Besahezur
| Besahezur | |
|---|---|
 | |
| Xehetasunak | |
| Honen parte | goiko gorputz-adarreko atal askeko hezurra |
| Kokapena | besondoa |
| Konponenteak | humeroaren erdiko epikondiloa humeroaren alboko epikondiloa humeroko lepo kirurgikoa humeroko lepo anatomikoa trokiterra trokina humero-burua intertubercular sulcus of the humerus (en)  condyle of humerus (en) humero-gorputza |
| Artikulazioa | medial intermuscular septum of arm (en) lateral intermuscular septum of arm (en) omoplatoa kubitua erradioa |
| Arteria | nutrient arteries of humerus (en) |
| Identifikadoreak | |
| Latinez | humerus |
| MeSH | A02.835.232.087.090.400 |
| TA | A02.4.04.001 |
| FMA | 13303 |
| Terminologia anatomikoa | |
Humeroa edo besahezurra (latinez, humerus) goiko gorputz-adarreko hezurrik luzeena da, sorbaldatik ukondora joaten dena.
Humeroaren goiko epifisia eskapularekin giltzatzen da, sorbaldako giltzaduraren bitartez eta beheko epifisia, ordea, kubitu eta erradioarekin ukondoaren giltzaduraren bitartez.
Deskribapen anatomikoa
[aldatu | aldatu iturburu kodea]Hurbileko epifisia
[aldatu | aldatu iturburu kodea]- Burua: forma erdi-esferikoa duen aurpegi artikularra dauka, zeina eskapularen barrunbe glenoideoarekin giltzatzen dena.
- Lepo anatomikoa: tuberkulu nagusiaren eta txikiaren artean kokatzen da.
- Lepo kirurgikoa: muskulu eskapulahumeralen ezarpen tokia da.
- Tuberkulu nagusia: muskulu desberdinak ezartzen dira: arantza gaineko muskulua, arantza azpiko muskulua eta muskulu biribil txikia.
- Tuberkulu txikia: eskapula azpiko muskuluaren ezarpen tokia da.
- Tuberkulu arteko ildoa: bi tuberkuluen arteko espazioa da.
Diafisia
[aldatu | aldatu iturburu kodea]- Humeroaren gorputza: hezurraren bi epifisien artean kokatzen da. Aurre-erdiko, aurre-alboko eta atzeko aurpegiak dauzka. Aurre-erdiko eta aurre-alboko aurpegiak batzen diren tokian, aurreko ertza dago. Aurre-erdiko eta atzeko aurpegiak batzen diren tokian, erdiko ertza dago. Aurre-alboko eta atzeko aurpegiak batzen diren tokian, alboko ertza dago.
- Nerbio erradialaren ildoa: atzeko aurpegian dago, eta bertatik nerbio erradial komuna eta barneko arteria brakiala igarotzen dira.
- Alboko ertza: hezurraren alboko aldean kokatzen da eta bere hurbileko herenean deltoide tuberositatea dago, deltoide muskuluaren ezarpen tokia dena.
Urruneko epifisia
[aldatu | aldatu iturburu kodea]- Kondiloa: humeroaren alde distaleko gunea da, non kapitulua, troklea eta hobi koronoide, oleokraneal eta erradialak aurkitzen diren.
- Kapitulua: hezurraren alboko aldean kokatuta dago eta erradioaren hobitxo artikularrarekin lotzen da.
- Troklea: erdiko aldean dago eta kubitoaren troklea muxarradurarekin lotzen da.
- Hobi koronoideoa: kubitoaren irtengune koronoidearekin lotzen da.
- Hobi olekraneala: kubitoaren olekraneoarekin lotzen da.
- Hobi erradiala: erradioaren buruarekin lotzen da.
- Erdiko epikondiloa: troklearen goialdean kokatzen den luzapena da.
- Alboko epikondiloa: kapituluaren goialdean kokatzen den luzapena da.
Giltzadurak
[aldatu | aldatu iturburu kodea]Sorbaldaren giltzadurak
[aldatu | aldatu iturburu kodea]Humeroaren burua eskapularen barrunbe glenoideoarekin giltzatzen da, sorbaldaren giltzadura sortuz. Giltzadura hau sendotzeko lotailu glenohumerala, lotailu korakohumerala eta zeharkako lotailu humerala daude.
Ukondoaren giltzadurak
[aldatu | aldatu iturburu kodea]Humeroaren kondiloa erradioaren buruarekin giltzatzen da eta troklea, ordea, kubitoaren muxarradura troklearrarekin giltzatzen da, ukondoaren giltzadura osatuz. Ukondoaren giltzaduraren barruan bi giltzadura desberdin dauzkagu:
Giltzadura humerokubitala
[aldatu | aldatu iturburu kodea]Troklea motakoa da, bai morfologikoki eta anatomikoki.
Giltzadura humerorradiala
[aldatu | aldatu iturburu kodea]Morfologikoki kondileoa da eta funtzionalki troklea.
Lotutako giharrak
[aldatu | aldatu iturburu kodea]Goiko atalean deltoidea eta gihar pektorala eta erdikoan bizepsa aurrealdean eta trizepsa atzealdean lotuta ditu humeroak, besteak beste.
