Det betyr enormt mykje. Det betyr mykje for pasientane våre, sa Lindis Hurum, generalsekretær i Legar utan grenser da totalbeløpet vart kjent.
I år går TV-aksjonen til Legar utan grenser og søsterorganisasjonen Drugs for Neglected Diseases initiative (DNDi).
Organisasjonen har valt aksjonsmottoet «grenselause sjukdommar – gløymde pasientar».
Pengane som blir samla inn skal bidra til å førebygge epidemiar og behandle menneske som blir ramma av kjente og ukjente sjukdommar i fire land; DR Kongo, Den sentralafrikanske republikken, Bangladesh og Sierra Leone.
Resultatet vart på 266.211.650 kr.
Også Vipps slo tidlegare toppnoteringar. I alt 117 millionar kroner blei vippset og 452 000 betalingar er nye rekordar. Det er også snittbeløpet på 452 kroner per Vipps-donasjon, ifølge TV-aksjonen.
Rørt til tårer
– Det at det er så mange i Noreg som vel å bidra med det dei kunne er heilt uvurderleg. Det er heilt definerande kven ein er som person, som organisasjon, eller nasjon kva ein gjer i møte med andres urett og liding. Det at så mange nordmenn vel å strekke ut ei hand er eg djupt rørt av, fortsette Hurum rørt til tårer.
Lindis Hurum, generalsekretær i Legar utan grenser og lege Morten Rostrup er gjestar i TV-aksjonen.
Foto: Julia Marie Naglestad / NRKHurum har tidlegare jobba 15 år som feltarbeidar i Legar utan grenser, og veit kor mykje det betyr for menneske i nød å få hjelp.
– Eg har sett kva det betyr å leve i eit land som blir gløymt. Da kjem det ikkje hjelp til. Da er det slik at ein kan døy av ein sjukdom som ein ikkje treng å døy av.
Enn så lenge er det Rogaland som er det fylket som har gitt mest, med Agder og Møre og Romsdal rett bak seg.
Sjekk kor mykje kommunen din har gitt så langt her.
200.000 kr for Girl in reds gitar
Det er mange måtar å støtte TV-aksjonen på. Du kan gi kontantar til bøsseberarane som er ute i dag. Du kan også vippse ditt bidrag til 2133.
I tillegg kan du sende SMS med kodeord TVA til 2133, eller overføre til TV-aksjonskonto: 8380 08 09005.
Ein har også kunne ha bydd på ulike ting i auksjonen. Der var det Girl in reds gitar som toppa auksjonen med heile 200.000 kr.
Av mange ting du kan by på er signert US Open-racket og panneband frå Casper Ruud.
Foto: Matt Rourke / AP10 kr kan redde eit liv
Sidan DNDi vart oppretta i 2003 har organisasjonen utvikla 12 behandlingar mot seks livsfarlege sjukdommar. Dette har redda millionar av liv. Men det er framleis behov for hjelp:
- Kvar dag døyr 1700 menneske av malaria.
- 600 millionar bur i risikoområde for hudsjukdommen kala-azar.
- 23 millionar liv er spart dei siste 20 åra takka vere meslingvaksinar.
- Halvparten av verdas befolkning har ikkje tilgang til nødvendig helsehjelp.
Med pengane frå TV-aksjonen kan Legar utan grenser og DNDi fortsetje arbeidet med å førebygge sjukdommar og utvikle medisinar som kan hjelpe millionar av.
For skarve 10 kr kan du bidra med malariabehandling – og med det redde eit liv.
