მთავარი გვერდი

მოგესალმებით ვიკიპედიაში ეს არის თავისუფალი ენციკლოპედიის ქართულენოვანი პროექტი

ამჟამად ქართულ ენაზე ხელმისაწვდომია 201 006 სტატია.

რჩეული სტატია

მუსტაფა ქემალ ათათურქი, თურქი ფელდმარშალი, რევოლუციონერი სახელმწიფო მოღვაწე, მწერალი და თურქეთის რესპუბლიკის დამფუძნებელი მამა. ათათურქი 1923 წლიდან, რესპუბლიკის დაფუძნებიდან, 1938 წელს საკუთარ სიკვდილამდე, იყო თურქეთის პრეზიდენტი. მან გაატარა ყოვლისმომცველი პროგრესული რეფორმები, რამაც თურქეთი გარდაქმნა სეკულარულ და ინდუსტრიალიზებულ სახელმწიფოდ. მისი სეკულარისტული და ნაციონალისტური პოლიტიკა და სოციალისტურ-პოლიტიკური თეორია ქემალიზმის სახელით გახდა ცნობილი. თავისი სამხედრო და პოლიტიკური მიღწევების გამო, ათათურქი XX საუკუნის ერთ-ერთ ყველაზე მნიშვნელოვან პოლიტიკურ ლიდერად ითვლება. ათათურქი ცნობილი გახდა პირველი მსოფლიო ომის დროს, გალიპოლის ბრძოლაში (1915) ოსმალეთის იმპერიის გამარჯვების უზრუნველყოფის შემდეგ. ოსმალეთის იმპერიის დამარცხებისა და დაშლის შემდეგ, ის სათავეში ჩაუდგა თურქულ ეროვნულ მოძრაობას. მოძრაობა წინააღმდეგობას უწევდა მოკავშირეების მიერ თურქეთის დაყოფას ომში გამარჯვებულ მხარეებს შორის. თურქეთის დღევანდელ დედაქალაქში, ანკარაში დროებითი მთავრობის შექმნის შემდეგ მან დაამარცხა მოკავშირეების მიერ გაგზავნილი ძალები და ომში გაიმარჯვა. მოგვიანებით ამ მოვლენებს „თურქეთის ომი დამოუკიდებლობისთვის“ უწოდეს. შემდგომში ათათურქმა გააუქმა უკვე დაშლილი ოსმალეთის იმპერია და მის ნაცვლად გამოაცხადა თურქეთის რესპუბლიკის დაარსების შესახებ. ახლად ჩამოყალიბებული თურქეთის რესპუბლიკის პრეზიდენტის ამპლუაში, ათათურქმა წამოიწყო პოლიტიკური, ეკონომიკური და კულტურული რეფორმების მკაცრი პროგრამა, რომლის საბოლოო მიზანი იყო თანამედროვე, პროგრესული და სეკულარული ეროვნული სახელმწიფოს აშენება. მან დაწყებითი განათლება უფასო და სავალდებულო გახადა და ათასობით ახალი სკოლა გახსნა ქვეყნის მასშტაბით. ასევე შემოიღო ლათინურ ენაზე დაფუძნებული თურქული ანბანი, რომელმაც ჩაანაცვლა ძველი ოსმალურის თურქული ანბანი. ათათურქის პრეზიდენტობის დროს თურქმა ქალებმა თანაბარი სამოქალაქო და პოლიტიკური უფლებები მიიღეს. კერძოდ, №1580 კანონის საფუძველზე 1930 წლის 3 აპრილს ქალებს მიენიჭათ ხმის მიცემის უფლება ადგილობრივ არჩევნებზე და რამდენიმე წლის შემდეგ, 1934 წელს, სრული საყოველთაო ხმის უფლება მიიღეს.

სრულად...

კანდიდატები

სხვა რჩეული სტატიები

დღის სტატია

BBC-ს ლოგო

ბი-ბი-სი (ინგლ. BBC — The British Broadcasting Corporation ბრიტანეთის სამაუწყებლო კორპორაცია) — მსოფლიოში უმსხვილესი სამაუწყებლო კორპორაცია 26 000 თანამშრომლით მხოლოდ დიდ ბრიტანეთში და £4 მილიარდი წლიური ბიუჯეტით. შტაბ-ბინა მდებარეობს ლონდონში, დიდი ბრიტანეთი.

დაარსდა 1922 წელს, როგორც შპს ბრიტანული სამაუწყებლო კომპანია. 1927 წელს ის სახელმწიფოს საკუთრებაში არსებული, მაგრამ დამოუკიდებელი კორპორაცია გახდა. კორპორაცია ქმნის პროგრამებს, ამზადებს საინფორმაციო გამოშვებებს და გადასცემს მათ ტელევიზის, რადიოსა და ინტერნეტის საშუალებით. ბი ბი სი-ის თავისი მისია შემდეგნაირად აქვს ჩამოყალიბებული: „ინფორმაციის მიწოდება, განათლება და გართობა“.

სტატიები

დღის სურათი

სენ-ჩარლის სასაფლაო ზამთარში. კვებეკი, კანადა.

სენ-ჩარლის სასაფლაო ზამთარში. კვებეკი, კანადა.

რჩეული სურათები

სიახლეები

• ნობელის პრემიის ლაურეატი მშვიდობის განმტკიცებაში სამხრეთაფრიკელი ნავი პილეი (სურათზე) გახდა.
• სერბეთის პრეზიდენტი ალექსანდარ ვუჩიჩი გადადგა და მის მოვალეობას ეროვნული ასამბლეის პრეზიდენტი ანა ბრნაბიჩი ასრულებს.
• ნორვეგიის მეფე ჰარალდ V 89 წლის ასაკში გარდაიცვალა და ტახტზე ჰოკონ VIII ავიდა.
• ენდი ბერნემი გაერთიანებული სამეფოს პრემიერ-მინისტრი გახდა.
• უნგრეთის პრეზიდენტი ტამაშ შუიოკი გადადგა და ქვეყნის მეთაურის მოვალეობას ეროვნული ასამბლეის სპიკერი აგნეს ფორსტჰოფერი ასრულებს.
• კეიკო ფუხიმორი პერუს პრეზიდენტად აირჩიეს.

მიმდინარე: საქართველოს საპროტესტო აქციები; რუსეთის შეჭრა უკრაინაში; ისრაელ-ჰამასის ომი; ირან-ისრაელის ომი.

2 ნოემბერი — ამ დღეს...

სკს-ს პირველი გუნდი.

• 1914 : რუსეთმა ოსმალეთის იმპერიას ომი გამოუცხადა.
• 1936 : ბრიტანეთის სამაუწყებლო კორპორაცია (BBC) სატელევიზიო ტრანსლაციას იწყებს, რითაც პირველი დღემდე არსებული რეგულარული სატელევიზიო სამსახური ხდება.
• 1937 : მოსკოვის კრემლის ხუთ გუმბათზე წითელი რუბინის ვარსკვლავები აინთო.
• 1956 : ლიტვის ახალგაზრდობის დემონსტრაციები გაიმართა ვილნიუსსა და კაუნასში.
• 1965 : ალბანეთის პრეზიდენტი ენვერ ხოჯა საბჭოთა კავშირთან ურთიერთობას წყვეტს და ქვეყნის ახალ მოკავშირედ ჩინეთს ასახელებს.
• 1988 : მორისის ჭია — პირველი ინტერნეტით გადამდები კომპიუტერული ვირუსი გავრცელდა მასაჩუსეტსის ტექნოლოგიის ინსტიტუტიდან.
• 2000 : საერთაშორისო კოსმოსურ სადგურზე კოსმონავტთა პირველი ჯგუფი (სურათზე) ავიდა.
  სხვა მოვლენები
  
  

იცით თუ არა, რომ?

ვიკიპედიის ახალი მასალებიდან:

უილიამ პიტი

• ნორმან ეინჯელი არის ერთადერთი ნობელის პრემიის ლაურეატი, რომელმაც ჯილდო წიგნის გამოცემისთვის მოიპოვა.
• იოანე II პირველი პაპი იყო, რომელმაც სახელი შეიცვალა პაპად არჩევის შემდეგ.
• უილიამ პიტი (სურათზე) დიდი ბრიტანეთის ყველაზე ახალგაზრდა პრემიერ-მინისტრია, 1783 წელს თანამდებობის დაკავების მომენტში იგი 24 წლის იყო.
• მეტამორფოზის ბოლო სტადიაზე (იმაგო) ერთდღიურები არ იკვებებიან და ცოცხლობენ ცოტა ხანს — რამდენიმე საათიდან ერთ ან რამდენიმე დღემდე.
• ჰაიტის პრეზიდენტი ჟან-კლოდ დიუვალიე მსოფლიოში ყველაზე ახალგაზრდა პრეზიდენტად ითვლება, მან თანამდებობა 19 წლის ასაკში დაიკავა.
• ზღვის მამლებს მკერდის წინა 3 სხივი თითისებრ გამონაზარდებად აქვთ გარდაქმნილი, რომელთა დახმარებითაც ფსკერზე ცოცავენ და საკვებს ეძებენ.
  არქივი

  მოგვაწოდეთ ფაქტი
  
  

	ვიკისაწყობი მედიაფაილების თავისუფალი საცავი		ვიკისიახლენი თავისუფალი სიახლეები		ვიქსიკონი ლექსიკონი და თეზაურუსი
	ვიკიციტატა ციტატების კოლექცია		ვიკიწიგნები თავისუფალი სახელმძღვანელოები		ვიკიწყარო თავისუფალი ბიბლიოთეკა
	ვიკისახეობები ჯიშთა და სახეობათა საცავი		ვიკივერსიტეტი საგანმანათლებლო მასალები		მეტა-ვიკი ვიკიმედიის პროექტების კოორდინაცია
	ვიკივოიაჟი თავისუფალი გზამკვლევი		ვიკიმონაცემები მონაცემთა ბაზა		მედიავიკი უფასო პროგრამული უზრუნველყოფა