Ahmed Bouchiki
| Ahmed Bouchiki | |
| Statsborgarskap | Marokko, Frankrike |
| Fødd | 13. april 1943 Hennaya |
| Død |
21. juli 1973 (30 år) |
| Yrke | Servitør |
| Språk | arabisk, Tamazightiske språk |
Ahmed Bouchikhi (13. april 1943–21. juli 1973) var ein marokkansk statsborgar, opphavleg frå Algerie, som arbeidde som kelnar på Lillehammer i Noreg. Han blei drepen av israelske agentar som trudde Bouchikhi var ein palestinsk terrorleiar.[1]
Bakgrunn
[endre | endre wikiteksten]Bouchiki blei fødd 13. april 1943 i Hennaya i Fransk Algerie.[2] Han flytta fire år gammal til Marseille i Frankrike saman med foreldra. Då han var 17 år, deltok han i Sjølvstendekrigen i Algerie mot Frankrike. Han kom til Noreg første gong i 1965 med algerisk pass. Året etter kom han til Noreg med marokkansk pass og budde deretter i landet.[3]
Drapet på Lillehammer
[endre | endre wikiteksten]Den 21. juli 1973 blei Bouchiki skoten og drepen av israelske etterretningsagentar frå Mossad på open gate på Lillehammer. Israelerane trudde han eigentleg var Ali Hassan Salameh, ein operasjonssjef og etterretningssjef i Fatah – og som visstnok hadde ei kopling til planlegginga av München-massakren i 1972. Drapet på Bouchikhi blei kjend som Lillehammer-saka. Seks israelarar blei arresterte og fem av dei dømde for drapet.[4] Agenten Dan Ærbel fortalde til NRK at dei visste at dei drap feil mann.[5]
Bouchikhi var gift med ei norsk kvinne, og etterlet seg ein son og ei dotter. Han blei gravlagd i Marokko.[6][3]
22 år seinare, i 1996, betalte Israel erstatning til dei etterlatne, men tok ikkje på seg ansvar for drapet.[7]
Broren til Bouchikhi, Chico Bouchiki,[8] er kjend som medgrunnleggjar av popgruppa Gipsy Kings. Etter drapet på broren engasjerte gab seg i fredsarbeid, mellom anna i Midtausten, og blei utnemnd til UNESCO «special envoy for peace».[9] Under markeringa av Oslo-avtalen spelte Chico for og helsa på Yasir Arafat og Shimon Peres. Peres, Arafat og arrangørane visste ikkje at broren til Bouchikhi var eit offer i konflikten mellom Israel og palestinarane.[10] Chico har argumentert mot ein kulturell boikott av Israel og meiner det ikkje er føremålstenleg.[8]
Kjelder
[endre | endre wikiteksten]- ↑ Mellgren, Doug (2. mars 2000). «Norway solves riddle of Mossad killing». The Guardian (på engelsk). ISSN 0261-3077. Henta 1. februar 2024.
- ↑ politidepartementet, Justis-og (1. mars 2000). «NOU 2000: 6». 012001-020002 (på norsk bokmål). Henta 1. februar 2024.
- 1 2 Norgesrevyen. Faktum Forlag. 1974. s. 298.
- ↑ Lillehammer-saken, NOU 2000:6, sammendrag Justis- og beredskapsdepartementet, henta 22. august 2012
- ↑ Hercz, Roger (21. juli 2023). «– Vi visste at vi drepte feil mann». NRK (på norsk bokmål). Henta 21. juli 2023.
- ↑ «HER ER BOUCHIKIs BRØDRE Snakker for første gang om Lillehammer-drapet». Dagbladet. 7. januar 1996. «Foreldrene fikk utlevert liket. Ahmed Bouchiki ble begravet i Marokko, der familien kom fra.»
- ↑ The New York Times: «World News Briefs;Israelis to Compensate Family of Slain Waiter» besøkt 20. januar 2009
- 1 2 «Gypsy Kings star Chico defies Israel boycott despite Mossad». The Independent (på engelsk). 9. oktober 2014. Henta 1. februar 2024. «However the music stopped when his elder brother was assassinated by agents from Mossad in a case of mistaken identity. Despite the anger he retains over the bereavement, Bouchikhi has now urged fellow musicians to shun growing calls for a cultural boycott of Israel.»
- ↑ CHICO BOUCHIKHI NAMED UNESCO SPECIAL ENVOY FOR PEACE Unesco.org, henta 22. august 2012
- ↑ Aftenposten, 7. januar 1996, s. 4.
- Denne artikkelen bygger på «Ahmed Bouchikhi» frå Wikipedia på bokmål, den 24. november 2025.
