Бостан

Бостан
	Населены пункт
Бостан
	англ.: Boston
	Сцяг[d]
	42°21′37″ пн. ш. 71°03′28″ з. д.HGЯO
Краіна	ЗША;
Кіраўнік	Michelle Wu[d]
Гісторыя і геаграфія
Заснаваны	7 (17) верасня 1630
Вышыня цэнтра	43 м
Тып клімату	humid continental climate[d]
Водныя аб’екты	Чарлз, Neponset River[d], Mystic River[d] і Бостанская бухта
Насельніцтва
Насельніцтва	▼675 647 чал. (1 красавіка 2020);
Лічбавыя ідэнтыфікатары
Тэлефонны код	617
Паштовы індэкс	02108, 02109, 02110, 02111, 02112, 02113, 02114, 02115, 02116, 02117, 02118, 02123, 02133, 02163, 02196, 02199, 02201, 02203, 02204, 02205, 02206, 02210, 02211, 02212, 02215, 02217, 02222, 02241, 02283, 02284, 02293, 02297 і 02298
	boston.gov (англ.)
Паказаць/схаваць карты
	; ; Бостан ;
	Медыяфайлы на Вікісховішчы

Бостан (англ.: Boston) — найбуйнейшы горад штата Масачусетс, ЗША. Горад таксама з’яўляецца неафіцыйнай сталіцай рэгіёну, вядомага пад назвай Новая Англія, а таксама адным з найстарэйшых і самых багатых гарадоў ЗША. Паводле перапісу 2000 года, насельніцтва горада складала каля 600 тыс. Бостан з прыгарадамі ўваходзіць у дзясятку самых вялікіх гарадоў у ЗША і ў пяцьдзясят самых вялікіх гарадоў свету. Мянушка горада — Beantown.

Плошча — 232,1 км². Вялікая частка яго тэрыторыі знаходзіцца на вышыні 5-7 м над узроўнем мора, а найвышэйшы пункт Бельв’ю-Хіл^[en] размешчаны на вышыні 101 м. Знаходзіцца горад на беразе Бостанскай бухты заліва Масачусетс. Выдаецца газета «The Boston Globe».

Гісторыя

Заснаваны ў 1630 годзе пурытанамі — выхадцамі з Англіі. З 1632 года — сталіца калоніі Масачусетс, галоўны порт і горад Новай Англіі, важны гандлёвы, навуковы і культурны асяродак. У 1679 годзе моцна пацярпеў ад пажару. У 2-й палове 18 стагоддзя ў Бостане распачалася барацьба супраць каланіяльнай палітыкі Вялікабрытаніі (паўстанне гараджан супраць гербавага збору ў 1765, іх узброеная сутычка з англійскімі войскамі ў 1770 годзе «Бостанская бойня», у 1773 годзе «Бостанскае чаяпіцце», якое стала пралогам Вайны за незалежнасць у Паўночнай Амерыцы 1775—83. Гарадскія правы з 1822 года. З 1831 годаадзін з цэнтраў абаліцыянізму, страціў пазіцыі ў гандлі, але стаў значным асяродкам банкаўскай справы, тут утварыўся саюз капіталістаў — Бостанская фінансавая група. У 19—20 стагоддзях адзін з партоў масавага прыбыцця імігрантаў, у т. л. беларусаў. У 1897 годзе ў горадзе адкрыта першае ў Амерыцы метро.

Насельніцтва

Год	Колькасць
1722	10 567
1765	15 520
1790	18 320
1800	24 937
1810	33 787
1820	43 298
1830	61 392

Год	Колькасць
1840	93 383
1850	136 881
1860	177 840
1870	250 526
1880	362 839
1890	448 477
1900	560 892

Год	Колькасць
1910	670 585
1920	748 060
1930	781 188
1940	770 816
1950	801 444
1960	697 197
1970	641 071

Год	Колькасць
1980	562 994
1990	574 283
2000	589 141
2010	617 594	^[6]^[7]
2011	692 600	^[8]
2020	675 647	^[4]

Архітэктура

Мае радыяльную сістэму планіроўкі, шматлікія паркі, паўкальцо бульвараў (з 1898, план Ч.Эліята). Сярод архітэктурных помнікаў каланіяльнага перыяду: Дом сходаў (1729—30), Стары дом штата (1713; перабудаваны ў 1748), Фанейль-хол (1742—1805); пабудовы Ч.Булфінча ў стылі класіцызму — Дом штата (Капітолій; 1795—98, перабудовы да 1914), Масачусецкі галоўны шпіталь (1818—20) і іншыя; гандлёвы будынак Куінсі-маркет (1825—26, А.Парыс); Публічная бібліятэка (1888—95, неарэнесанс; размалёўкі П.Пюві дэ Шавана, Дж.С.Сарджэнта і інш.); пабудовы Г.Х.Рычардсана ў духу раманскага дойлідства — царква Трыніты-чэрч (1873—77) і інш. Сучасны адміністрацыйны цэнтр уключае Новую ратушу (1969), будынкі «Дж.Ф.Кенэдзі», адміністрацыйных службаў аховы здароўя, прафілактыкі і асветы (1971, П.Рудалф). Пабудаваны новы корпус гар. б-кі (1972, Ф.Джонсан), будынак Блакітнага Крыжа (1960, Рудалф), аэрапорт (1971), сфарміравана Рыначная плошча (1976, Б.Томпсан). Помнік-абеліск у гонар бітвы пры Банкер-Хіле (вышыня 67 м, 1843) і іншыя.

Адукацыя

Універсітэты: Гарвардскі ўніверсітэт (з 1636), Бостанскі ўніверсітэт. Масачусецкі тэхналагічны інстытут. Акадэмія мастацтваў і навук.

Культура

Прамысловасць

Прыладабудаванне, у тым ліку вытворчасць кантрольна-вымяральных і навуковых прылад, медыцынскіх інструментаў, фотатэхнікі (фірма «Polaroid»); радыёэлектронная (вытворчасць ЭВМ, сродкаў сувязі, медыцынскай апаратуры, электронных кампанентаў), электратэхнічная, аўтазборачная; вытворчасць прамысловага абсталявання, авіяцыйных дэталяў і вузлоў, авіяцыйных і суднавых рухавікоў; суднабудаванне і суднарамонт. Паліграфічная, гарбарна-абутковая, хімічная (пераважна вытворчасць бытавых хімікатаў), гумавая, лёгкая, харчовая прамысловасць.