal 2019-09-06.
- ↑ "Selamat Jalan Mamaknda Yus Datuak Parpatiah". rri.co.id. Diakses tanggal 2026-03-30.
- 1 2 Makmur, Hendra (2019-11-20). "Ceramah Yus Datuak Parpatiah, Cerita Adat yang Tak Lekang oleh Zaman". Langgam.id (dalam bahasa Indonesia). Diakses tanggal 2023-10-23.
- ↑ Redaksi, Tim (2026-03-28). "Ranah Minang Berduka: Budayawan Yus Datuak Parpatiah Berpulang". Langgam.id (dalam bahasa Indonesia). Diakses tanggal 2026-03-30.
- ↑ Eriandi (2026-03-28). "'Guru Besar' Adat Minangkabau Yus Dt Perpatih Meninggal Dunia". Harian Singgalang (dalam bahasa Indonesia). Diakses tanggal 2026-03-30.
