nimi toki

lipu ni li toki e nimi ijo sama nimi jan, sama nimi ma, sama nimi kulupu. nimi lon kon pi suli nanpa wan la o lukin e lipu “nimi”.

kiwen ni li lon ma Intonesija, li jo e nimi toki mute. nimi toki li nimi pi jan ni: ona li moli lon pakala pi ma Pali pi sike nanpa 2002^(?).

nimi toki anu nimi taso li nimi ijo ni anu kulupu ni pi nimi ijo: jan ante li kepeken ona la, jan ante ni li toki e jan pi nimi ni anu ijo pi nimi ni. ken la, nimi toki li sama nimi pi ijo wan. taso, mute nimi pi nimi toki li ken wan, li ken tu, li ken mute.

ona li ken toki e kulupu anu ijo wan. kon toki li lon la, kon toki li lon ala la, ni tu li pona. kin la, nimi jan li lon, li nimi toki, li toki e jan ni: ona taso li lon ale. taso, jan mute li ken jo e nimi jan sama. nimi li ken lon jan anu ma anu ijo ante, sama ni: mama li ken pana e nimi toki tawa jan kili ona.

kin la, jan li kepeken nimi toki tawa ni: o sitelen insa e ni: jan en jan ante li tawa ante li poka. jan ni li wile e ni: jan ante ni li toki tawa jan ni. ni la, jan ni li toki e nimi toki pi jan ante ni la, jan ante ni li wile kama li wile toki tawa jan ni.