Jump to content

Nord-Pas-de-Calais

Veih Wikipedia.
Nord-Pas-de-Calais
—  Ard y Rank  —
Image
Bun speyrey Nord-Pas-de-Calais
ImageImage
BrattaghArmys
Image
Soiaghey Nord-Pas-de-Calais er caslys-çheerey yn Rank
Soiaghey Nord-Pas-de-Calais er caslys-çheerey yn Rank
Map
Co-ordnaidyn: 50°28′00″N 2°43′00″E / 50.466666666667°N 2.7166666666667°E / 50.466666666667; 2.7166666666667
Co-ordnaidyn: 50°28′N 02°43′W / 50.467°N 2.717°W / 50.467; -2.717
ÇheerImage Y Rank
RheynnynNord
Pas-de-Calais
Bunneeaght4 Mean Souree 1960⁠[1]
Mooghey31 Mee ny Nollick 2015
Enmysit sonNord (rheynn y Rank), Pas-de-Calais
MeoiraghtLille
Ayrnyn
Rolley
Çhengaghyn loayritPicardish
Reiltys
• Çhionnal kiannoortaghCoonseil Ardjynagh Nord-Pas-de-Calais
• EaghtyraneDaniel Percheron (PS)
Eaghtyr
• Slane12414 km2 (4,793.1 mi ker)
Earroo yn phobble (2013)
• Slane4,033,197
• Ard y Rank4,060,741⁠[2]
• Glooaght325/km2 (841.7/mi ker)
Cryss hraaCET (UTC+01:00)
• Sourey (THHL)CEST (UTC+02:00)
Coad ISO 3166FR-O
ISO 3166-2FR-O
NUTS 2FR3
www.nordpasdecalais.fr

She fer jeh ny 27 ardjyn 'sy Rank eh Nord-Pas-de-Calais (Fockley magh ayns Frangish: [nɔʁ pa də kalɛ]  (Image eaisht); Ollanish: [Noord-Nauw van Calais] Error: {{Lang}}: text has italic markup (help)). T'eh jeant seose jeh 2 rheynn — Nord as Pas-de-Calais. T'eh soit ayns twoaie yn çheer eddyr y Velg 'sy twoaie as 'sy niar, Picardie 'sy jiass, Mooir yn Eeaght 'sy neear as Mooir Hostyn 'sy twoaie. Va'n chooid smoo jeh'n ard ny cooid jeh'n Çheer Injil Yiassagh çheusthie jeh ny Çheeraghyn Injilley. Beggan er veggan, haink yn ard dy ve ny chooid jeh'n Rank eddyr ny bleeantyn 1477 as 1678.

She ard gloo chummaltit t'ayn lesh 323.7 deiney cummal ayns dagh kilomeadar kerrinagh. Ta'n ard 12,400 km2 er eaghtyr as ta ny smoo na kiare millioon cummaltee ayn. Cummaltee valjagh ad 83% jeh lught cummaltit yn ard. She Lille y chaayr smoo as meoiraght, ny preeu-valley, yn ard. She Calais y nah chaayr smoo as eh ny chree laaragh son traght as cohionneeaght eddyr mooar-heer yn Oarpey as y Vretyn Vooar raad ta'n Douvyr ny hoie 42 km (26 mi) harrish y vooir; ta Eayninyn Baney yn Douvyr so-akin veih Calais er laa gial braew. T'ad Valenciennes, Lens, Douai, Béthune, Dunkerque, Maubeuge, Boulogne, Arras, Cambrai as Saint-Omer ny baljyn mooarey elley t'ayn.

Çheer-oaylleeaght

[reagh | reagh y bun]

Soiaghey

[reagh | reagh y bun]
Image
Soiaghey çheer-oaylleeagh Nord-Pas-de-Calais.

Ta Nord-Pas-de-Calais ny hoie ayns kione twoaie yn Rank. T'eh jeant seose jeh ny rheynnyn Nord as Pas-de-Calais. Myrane lesh shen, t'eh jeant seose jeh ny coondaeghyn shenndeeagh Artois, Boulogne, yn Flandyryn as Hainaut.

T'eh soit eddyr ny linnaghyn dowan-lheead 50°N as 51°N as t'eh goll er sheeyney magh harrish 12,414 km2 dy hallooin, ny 2.35% jeh eaghtyr y Rank. Myrane lesh y chooid elley jeh'n Rank Oarpagh t'eh ny hoie ayns cryss-hraa yn Oarpey Veanagh (UTC+1; UTC+2 rere traa tashtey yn touree).

T'eh çhemmit liorish Mooir yn Eeaght 'sy neear as Mooir Hostyn 'sy twoaie. She Côte d'Opale ("Y Coose Opalagh") yn ennym ta currit er y choose shen as eh 140 km er lhiurid. Er y thalloo ta'n ard goll er çhemmal rish y Velg er feie 350 km veih Bray-Dunes 'sy niar hwoaie shiar yiass gys Anor 'sy niar yiass. 'Sy jiass cha nel yn ard çhemmal agh rish ny rheynnyn Somme as Aisne 'syn ard Picardie.

Deyn-oaylleeaght

[reagh | reagh y bun]
Image
Caslys-çheerey er ny h-ardjyn baljagh 'syn ard.
Ayns daah buigh, ny ymmylyn baljagh ("couronnes monopolarisées") as ayns daah ruy ny çheshveanyn baljagh ("pôles urbains")

'Sy vlein 2005, va 75% jeh cummaltee yn ard cummal ayns ardjyn baljagh as va ny smoo na fer ass dagh daa 'er cummal ayns baljyn lesh ny smoo na 100,000 deiney.[3] Er 1 Jerrey Geuree 2008, va 4.02 millioon cummaltee 'syn ard.[4]

Baljyn

[reagh | reagh y bun]
Rolley ny jeih baljyn smoo ayns Nord-Pas-de-Calais:
RhenkEnnymRheynnEarroo yn phobble
(2007)
1LilleNord226,827
2RoubaixNord95,028
3DunkerqueNord92,923
4TourcoingNord92,389
5CalaisPas-de-Calais74,336
6Villeneuve-d'AscqNord63,844
7Boulogne-sur-MerPas-de-Calais43,310
8ValenciennesNord42,649
9DouaiNord42,461
10ArrasPas-de-Calais42,049
Farrane-fys: Insee[5]

Ardjyn baljagh

[reagh | reagh y bun]
Rolley jeh ny queig ardjyn baljagh smoo ayns Nord-Pas-de-Calais:
Rhenk ayns
Nord-
Pas-de-Calais		Rhenk
'sy Rank		Ennym y valleyEarroo yn phobble
(2007)
14Lille Métropole1,163,934
212Douai-Lens546,294
319Valenciennes Métropole399,144
434Béthune268,972
536Dunkerque Grand Littoral259,134
Farrane-fys: Insee[6]

Imraaghyn

[reagh | reagh y bun]
  1. ↑ "décret n° 60-516 du 2 juin 1960 portant harmonisation des circonscriptions administratives". Journal officiel de la République française (ayns French). 3 Mean Souree 1960. ISSN 0242-6773. Wikidata Q124947228.
  2. ↑ "www.insee.fr".
  3. ↑ "Fiche préparatoire pour l'atelier "Résidentiel et urbanisme" - 2" (PDF) (ayns Frangish). Aarlit ec DREAL er son SRCAE. Jerrey Geuree 2011. Er ny hashtey veih y lhieggan bunneydagh (PDF) er 2011-07-20. Feddynit er 23 Averil 2012.
  4. ↑ "En résumé" (ayns Frangish). Insee. 2010. Feddynit er 29 Jerrey Souree 2010. {{cite web}}: Italic or bold markup not allowed in: |publisher= (help)
  5. ↑ "Population des villes françaises en 2009" (ayns Frangish). Insee. 2009. Er ny hashtey veih y lhieggan bunneydagh er 2012-04-11. Feddynit er 8 Mayrnt 2012.
  6. ↑ "Les 30 premières aires urbaines" (ayns Frangish). Insee. Feddynit er 28 Jerrey Souree 2010.
Feddynit ass "https://gv.wikipedia.org/w/index.php?title=Nord-Pas-de-Calais&oldid=377446"