L'associacion Tot en Òc regropa de traductors benevòls. Nòstre objectiu es de prepausar de versions en occitan per las principalas aisinas informaticas e numericas.
Mozilla Firefox [moˈzɪla ˈfaɪəfɒks] (oficialament abreviat en Fx o fx e popularament abreviat en FF) es un navegador liure desvolopat a partir del projècte Mozilla. L’objectiu de Firefox es de desvolopar un Mozilla mai pichon, leugièr e rapid al mejan de l’extraccion e del redessenh del compausant de navegador de la seguida de logicial Mozilla. De la meteissa manièra que Mozilla, Firefox es multiplataforma e utiliza lo lengatge d’interfàcia XUL.
LibreOffice es una seguida burotica, tan per lo monde professional coma per l’usatge personal. Es compausada d’un tractament de tèxte, de fuèlh de calcul, d’una aisina de presentacion/diaporama, dessenh, banca de donadas. Prepausa tanben la possibilitat d’exportar al format PDF, edicion de formulas matematicas, extensions, etc… LibreOffice es disponibla per la màger part de las plataformas : MS-Windows (Xp, Vista, Seven), Linux (32 et 64 bits, paquets deb e rpm), MacOS-X (processeurs Intel e PowerPC).
De milierats d’aplicacions, de milions d’utilizaires, un novèl biais d’utilizar vòstre ordenador ! Rapid e polit, Ubuntu es un sistèma operatiu intuitiu e securizat, ideal pels ordenadors de burèu, los servidors, los netbooks e los ordenadors portables. Ubuntu es liure, gratuit, e es compausat de logicials que lo son tanben.
Ensenhatz l'occitan a vòstre ordenador ! Tot en Òc vos met a posita los logicials, e totas las aisinas que vos fan mestièr en lenga occitana
D5 Creation | Powered by: WordPress
