nasin sewi Jajasi
nasin sewi Jawatu (toki Iwisi la: יַהֲדוּת) li nasin sewi suli. jan pi kulupu Jejusi li kepeken. ona li nasin sewi pi mama Alawan.
lipu sewi suli ona li lipu Tanaka. lipu Tanaka la lipu Towa ("lipu pi pana sona" anu "lipu lawa") en lipu Newin ("lipu pi jan toki sewi") en lipu Ketupin ("lipu sitelen") li lon. lipu ante mute li lon kin. tenpo mute la jan sona mute pi nasin sewi Jawatu li toki e nasin sewi. toki ona li lon lipu Tamu ("lipu pi pana sona"). ni li lipu suli tawa nasin sewi Jawatu pi jan sona.
nasin sewi lili mute pi nasin sewi Jawatu li lon. ona mute li kama tan nasin sewi Jawatu pi jan sona tan tenpo pini. nasin ni la sewi li pana e lawa ona tawa jan Mose lon nena Sinawi. nasin ante sama nasin Jawatu pi jan Sato anu nasin Jawatu pi ma Elena la ni li ante lon tenpo pi tomo sewi nanpa tu. tenpo ni la nasin sewi Jawatu pi ante ala en nasin sewi Jawatu awen en nasin sewi Jawatu ante li nasin suli pi nasin sewi Jawatu.
tenpo pini pi weka mute la nasin sewi Jawatu li kama lon tan kulupu pi ma Isale. ni la ona li nasin sewi suli lon ma Isale. sama la jan mute pi nasin sewi Jawatu li lon ma Mewika. taso jan pi nasin sewi Jawatu li lon ma ale. tenpo pini la jan pi nasin sewi Jawatu mute li lon ma Apika. taso ona mute li tawa ma Isale. tenpo sama kin la jan pi nasin sewi Jawatu mute li lon ma Elopa. taso jan pi nasin sewi Jawatu mute li moli lon tenpo ike moli pi jan pi nasin sewi Jawatu tan nasin Nasi.
